1 Juan 2:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam qaiyiita dá'maq shiriñi 'ec cá'maq dalaxaic nelaataxanaxac, ma' ỹaatqajam da lliqueta re'oq na'le queso Cristo chaqai qai'neeta caqamiri. Ma' so napalaxa sham ỹoxe'uegue, chaqai mashic re'oq na lauaq ñí'maq ỹaatqajam re'xolec nqai'en ná'ogue.

1 Juan 2:8 Iomraidhean Croise

Salmos 27:1

Ñi qara'gaxala' icoỹaraxanaxaqui chaqai ica'laxa, ca ¿negue' quet cá'maq yo'chiitaque? Ñi qara'gaxala' ro'ootaxanlec da ñachaalataxac, ca ¿negue' quet cá'maq ỹa'ue ca iqolonaxa?

Salmos 36:9

ma' chaqaiqami' chicqotacot da nca'laxa, chaqai queda rauaqe', ca' seuanaxa quiyim richiichiguiñi.

Salmos 84:11

Ma' ñi qara'gaxala' qota'olec coỹareta'ñalo chaqai quepaqataxanteguelgoto qomi'; ñi qara'gaxala' i'xoren chaqai imaqachin cá'maq qaica ca lasauaxaset chaqai qaica ca ỹollaapeguem quená'maq no'uen.

Isaías 9:2

So qomyipi queetapougui na'le na napalaxa iuana so chalego lecaic lauaq; so chalego lauaq taalec só'maq queetapougui na napalaxa.

Malaquías 4:2

Qam caqamiri ma' yimaqachiñitac, ca' da ỹa'maqataxanaxa naviguec ma'le caqamiri, 'ec da lauaq añi ra'aasa, ca' queda lauaq chicqaugui da nca'laxa. Ca' qamiri nenochishiguim ma'le queda netoonaxaguii, 'ec ca huaqui llaalec quena' nenoxonec cañi lahi'.

Mateo 4:16

Ná'maq qomyipi hueetapougui na napalaxa, iuana aso chalego lecaic 'eco' ncoỹeraxanaxaqui. Chaqai ná'maq hueeto'ot na la'al da nelauaxa, ca' qaicoỹarelec caso 'ec ncoỹeraxanaxaqui.

Lucas 1:79

qaiyi coỹarelec cá'maq hueetaugui na napalaxa chaqai ca hueeto'ot ca la'al da nelauaxa, chaqai quiyim ỹachaxanalo qomi' ca llicyaxac ca neuagaxa.

Juan 1:9

Só'maq ỹaatqajam ncoỹeraxanaxat, só'maq coỹarelec ná'ogue na qomyipi, so'maxare naata'a na 'laua.

Juan 12:35

Ca' so Jesús 'naaco' queso qomyipi: —Nagui ma' ñaqai hueetauguilo qamiri najo lcoỹeraqate na 'laua, qam sqoỹoxouec quiyim ỹalequetauguilo qamiri. Ca' quiitaugui dajo lauaq ma' ñaqa 'ue, qaiyi se i'laxate' qamiri ca napalaxa. Ma' cá'maq queetaugui ca napalaxa se ỹa'den cá'maq taigue.

Juan 12:46

Ỹim ma' ỹim lcoỹeraqate na 'laua, qaiyi quená'maq huelec aỹim se no'ueenaugui na napalaxa.

Juan 13:34

Saanema qamiri najo dalaxaic nelaataxanaxac, quiyim ñi 'óna i'xoren ca liỹa. 'Nejem dá'maq i'xorenataxanaxa caqamiri, ca' chaqaida 'ñiita'gue quiyim ne'xoriñiỹata'.

Juan 8:12

So Jesús liỹo' retaqaugui na qomyipi, ca 'naaco': —Aỹim chaqaỹim ná'maq lcoỹeraqate na 'laua. Cá'maq coỹareta'pegue' aỹim, ca 'ue ma'le aca lcoỹeraxanaxaqui ỹo'uet da lca'laxa. Ca totqai hueetapougui ca napalaxa.

Hechos 17:30

Ñi qota'olec se nqovilga da lo'maxac na qom quesaua 'auaxaqa na'xata'. Qam nagui relaataxan quená'ogue na qom quena lahil na 'laua quiyim ỹalate' naua se no'viiñi no'ueenataxaco.

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”

Romanos 13:12

Ma' nagui, ca 'eco' mashic ỹoxo'ogue na pe, ca tot qoỹoxoguit ca na'xa'a. Ca vichiguiño' 'maxaraic saxanqaiñi naua qaỹo'ueeteta'pe quen quena napalaxa, ca sanqaiñi naua qaro'goxonqate', shinqata ca neetaho quena nouaataxanaq queetagui yi na'xa'a.

2 Corintios 8:9

Ma' shi'gue 'yiiñii da lqouagaxa so qara'gaxala' Jesucristo. Ma' so'maxare ỹaatqajam nesallaxanec, qam ne'xoresentam, ma' paguec da le'xorenataxanaxa caqamiri, qaiyi qamiri nesallaxanqa, chicqochigui dá'maq le'xoric so'maxare.

Efesios 5:8

Ma' quesom qamiri viitaugui na napalaxa, qam nagui ma' mashic na'yiitau'a so Cristo, ca viitaugui na lauaq. Ca na'maxachita 'ñiitari' ca qom hueetaugui na lauaq.

2 Timoteo 1:10

Ca' dajo le'xorenataxanaxa ñi'maxare ỹachaxan nagui, qam quiichigui nqai'en da loviraxac so qarca'laxaqui Jesucristo, só'maq napacalec da lquesaxanaxa so nelauaxa. Chaqai ỹachigoxochichigui da na'qaatec chicqaugui da nca'laxa, ca' chaqaida dá'maq re'oq nqai'en da nca'laxa tot ishit quiyim qaỹosogui.

1 Pedro 1:21

Ma' chicqochigui so Cristo quiyim qamiri viilec ñi qota'a ñí'maq liỹa nca'laxatec na'le so'maxare queda lelauaxa, ca' ỹaanem quiyim qaimaqachin. Vichiguiño' qamiri 'ue da rpi'ỹaxaguii chaqai da naquitaxaguii quiñi qota'a.

1 Juan 3:23

Ca' dá'maq lelaataxanaxac chaqaida dá'maq quiyim seuaqlec só'maq llaalec Jesucristo, chaqai quiyim ñi'xoresenaqta', ma' chaqaida dá'maq ilarelgoto qomi'.

1 Juan 4:11

Qamiri ỹaqaỹa', no'm chaqaida 'ne'tegue ñi qota'a quiyim qare'xoren, ca' qomi' qai'neeta ñi'xoresenaqta'.

1 Juan 4:21

Ca ñi'maxare ỹaanema qomi' da lelaataxanaxac: Quiyim cá'maq i'xoren ñi qota'a, ca' i'xoren qai'neeta ca lqaỹa.