1 Juan 3:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ná'ogue ná'maq ñaq noquiaatapega ca lqaỹa, lauataxanaxai. Chaqai qamiri 'yiiñita queca lauataxanaxai sqai hueetagui añi le'taxanata ca nca'laxa sqaica lqodoc.

1 Juan 3:15 Iomraidhean Croise

Génesis 27:41

Ca' queco'na'le, ca' so Esaú noquii'a so Jacob sauaxat da nqouagaxa qoỹaanem queso leta'a. Ca ra'deenataxantac, ca 'naaco': Mashic tot qaỹaloq ime ñi qareta'a, ca ma' ỹovita da lqodoc. Ca ma'le, ca' salauat ñi ỹaqaỹa Jacob.

Mateo 5:28

Qam ỹim shinac caqamiri, quiyim cá'maq nishi'ta aca 'aalo quiyim ra'ỹa'a, ca chaqa'ma' 'ec shi'gue lapa'ñi' aca'maxare cañi le'taxanata.

Marcos 6:19

Ca' aso Herodías ỹaatqajam noquii'o' na'le so Juan, ca' ỹahotaque ỹalauat, qam se ishit.

Juan 4:14

Qam cá'maq ni'chigui cá'maq huaxaỹaq saanem, ca' qaica ma' liỹa quet iuet laquip. Ma' cá'maq huaxaỹaq saanem, ca'maxare 'ec la'uaxac ne'paxantashiguim quena lauel ca'maxare. Ca' chaqaica cá'maq ỹoviraqta'a ca nca'laxa sqaica lqodoc.

Juan 8:44

Ỹaatqajam qamiri lalamaxarete' llaalqa so na'ỹaapec, ma' viitaque 'viichii dá'maq ỹahotaque so'maxare. So na'ỹaapec ỹaatqajam lauataxanaxai, chicqotañi na' llaqai chita'gue qaỹo'uet na 'laua. Se ỹauanapega ỹouen da lliqueta, chaqai se ỹa'xat ca lliqueta. Quena' ỹa'xate' naua la'maachico, retaqa, qam chi na'xateteguelta'. Ma' so'maxare ỹaatqajam 'maatqaic, chaqai chaqaiso só'maq leta'a na na'maachic.

Hechos 23:12

Ca queso liỹa nete'e 'vio' saua judío lase' na'deenta' quiyim ỹalauate' so Pablo. Saua'maxare 'neraco': —Qomi' ñallitqalta' quiyim se squi'ỹaq chaqai se ñi'taq quiyim saqa' salauataq so Pablo.

Hechos 23:14

Sojo qomyipi quepegue' so lashillipi na netaxaỹaxanqajanqaipi chaqai na'gaxalateripi judío laseripi. Ca 'naaco' so qomyipi: —Qomi' ñallitqalta' quiyim se squi'ỹaq, no'm saqa' salauataq so Pablo.

Santiago 1:15

Ca' dajo nqo'itaxanqachic queda se no'uen, da'maxare chicqaugui ca nasauaxaset. Ca' dajo nasauaxaset ma' ỹovita ca laloqo' quiyim 'ec ỹi, ca re'oq quiyim 'eco' chicqaugui da nelauaxa.

1 Pedro 1:23

Ma' qamiri mashic dalaxaic ne'xaiñi, qam da ne'xaỹoqsoxoguii sqai chicqochiguilo caua re'qoochiguilo qata'allii, ma' ileue' caua'maxare. Ta'ta'a quiyim da ne'xaỹoqsoxoguii chicqochigui da la'qaatec ñi qota'a dá'maq nca'leesauec chaqai se imero.

1 Juan 2:11

Qam cá'maq ñaq noquiaatapega ca lqaỹa, hueetaugui chaqai ñaqai queetaugui na napalaxa, chaqai se ỹa'den cá'maq taigue, ma' na napalaxa se neuanñi nqai'en ca'maxare.

1 Juan 2:9

No'm 'ue ca 'naac hueeta'ñi ca qaica ca lapalqa', qam ñaq noquiaatapega ca lqaỹa, ca'maxare ñaqai hueetaugui na napalaxa.

Apocalipsis 21:8

Ca ná'maq qolonqaiquipi, chaqai ná'maq sqai huelgoto naua ỹa'qaatqa, chaqai ná'maq naqaigaxat, lauataxanaxaiquipi, chaqai na nedequenaxairipi, chaqai na 'naxanaxairipi, chaqai na nqouagaxaintacot na nashiilec nqolac, chaqai ná'ogue na 'maatqaiquipi, na'maxare tai'a nqohin quiyim qainaxañigui ca norec lodegaxat lavigaxat na quiquiaxaic. Ca' chaqaica ca co'uaataxanaxaic nelauaxa.