1 Juan 3:2 - La'qaatqa ñi qota'olec Qota'olec & Qota'olec Novita Na Qomyipi

² Qamiri ỹaqaỹarolqa, mashic qomi' llaalqa ñi qota'a. Qam saqa' qaỹachaxanoxorom cá'maq shinqata ma' novi' cá'naq nqodoc. Qam sa'deenaq quiyim ma' liỹa re'oq so Jesucristo, ca' shinqatam so'maxare, ma' seuanaxa ma'le dá'maq ỹaatqajam 'neetari' so'maxare.

1 Juan 3:2 Iomraidhean Croise

Job 19:26

'Eno'm nateta'ñiguit na ỹa'at, qam ỹim seuana ma'le ñi qota'olec.

Salmos 16:11

Ca' chaxañitem aỹim ca nayic da nca'laxa. Ỹaatqajam chalego da na'maxa quiyim sqoỹoqaque qami'; qaica ca lqodoc da toonaxac quiyim qarauaqate'e' qami'.

Salmos 31:19

¡Chalego lecaic da rqouagaxa'e' quená'maq imaqachin qami'! 'Maxachisac da'maxare, 'ec nqai'ñi' ca nouenec 'xoic loyac, chaqai iuanchigui nqai'ñi' na qomyipi, ma' huagaxachirec quená'maq pi'ỹa'a qami'.

Isaías 56:5

ca' ỹim saanem ca paguec loyac queca llaalec chaqai caca llaale; ỹim saanem quiyim ca leenaxat ỹaatqajam 'chiichiguiñi nqaishin, qaican ỹapalaxat, spa'xanaho quiñi iuo', saanem quiyim da leenaxat sqaica lqodoc, chaqai sqai pal.

Malaquías 3:2

Qam ¿negue' cá'maq nalo'guit ma'le cá'maq na'xa'a loviraxaqui? ¿Negue' cá'maq ishit nachaatetañi ma'le? Ma' da loviraxac 'ec ma'le ca norec, ca qarco'taxajñi; 'ec ma'le ca quiỹoxonaxat ma' naqat na qarishile.

Mateo 5:8

Ỹaatqajam chalego la'maxa ma'le quecá'maq co'teeta añi le'taxanata, ma' ca'maxare iuana ma'le ñi qota'olec.

Lucas 17:30

Ca chaqaida 'neeta ma' ỹovi' ca na'xa'a quiyim liỹa nachaxan najo ỹale llaalec.

Lucas 20:36

Ma' quiyi, ca' tot qaica ileu. Ma' 'nejem na piguim laseripi lelaatqaipi ñi qota'olec. Chaqai mashic llaalqaipi ñi qota'olec, ma' mashic liỹa nca'leuec.

Juan 1:12

Qam qaiyiita 'uo' ná'maq ỹacoñiguit chaqai huelec so'maxare, ca' chaqaina ná'maq ỹaanem quiyim ỹaatqajam 'chichiguiñi llaalqaipi ñi qota'olec.

Juan 11:52

Chaqai mesqainaata na judioipi, ma' qai'neeta ỹahotaque lapoonta' ná'ogue na qota'a llaalqaipi neuagaxatetac.

Juan 17:24

Qami' ita'a, qami' nañaañi' naua'maxare, ca' ỹim sahotaque quiyim cá'maq senta'ñi qai'neete' naua'maxare neesa'ñi, qaiyi iuanta dá'maq imaqachic nañaañi'; ma' ỹaatqajam yi'xoriñi' shi'gue na' saqa'leca na 'laua.

Romanos 8:16

Ca' chaqaiso só'maq Espíritu só'maq necoñiguit ñi qara'al, quiyim 'nerac quiyim mashic qomi' llaalqa ñi qota'a.

Romanos 8:18

'Nesa ma' 'vii naua qare'xorico sovirqau'alo nagui, qam sqai 'nejem nqaishin cá'maq ñaqa naata lecaic cá'maq ñouanqau'a ma'le.

Romanos 8:19

Ca' 'xoic da nishoxo chaqai da quitaxac quiyim ma' ná'ogue na lo'ueenatqaipi ñi qota'a nauaanta'a cajo laloqo' quiyim ma' na llaalqaipi ñi'maxare qaỹachaxanec da no'ueenataxac.

Romanos 8:29

Ma' ná'maq shi'gue iuana ñi qota'a, ca' chaqaina ná'maq shi'gue nca'au'a ñi'maxare, ỹahotaque quiyim 'nejem so llaalec Jesús, qaiyi só'maq llaalec nopiichi quená'maq 'xoic nqaỹaripi.

1 Corintios 13:12

Ca' chaqaida 'nejem nagui 'ue ná'maq seuanaxa, qam napalalec 'ec aca na'ỹoxolate quiyim i'telqatalec. Qam ma' ỹovita ca na'xa'a, ca seuanaxa ỹaatqajam ná'ogue re'qojlec. Ca' nagui saqa' nalogoñi dá'maq sa'den, qam ma'le ma' ỹaatqajam ná'ogue sa'deenta, 'nejem quiñi qota'a ỹa'den aỹim.

1 Corintios 15:49

Ca 'nejme' qomi' nagui sanqatañi da no'ueenataxac só'maq 'lauasec, ca' 'nejem qai'neeta cá'maq na'xa'a quiyim qomi' sanaxañi da no'ueenataxac só'maq piguimsec.

