1 Juan 3:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qamiri ỹaqaỹa', 'neeto' re'laxahi quiyim noquii'alo qamiri ná'maq qomyipi ỹo'ueetetac na se no'uen hueetalec ana 'laua.

1 Juan 3:13 Iomraidhean Croise

Eclesiastés 5:8

'Neeto' re'laqaita quiyim 'ue ca 'laua qaica ca qaỹauaaque na 'xoraic chaqai quiyim se qaỹa'maxata'gue dá'maq no'uen ñicyaxac, ma' ná'maq lodegaxat nashi qoshiilec cá'maq liỹa nashi paguec lecaic, chaqai ná'maq paguec lecaic qoshiilgoto nauá'maq liỹa' paguec sqa lote'.

Mateo 10:22

Ná'ogue na qomyipi noquii'alo qamiri ma'le ma' 'xachitac da ỹeenaxat. Qam cá'maq na'ñaxachichiguiñi, chi ỹovireta'a ca lqodoc aca lqauaxaqui, ca' chaqaica cá'maq qanca'laxatec.

Mateo 24:9

Ca ma' ime, ca' qoỹaando qamiri ma'le quiyim qarouaxañitac, chaqai ná'ogue na qomyipi noquii'alo qamiri sovitapigui ma' viilec aỹim.

Marcos 13:13

Ma'le, ca ná'ogue na qomyipi se nqo'talo qamiri, sovitapigui aỹim. Qam cá'maq ỹaatqajam quelec ỹovireta'a ca chi lqodoc, ca' chaqaica cá'maq ca'laaxaic ma'le.

Lucas 21:17

Chaqai ná'ogue na qom hueetalec na 'laua noquii'alo qamiri, sovitapigui aỹim.

Lucas 6:22

Chaqai qai'neeta ra'maxaichiguiñi ma' qamiri qanoquii'alo quena qomyipi, chaqai ma' qaro'yia'oguiyi, chaqai ma' qoyiga'alo qamiri, chaqai ma' tot qanqo'ta da qadeenaxachii, 'ec chalego la'aaxa, sovitapigui najo ỹale llaalec.

Juan 16:2

Qamiri qaro'yiỹauec ma'le cañi lapoxoqui na judioipi, chi ỹovireta'a quiyim canchaqaica 'ue ca ỹalauat caqamiri, ca 'neetapigui lauel quiyim 'maxaraic da ỹo'uet quiñi qota'olec.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Juan 17:14

Ỹim saanema naua'maxare da ra'qaachiqui', qam ná'maq qomyipi hueetalec na 'laua noquii'alo naua'maxare, ma' naua'maxare tot ỹo'ueete' na loic na 'laua, ma' 'neete'm aỹim sqa saỹapegueu'a na loic na 'laua.

Juan 3:7

'Neeto' re'laqaita dá'maq shinac caqami' quiyim “ná'ogue na qomyipi ỹouen quiyim liỹa ne'qaañi.”

Juan 7:7

Quená'maq qomyipi hueetalec na 'laua se ishit quiyim noquii'alo quet qamiri. Qam aỹim qanoquii'a, ma' ỹim ỹaatqajam sechoxote'tem quiyim dá'maq ỹo'ueetetac se no'uen.

Hechos 3:12

Ca co'na' iuana dajo so Pedro, ca 'naapego' so qomyipi: —Qamiri ỹalliripi Israel laseripi, ¿chi'negue ma' 'xoic na re'laxahi? ¿Chi'negue ma' ra'iito'oto qomi'? ¿Mashic 'eco' chaqaiqomi' naua somataxauec dajo ỹale, qaua nqaishinaq quecá'maq chi qarquesaxanaxa, loqo'm queda quiyim sa'maxataqa'tegue ñi qota'olec?

Romanos 8:7

Ná'maq ỹa'deentapega da lo'ueenataxanaxac na loshicmaxa, ca' npa'guenaxaua ñi qota'a, ma' se nqo'ta chaqai qalana'a quiyim quelgoto naua laqataxaco.

2 Timoteo 3:12

Qam ỹaatqajam lliqueta quená'maq quejlec so Cristo Jesús, qai'neeta ỹovirau'a da le'xoric queda nocanaxac.

Santiago 4:4

¡Qam qamiri sqa pacqajñiỹauec ñi qota'a! ¿Sqa 'yiiñio' da queca qom no'm que'uegue da lqo'itaxanqachic quená'maq huelec na 'laua, ca 'ec npa'guenaxaua ñi qota'a? Ma' canchaqaica qom no'm pile'oga da lqo'itaxanqachic quena huelec na 'laua, ca npa'guenaxaua ñi qota'a.

Apocalipsis 17:7

Na'le, ca' so nelaatec 'naac caỹim: —¿Chi'negue ma' 'ue da re'laxa'e'? Ỹim sa'deenaxanaxanegue qami' dá'maq leloxoỹaxac se re'xogui aso 'aalo chaqai só'maq isecỹac lodegaxat neetalec, yí'maq siete naua lqahigo' chaqai diez ana lasote.