1 Juan 2:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qamiri ỹaqaỹa', dá'maq seretegueñi quiyim selatalo qamiri, mesqai dalaxaic nelaataxanaxac. Chaqaidaata dá'maq nelaataxanaxac coñiguit na' ñaqai chita'gue coñiguit da na'qaatec. Dajo ñauapec nelaataxanaxac chaqaida dá'maq na'qaatec 'xahichigui na'le.

1 Juan 2:7 Iomraidhean Croise

Levítico 19:18

'Neeto' vi'saque ca rovichi', chaqai sqo quirapeguem cá'maq chi qauochi'. Rauochitegue ca riỹa'e', ma' chaqai 'nejem qami'. Ỹim ná'maq ỹim na'gaxala'. (19.19-30 Naqataxac quiyim nco'taxateta ca qom, chaqai quena' qanqouagaxainot ñi qota'olec, na'maqataxac ca qom, da nouaxanaxaset cá'maq se na'xaỹaxan, chaqai nauá'maq no'viiñi ỹachaxanta'pe ñi qota'olec.)

Levítico 19:34

'Xoriñii, 'ñiita'gue cá'maq ỹaatqajam qauori le'ec, ma' qamiri qai'neeta ỹoqa'a ca chicqoỹa'gue na' ñiita'gue da Egipto. Ỹim ná'maq ỹim na'gaxala', ỹim qota'olec caqamiri.

Mateo 5:43

Qai'neeta ỹaatqajam 'xaichigui dá'maq na'qaatco' nallaaqo' 'neetasa': “'Xoriñi' ca riỹa'e', qam ỹaatqajam ramaqaira'gue ca npa'guenaxaua'e'.”

Juan 13:34

Saanema qamiri najo dalaxaic nelaataxanaxac, quiyim ñi 'óna i'xoren ca liỹa. 'Nejem dá'maq i'xorenataxanaxa caqamiri, ca' chaqaida 'ñiita'gue quiyim ne'xoriñiỹata'.

Hechos 17:19

Ca' qaỹauega so Pablo ca netaxaỹaqa' leenaxat Areópago. Ca hua'ñi, ca qainat so'maxare: —Qomi' sahoqotaque sa'deenaq negue' dá'maq dajo dalaxaic napaxaguinataxanaxac 'xachisac.

Deuteronomio 6:5

Ỹaatqajam rqo'chita ñi qara'gaxala' qota'olec, machiro'ot añi re'taxanata'e', chaqai dá'ogue da nachaalataxaqui' chaqai dá'ogue da rquesaxanaxa'e'.

Hebreos 6:9

Qamiri ỹaqaỹarolqa, 'eno'm shinqa'tegue dajo da qaretaxaỹaxac, qam quená'maq qamiri ỹaatqajam chalego lecaic da nqouagaxahi liỹaata'ñi' nqohin da nca'laxa.

1 Juan 2:24

Vichiguiño' 'maxachii cañi re'taxanatahi dá'maq na'xaỹaxanaxaguii na' ñaqai chita'gue coñiguit da na'qaatec. Ca no'm dá'maq shi'gue na'xaỹaxanaxaguii hueetagui añi re'taxanatahi, ca' qamiri qai'neeta na'yiita'guit ñi qota'olec chaqai so llaalec.

1 Juan 3:11

Ma' dá'maq na'qaatec 'au 'xahichigui na' ñaqai chita'gue coñiguit da na'qaatec 'neetasa': Quiñi 'óna i'xoren ca liỹa.

1 Juan 3:2

Qamiri ỹaqaỹarolqa, mashic qomi' llaalqa ñi qota'a. Qam saqa' qaỹachaxanoxorom cá'maq shinqata ma' novi' cá'naq nqodoc. Qam sa'deenaq quiyim ma' liỹa re'oq so Jesucristo, ca' shinqatam so'maxare, ma' seuanaxa ma'le dá'maq ỹaatqajam 'neetari' so'maxare.

1 Juan 3:21

Ca' vichiguiño' qamiri ñauochaxaua' ỹaqaỹa', no'm añi qare'taxanata qaica ca re'oq nqai'en qarasauaxaset, ca' ỹaatqajam qaica ca huapigui qouel quiñi qota'a.

1 Juan 3:23

Ca' dá'maq lelaataxanaxac chaqaida dá'maq quiyim seuaqlec só'maq llaalec Jesucristo, chaqai quiyim ñi'xoresenaqta', ma' chaqaida dá'maq ilarelgoto qomi'.

1 Juan 4:1

Qamiri ỹaqaỹarolqa, 'neeto' viilec ná'ogue ná'maq 'naac mashic qaretaqaugui quiñi qota'a, ta'ta'a quiyim 'guiñii, no'm chaqaiño' ñí'maq ne'Espíritu ñi qota'a ñí'maq neetagui, loqo'm 'e'. Ma' na 'laua mashic sham no'xalec quena 'maatqaiquipi quená'maq 'naac mashic qaretaqaugui quiñi qota'a.

1 Juan 4:11

Qamiri ỹaqaỹa', no'm chaqaida 'ne'tegue ñi qota'a quiyim qare'xoren, ca' qomi' qai'neeta ñi'xoresenaqta'.

1 Juan 4:21

Ca ñi'maxare ỹaanema qomi' da lelaataxanaxac: Quiyim cá'maq i'xoren ñi qota'a, ca' i'xoren qai'neeta ca lqaỹa.

1 Juan 4:7

Qamiri ỹaqaỹa', no'uen quiyim ñi'xoresenaqta', ma' da ne'xorenataxanaxa chicqo'ot ñi qota'a. Ná'ogue ná'maq 'ue ca le'xorenataxanaxa ỹaatqajam llaalec ñi qota'a, chaqai iuana ñi'maxare.