1 Juan 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam no'm 'ue ca 'naac: “Ỹim seuana ñi qota'a”, qam se na'xaỹaxanalo naua lelaataxanaxaco, ca' ca'maxare 'maatqaic chaqai da lliqueta sqaica queca'maxare.

1 Juan 2:4 Iomraidhean Croise

Juan 8:44

Ỹaatqajam qamiri lalamaxarete' llaalqa so na'ỹaapec, ma' viitaque 'viichii dá'maq ỹahotaque so'maxare. So na'ỹaapec ỹaatqajam lauataxanaxai, chicqotañi na' llaqai chita'gue qaỹo'uet na 'laua. Se ỹauanapega ỹouen da lliqueta, chaqai se ỹa'xat ca lliqueta. Quena' ỹa'xate' naua la'maachico, retaqa, qam chi na'xateteguelta'. Ma' so'maxare ỹaatqajam 'maatqaic, chaqai chaqaiso só'maq leta'a na na'maachic.

Tito 1:10

Ma' 'xoic na qollictaxanaxairipi quena judioipi, ma' se nachiñiñi naua la'qaatqa, chaqai ỹayintac na qom.

Tito 1:16

Na'maxare 'naac ỹaatqajam ỹa'den ñi qota'a, qam dá'maq lo'ueenataxanaxac re'qoota quiyim se nachiñiguit dá'maq 'neetari'. Ỹaatqajam se qaishitaqchiguit chaqai se na'xaỹaxan, chaqai sqa taiguit cá'maq no'ueenataxanaxac ỹa'maqachiguiñi.

1 Juan 1:10

Qam no'm shinqac quiyim sqaica ca qarasauaxaset, ca 'ec 'maatqaic nqaishinaq ñi qota'a, chaqai sqai ỹaatqajam llic seuaqlec da la'qaatec.

1 Juan 1:6

Ca no'm shinqac ña'daqatau'a ñi'maxare, qam no'm ñaqai seuqataugui na napalaxa, ca' ña'majanqatac quecá'maq sa'xatqatac chaqai quecá'maq so'ueetqatac.

1 Juan 1:8

No'm shinqac qaica ca qarasauaxaset, ca' chi ñayinqateguelta', chaqai cá'maq lliqueta sqaica coqomi'.

1 Juan 2:3

No'm ña'xaỹaxanqa'ta na lelaataxanaxaquipi ñi qota'a, ca' sa'deenaq quiyim seuanaxa ñi'maxare.

1 Juan 2:9

No'm 'ue ca 'naac hueeta'ñi ca qaica ca lapalqa', qam ñaq noquiaatapega ca lqaỹa, ca'maxare ñaqai hueetaugui na napalaxa.

1 Juan 3:6

Ca' vichiguiño' ná'ogue ná'maq ñaq na'deetau'a so'maxare, tot ỹo'uet ca lasauaxaset; qam ná'ogue ná'maq ñaq ỹahotaque na lasauaxaset, se iuana chaqai se ỹa'den so'maxare.

1 Juan 4:20

Qam no'm 'ue ca 'naac: “Ỹim se'xoren ñi qota'a”, qam ñaq noquiaatapega ca lqaỹa, ca' ca'maxare 'maatqaic. Ma' no'm se i'xoren ca lqaỹa quiyim ra'iito'ot, ca ¿huose'quet i'xoren ñi qota'a ma' se iuana?

1 Juan 4:7

Qamiri ỹaqaỹa', no'uen quiyim ñi'xoresenaqta', ma' da ne'xorenataxanaxa chicqo'ot ñi qota'a. Ná'ogue ná'maq 'ue ca le'xorenataxanaxa ỹaatqajam llaalec ñi qota'a, chaqai iuana ñi'maxare.