1 Juan 4:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' sovitaxa quiyim nachinchiguiñi da qare'xorenataxanaxa, qaiyi ma' ỹovita ca na'xa'a quiyim qaimit ná'ogue na qomyipi queca lasauaxaset, ca' qomi' qaica ca huapigui qouel. Ma' qomi' nagui ñaqai seuqatalec ana 'laua, qam da qanachaalataxac 'nejem da nachaalataxac so Jesucristo.

1 Juan 4:17 Iomraidhean Croise

Mateo 10:15

Ca ỹaatqajam llic da shinac caqamiri quecajo pa'aatec na'xa'a ma' ñi qota'olec imit ná'ogue najo, ca' ca nouaxanaxaset cajo na'a' paguec lecaic ma'le ca nouaxanaxaset queso qomyipi na'ñi na'le yi Sodoma chaqai yi Gomorra.

Mateo 10:25

Vichiguiño' ca napaxaguinatec ỹa'maqachigui quet lauel quiyim ỹovireta'a quiyim 'nejem ca napaxaguinatqo', chaqai ca nelaatec ỹovireta'a quiyim 'nejem ca na'co'. Ca no'm cá'maq nashi queca na'a' qaỹamata'gue lashi na se re'xogui lecmaxaiquipi, ¿mesqai pagueco' la'aaxa cá'maq qaỹamata'gue na llaalqaipi ma'le?

Mateo 11:22

Qam shinac caqamiri, ma' qaỹa'ue ca nouaxanaxaset najo queca pa'aatec na'xa'a, paguec lecaic ma'le ca nouaxanaxashichii quiyi qomyipi na'ñi yi Tiro chaqai yi Sidón.

Mateo 11:24

Qam nagui shinac caqamiri queca pa'aatec na'xa'a ma' qaỹa'ue ca nouaxanaxaset ná'ogue najo, ca' qamiri paguec lecaic ca nouaxanaxashichii ma'le queso qomyipi na'ño' na'le yi 'laua Sodoma.

Mateo 12:36

Ca' ỹim shinac caqamiri queca na'xa'a ma' qaimit ná'ogue najo, ma'le, ca' ná'ogue na qomyipi chi ỹa'xat ná'maq chi la'qaatqaipi se retane'uegue quiyim ỹa'xat.

Juan 15:20

Se couahi'e dá'maq shinac na'le caqamiri: “Quiyim ca nelaatec se ỹapacauec queca na'co'.” Ca no'm ỹim qayocantac, ca' qamiri qai'neeta qarocañiỹac ma'le; chaqai no'm qana'xaỹaxana da ỹapaxaguinataxanaxac, qai'neeta qana'xaỹaxana ma'le ca rapaxaguinataxanaxaguii.

Juan 17:22

Dá'maq imaqachic nañaañirim, ca' chaqaida dá'maq saanema naua'maxare, qaiyi 'ec 'oonoqui', 'neete'm qomi' 'ec qomi' 'oonoqui'.

Romanos 8:29

Ma' ná'maq shi'gue iuana ñi qota'a, ca' chaqaina ná'maq shi'gue nca'au'a ñi'maxare, ỹahotaque quiyim 'nejem so llaalec Jesús, qaiyi só'maq llaalec nopiichi quená'maq 'xoic nqaỹaripi.

Hebreos 9:27

Ca' chaqai 'nejem quiyim ná'ogue na qom 'oonoqui' ileu, ime, ca nauaanaque ca na'xa'a quiyim qanimit ná'ogue najo,

Santiago 2:13

Ma' cá'maq se i'xoren ca liỹa, ca' chaqaida qohine'tegue. Ma' qaimit, ca' se qai'xoren. Qam cá'maq 'ue ca le'xorenataxanaxa, ca' qaica ca qohinegue, ma' ỹovita ca na'xa'a quiyim qaimit.

Santiago 2:22

'Ajñi' da 'neeta so Abraham dá'maq re'oq nqai'en quiyim 'ue da lpi'ỹaxac quedá'maq ỹo'uet, ca' dajo lpi'ỹaxac ỹovira'a quiyim ỹaatqajam naloochiguiñi quedá'maq ỹo'uet ỹa'maqachiguiñi.

2 Pedro 2:9

Ca' chaqaida dá'maq 'neeta ñi qara'gaxala' quiyim ishit nca'laxatec queca ne'guenaxac cá'maq ỹaatqajam nañaanot ñi'maxare, chaqai ná'maq hualoxonyipi tai'a nqai'en da nouaxanaxaset ma' qaimit ná'ogue najo.

2 Pedro 3:7

Qam ná'maq piguim chaqai na 'laua ñaqa 'vii nagui, naua'maxare tai'alo nqohine' ca norec, qam qaiyiita chicqochigui da la'qaatec ñi qota'a. Cajo norec ỹavigaxate' ma'le naua'maxare, ma' ỹovita ca na'xa'a quiyim qaimit ná'ogue najo, ma' qaỹomat ná'ogue na hualoxonyipi.

1 Juan 2:28

Ca' nagui qamiri ỹaalqolqa, quiitalec quiyim na'yiitau'a so Cristo, qaiyi 'ue ca qarpe'e ma' ỹovita quiyim nachaxan, chaqai qaica ca qarayiloxo ma' novi' so'maxare.

1 Juan 2:5

Qam cá'maq ỹo'uet da lelaataxanaxac ñi'maxare, ca' ỹovira'a quiyim ỹaatqajam nqo'ta ñi qota'a. Ca' chaqaida dá'maq 'neeta, ca' sa'deenaq quiyim ña'daqata'guit ñi'maxare.

1 Juan 2:6

Cá'maq 'naac na'deeta'guit ñi qota'a, ca' da nachaalataxac 'nejem dá'maq 'neetari' na'le so Jesucristo.

1 Juan 3:1

Ñaqai 'ajñii dá'maq chalego le'xorenataxanaxa ñi qota'olec coqomi' quiyim qohinac qomi' llaalqa ñi'maxare, qam llic qomi' llaalqa. Vichiguiño' ná'maq ñaq ỹo'ueetetac na nanatec hueetalec ana 'laua se ỹa'deene' qomi', ma' se ỹa'den ñi qota'a.

1 Juan 3:3

Ca' ná'ogue ná'maq hueeto'ot dajo quitaxac queso'maxare, ca' se ỹalliguiguit na se no'uen nqai'en da nachaalataxac, 'nejem nqai'en dá'maq 'neetari' so Jesucristo, ma' ỹaatqajam co'teeta da nachaalataxac.

1 Juan 3:7

Qamiri ỹaalqolqa, sqai 'xañiigue quiyim 'ue ca ỹayine' qamiri. Cá'maq ỹo'ueetetac ca ỹa'maqachiguiñi, ca huagaxaraic, ca 'nejem so Cristo huagaxaraic.

1 Juan 4:12

Ñi qota'a qaica ma' 'ue quet ca iuana. Qam no'm ñi'xoresenaqta', ca' ñi'maxare ỹalequetauguilo qomi', ca' da le'xorenataxanaxa ỹaatqajam nachinchiguiñi coqomi'.