1 Corintios 2:9

Qalaxam taachigui dá'maq naneretañi na'qaatec, 'naac: Ñi qota'a ỹa'maxatetañi quiyim ỹaanem ná'maq nqo'ta ñi'maxare, quená'maq qaica ca iuana chaqai 'xaỹa, chaqai vire'ta se ỹa'deentapega.

2 Corintios 3:18

Vichiguiño' qomá'ogue mashic tot qaica ca lapooque' na qarashic, ca shinqatari' aca na'ỹoxolate quiyim re'qoota na lauaq so qara'gaxala', ca' ñoquiicqatauec quiyim shinqatam so Cristo, ma' noquiiquetauec dá'maq lauaq so'maxare coqomi'. Qam dajo ỹo'uet só'maq qara'gaxala', ma' Espíritu Santo.

2 Corintios 4:17

Ma' dá'maq qare'xoric queda qanachaalataxac cocho'qui' chaqai sqaỹaloq ime'uegue. Ca' chaqaida dá'maq chicqochigui quiyim noviraqtoxoua' da lauaq sqaica ca lqodoc chaqai ỹapacauec, sqai 'nejem na qane'guenaxaquipi.

Gálatas 3:26

Ma' queda npi'ỹaxac, ca qamiá'ogue qamiri llaalqa ñi qota'a, ma' na'yiitau'a so Cristo Jesús.

Gálatas 4:6

Ca' na' ichoxot ñi'maxare quiyim mashic qamiri llaalqa, ca' nelatalo qamiri so ne'Espíritu so llaalec quiyim tauguilo naua re'taxanatahi. Ca só'maq Espíritu roỹaxan, 'naacsa': “¡Qami' qota'olec!”

Filipenses 3:21

So'maxare ỹadalaxat ma'le na qaroshicmaxa ma' tai'a quiyim ileu, qaiyi shinqata só'maq chi loshicmaxa so'maxare 'ue da lauaq. Qam ỹo'uet ma'le, ỹahote'e dá'maq chi lquesaxanaxa quiyim ỹoiquentac ná'ogue nanchaqaina.

Colosenses 3:4

Ma' chaqaiso so Cristo só'maq ỹaatqajam qarca'laxa. Ca ma' liỹa novi' nachaxan, ca' qamiri qai'neeta re'xoi' ma'le queso'maxare, ca' nouañiỹau'a da lauaq so'maxare.

Hebreos 9:28

ca' chaqaida 'neeta nqai'en so Cristo quiyim 'oonoqui' nañaanalta', qaiyi naqat ná'ogue na nasauaxaset. Ime, ca' lotqai liỹa nachaxan, qam tot naqat na nasauaxaset, ta'ta'a quiyim nca'laxatec ná'maq nauaantaque so'maxare.

2 Pedro 1:4

Ca' ỹachigoxochichiguilo nauajo nauá'maq 'em quiyim ñi qota'a 'ue da ỹachaxantac coqomi' chalego lecaigue' chaqai chalego lecaic ca lashivichaxac, qaiyi chicqochigui dá'maq qaỹachaxantac, ca' qamiri viriỹau'a quiyim nouañiỹau'a da no'ueenataxac ñi qota'a chaqai rayichii sqa lliguiguit ná'maq se no'uen namaanaxanaxa qanodolec na 'laua.

1 Juan 2:28

Ca' nagui qamiri ỹaalqolqa, quiitalec quiyim na'yiitau'a so Cristo, qaiyi 'ue ca qarpe'e ma' ỹovita quiyim nachaxan, chaqai qaica ca qarayiloxo ma' novi' so'maxare.

1 Juan 2:7

Qamiri ỹaqaỹa', dá'maq seretegueñi quiyim selatalo qamiri, mesqai dalaxaic nelaataxanaxac. Chaqaidaata dá'maq nelaataxanaxac coñiguit na' ñaqai chita'gue coñiguit da na'qaatec. Dajo ñauapec nelaataxanaxac chaqaida dá'maq na'qaatec 'xahichigui na'le.

1 Juan 3:1

Ñaqai 'ajñii dá'maq chalego le'xorenataxanaxa ñi qota'olec coqomi' quiyim qohinac qomi' llaalqa ñi'maxare, qam llic qomi' llaalqa. Vichiguiño' ná'maq ñaq ỹo'ueetetac na nanatec hueetalec ana 'laua se ỹa'deene' qomi', ma' se ỹa'den ñi qota'a.

1 Juan 3:10

Chaqai qaỹa'den negue' cá'maq ỹaatqajam llaalec ñi qota'a chaqai negue' cá'maq llaalec so na'ỹaapec, ma' canchaqaica quiyim se ỹo'uet ca ỹa'maqachiguiñi, loqo'm quiyim se i'xoren ca lqaỹa, se lalamaxaret ñi qota'a.

1 Juan 3:21

Ca' vichiguiño' qamiri ñauochaxaua' ỹaqaỹa', no'm añi qare'taxanata qaica ca re'oq nqai'en qarasauaxaset, ca' ỹaatqajam qaica ca huapigui qouel quiñi qota'a.

1 Juan 5:1

Ná'ogue ná'maq 'ue ca lpi'ỹaxac quiyim so Jesús chaqaiso só'maq nashi nca'laxaqui, ca' llaalec ñi qota'a. Chaqai quiyim qai'xoren ca neta'a, ca' qai'xoren qai'neeta na llaalqaipi cajo neta'a.

Apocalipsis 2:28

Saanem qai'neeta añi huaqajñi nete'ese.

Apocalipsis 22:4

Ca' ỹaatqajam neuane'e' ñi'maxare, chaqai ná'ogue qoỹeretalec na latap na leenaxat.