1 Juan 4:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Canchaqaica quiyim ỹaatqajam llic nqai'en quiyim so Jesús chaqaiso so llaalec ñi qota'a, ca' da nachaalataxac hueeto'ot ñi qota'a, chaqai ñi qota'a hueetagui da nachaalataxac ca'maxare.

1 Juan 4:15 Iomraidhean Croise

Mateo 10:32

Ca ná'ogue ná'maq ra'qaataxanem na qomyipi quiyim queetalec aỹim, ca ỹim qai'neeta sa'xat ma'le quiñi ita'a qota'olec neeta'gue da piguim.

Lucas 12:8

Ca' aỹim shinac quecá'ogue cá'maq ra'qaataxanem na qomyipi quiyim queeta'pegue' aỹim, ca' qai'neeta najo ỹale llaalec ichoxot quiyim lalamaxat na'maxare ma' hueetaugui na piguim le'ec lelaatqaipi ñi qota'a.

Juan 6:56

Cá'maq ỹa'ic na ỹoshicmaxa chaqai ni'chiguilo naua iuo', ca'maxare na'deetau'a aỹim chaqai aỹim qai'neeta queca'maxare.

Hechos 8:37

Ca so Felipe 'naapego': —Ajá'a, no'm ỹaatqajam vi'relec, ca ỹa'maqachiguiñi. Ca só'maq ỹale 'naaco': —Ajá'a, ỹaatqajam seuelec quiyim so Jesús chaqaiso só'maq llaalec ñi qota'olec.

Romanos 10:9

Ma' no'm quenaua ra'qaataxahi' 'xachi' quiyim so Jesús chaqaiso só'maq qara'gaxala', chaqai quiyim lli'chirigui añi re'taxanata'e' quiyim virelec ñi qota'olec quiyim liỹa nca'laxatec na'le queso nelauaxa, ca' rca'llirec.

Filipenses 2:11

chaqai qaiyi ná'ogue ỹa'deena'a chaqai 'naac quiyim so Jesucristo ỹaatqajam na'gaxala', quiyim qaimaqachin ñi qota'olec.

1 Juan 2:23

Ná'ogue ná'maq ỹoqolliguit so llaalec ñi qota'a, qai'neeta sqai hueeto'ot ñi'maxare. Qam ná'maq se ỹoqolliguit so llaalec ñi qota'a, na'maxare qai'neeta neeto'ot ñi'maxare.

1 Juan 2:24

Vichiguiño' 'maxachii cañi re'taxanatahi dá'maq na'xaỹaxanaxaguii na' ñaqai chita'gue coñiguit da na'qaatec. Ca no'm dá'maq shi'gue na'xaỹaxanaxaguii hueetagui añi re'taxanatahi, ca' qamiri qai'neeta na'yiita'guit ñi qota'olec chaqai so llaalec.

1 Juan 3:23

Ca' dá'maq lelaataxanaxac chaqaida dá'maq quiyim seuaqlec só'maq llaalec Jesucristo, chaqai quiyim ñi'xoresenaqta', ma' chaqaida dá'maq ilarelgoto qomi'.

1 Juan 3:24

Ná'maq na'xaỹaxane'talo naua naqataxaco, ca' na'deetau'a ñi'maxare, chaqai ñi'maxare na'deeta'guita caua'maxare. Sa'deenaq quiyim ñi'maxare hueetauguilo qomi', ma' ñí'maq ne'Espíritu ỹaanema qomi' qara'deenaxanaxan.

1 Juan 4:12

Ñi qota'a qaica ma' 'ue quet ca iuana. Qam no'm ñi'xoresenaqta', ca' ñi'maxare ỹalequetauguilo qomi', ca' da le'xorenataxanaxa ỹaatqajam nachinchiguiñi coqomi'.

1 Juan 4:2

Ca' dajo dá'maq 'neeta ma'le quiyim 'yiiñii cá'maq neetagui ñi ne'Espíritu ñi qota'a: ná'ogue ná'maq llic nqai'en quiyim so Jesucristo ỹaatqajam qom, ca' chaqaina ná'maq neetagui so ne'Espíritu ñi qota'a.

1 Juan 5:1

Ná'ogue ná'maq 'ue ca lpi'ỹaxac quiyim so Jesús chaqaiso só'maq nashi nca'laxaqui, ca' llaalec ñi qota'a. Chaqai quiyim qai'xoren ca neta'a, ca' qai'xoren qai'neeta na llaalqaipi cajo neta'a.

1 Juan 5:5

Ca ná'maq 'ue da lpi'ỹaxac queso Jesús quiyim chaqaiso só'maq llaalec ñi qota'a, ca' qainaata loxonec ná'maq nanatqaipi se no'uen hueetalec ana 'laua.

2 Juan 1:7

Ma' 'xoic na 'maatqaiquipi ỹouoxontac na 'laua quená'maq sqai huelec quiyim so Jesucristo ỹaatqajam qom na' novi'. Ca cá'maq 'neetari' dajo, ca' chaqaica cá'maq 'maatqaic chaqai npa'guenaxaua so Cristo.