1 Juan 4:12 - La'qaatqa ñi qota'olec Qota'olec & Qota'olec Novita Na Qomyipi

¹² Ñi qota'a qaica ma' 'ue quet ca iuana. Qam no'm ñi'xoresenaqta', ca' ñi'maxare ỹalequetauguilo qomi', ca' da le'xorenataxanaxa ỹaatqajam nachinchiguiñi coqomi'.

1 Juan 4:12 Iomraidhean Croise

Génesis 32:30

Ca' so Jacob ỹanegue leenaxat Penuel, loqo'm qota'olec lashic, yijo 'laua, ma' 'naaco': Ỹaatqajam seuanchigui na lashic ñi qota'olec, qam qaiyiita ñaq yca'leetauec.

Éxodo 33:20

Qam sechoxotem qami' quiyim sqai huañirigui na ỹashic, ma' qaica ca qom quiyim iuañiua', qam ñaqai queeta nca'leetauec.

Juan 1:18

Ñi qota'olec qaica iuanapega, qam so 'oonoqui' llaalec só'maq ỹaatqajam neeto'ot ñi'maxare ñí'maq leta'a, chaqaiso só'maq ỹa'deenaxanaxanque qomi' ñi qota'olec.

1 Corintios 13:13

Ca' chaqaida, quiyim da npi'ỹaxac, chaqai da quitaxac, chaqai da ne'xorenataxanaxa qaica ca lqodogue'; qam dá'maq ỹapacauec quedaua tres, dá'maq ne'xorenataxanaxa.

1 Timoteo 1:17

Ca vichiguiño' se neme quiyim semaqachinaq ñi qota'olec ñí'maq qarashi qaica lqodoc, ñí'maq tot ileu, chaqai se qaiuana, chaqai qaica 'nejem, chaqai 'deenaxanqachaqaic. Ajá'a, ca' chaqaida 'neeta dajo.

1 Timoteo 6:16

Ñi'maxare ñí'maq qaiñiita se ileu, chaqai hueetaugui na lauaq hueeta'ñi yí'maq qaica ca ishit nqo'neu'a. Qaica ca qom ishit iuana. Sapacqajanqauec ñi'maxare quiyim semaqachinaq quedá'maq lquesaxanaxa sqaica lqodoc. Ajá'a, ca' chaqaida 'neeta dajo.

Hebreos 11:27

Ma' 'uo' da lpi'ỹaxac so Moisés, ca' ca'e yi 'laua Egipto, se no'cha'a da lonogoxonaxac so nashi. Ỹaatqajam queetalec dá'maq chi no'ueenataxac, 'ec ra'iito'ot ñi qota'a ñí'maq sqaica iuana.

1 Juan 2:5

Qam cá'maq ỹo'uet da lelaataxanaxac ñi'maxare, ca' ỹovira'a quiyim ỹaatqajam nqo'ta ñi qota'a. Ca' chaqaida dá'maq 'neeta, ca' sa'deenaq quiyim ña'daqata'guit ñi'maxare.

1 Juan 3:24

Ná'maq na'xaỹaxane'talo naua naqataxaco, ca' na'deetau'a ñi'maxare, chaqai ñi'maxare na'deeta'guita caua'maxare. Sa'deenaq quiyim ñi'maxare hueetauguilo qomi', ma' ñí'maq ne'Espíritu ỹaanema qomi' qara'deenaxanaxan.

1 Juan 4:16

Ca' quiyi, ca ỹovita quiyim sa'deenaq chaqai seuaqlec quiyim ñi qota'a qare'xoren. Ma' ñi qota'a 'xorenataxanaxai. Ca cá'maq hueetagui da nachaalataxac ca ne'xorenataxanaxa, ca' da nachaalataxac hueeto'ot ñi qota'a chaqai ñi qota'a hueeto'ot ca'maxare.

1 Juan 4:20

Qam no'm 'ue ca 'naac: “Ỹim se'xoren ñi qota'a”, qam ñaq noquiaatapega ca lqaỹa, ca' ca'maxare 'maatqaic. Ma' no'm se i'xoren ca lqaỹa quiyim ra'iito'ot, ca ¿huose'quet i'xoren ñi qota'a ma' se iuana?

1 Juan 4:6

Qam qomi', qomi' lalamaxarete' ñi qota'a. Ca cá'maq iuana ñi'maxare, ca' na'xaỹaxanalo qomi'. Qam cá'maq se lalamaxaret ñi qota'a, ca' se na'xaỹaxanoxoua'. Ca' queda, ca' seshitaq sa'deenaq cá'maq hueetagui cá'maq llic no'uen 'ueenataxac chaqai cá'maq hueetagui ca 'ueenataxac 'maatqaic.