1 Juan 2:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Qam so Cristo ỹaanema qamiri so Espíritu Santo, ca' qamiá'ogue mashic 'ue ná'maq ra'yiiñiguii.

1 Juan 2:20 Iomraidhean Croise

Salmos 16:10

ma' qami' se no'ueenaxachira'ñigui aỹim aca napal lahi', ¡sqa lachira'ñigui aca lahi' ná'maq ỹaatqajam qamaxaraic nauochaxaua'e'!

Salmos 23:5

Ca 'maxachisañi ca iqui'ỹaxac, ca' qaiyi ỹauanchigui ná'ogue na ñpa'guenaxauaripi; ca' cochirelec na iqahic quena coraxat, chaqai i'paxanteguelec nqai'ñi' aso ñi'taxaqui.

Salmos 45:7

Qami' nashi, ỹaatqajam rqo'chita ná'maq no'uen chaqai se rqo'chita na se no'uen. Vichiguiño' nca'au'a qami' ñi qota'olec ñí'maq qota'olec caqami', Ca' 'xoic nqai'en da netoonaxaqui', ỹapacauec nqai'en qami' quena riỹachi'ipi.

Salmos 71:22

Ca quena' ỹim, ca so'ueenaxan, semaqachin quiyim ipaquichiguilo naua ra'qaataxahi', socantapigui da lelamaxa ana niviigue arpa chaqai ana salterio, qami' qota'olec, qota'olec quena llaalqaipi so Israel.

Isaías 43:3

Ma' ỹim ná'maq ỹim ra'gaxalachi', ỹim rca'laxagui'i', ỹim co'teeta qota'olec quena llaalqaipi so Israel. Ỹim shi'gue somachigui qami', na' saanec yi Egipto, yi Etiopía chaqai yi Sabá,

Isaías 61:1

Ñi ne'espíritu ñi qara'gaxala' hueetalec aỹim, ma' ñi qara'gaxala' ỹim lca'acsec, ca' yila' quiyim sa'xatem da no'uen la'xaỹaxac na 'xoraiquipi, sotauan ná'maq 'ue na leuogoxo, sa'xat quiyim qaỹosouec na ncoñiitecseripi;

Jeremías 31:34

Ca ma'le, ca' se ipaquetaque quecaua qomi' nauochaxaua' loqo'm neuo' lase' se napaxaguintecta' quiyim na'deenta', ma' ná'ogue ya'den ma'le, chicqochi'ñi ca paguec lodegaxat, vire'ta ca paguec cocho'qui'. Ca' ỹim sapalaxat ca se no'uen ỹo'ueetetac chaqai tot so'leentapega na lasauaxaset. Ỹim na'gaxala', se'taxajñi da ỹa'qaatec. (31.35-40 Da lqouagaxa ñi qota'olec quiyi Israel, chaqai da naata la'maxa ma'le yi'maxare.) (32.1—35.19 So Jeremías ỹa'ue yi rishiujnaxana 'laua na' so Nabucodonosor nahiquinchiguiñi yi Jerusalén. Ca' dajo chi letanec quiyim 'ue da naquitaxac ma'le quesaua naasaho na'xata' quedá'maq la'qaatec ñi qara'gaxala', na' ỹa'xateta'guit quiyim noxonec yi Jerusalén, qam ma' ncopa, ca' so qomyipi liỹa qarapilaxat.)

Mateo 13:11

Ca' so Jesús 'naaco' quesaua'maxare: —Ñi qota'olec ỹa'deenaxanaxanque qamiri dá'maq se re'xogui leloxoỹaxac dá'maq lo'ueenataxanaxac hueeta'gue da piguim. Qam na'maxare ỹaatqajam se ishit ỹa'den.

Marcos 1:24

—¿Chi'negue ma' nishichirau'alo qomi', qami' Jesús, le'ec yi Nazaret? ¿Novichi' quenajo ma' viisaque quiyim huagaxachira'pe qomi'? Ỹim sa'den qami' quiyim qami' lalamaxaret ñi qota'olec.

Lucas 4:18

So ne'Espíritu ñi qara'gaxala' neeta'angui aỹim, ma' qoỹanagui aỹim qaiyi sa'xatem da no'uen la'xaỹaxac na 'xoraiquipi; chaqai qaỹamaxailec quiyim somatec na 'ue na lachicoxo, chaqai qaiyi sa'xatem quiyim qaỹosouec na ncoñiitecseripi, chaqai quiyim nauanñi nqaishin na se nauanñi, chaqai sosouec ná'maq se qaỹa'maxata'gue,

Lucas 4:34

—Qarayaxañi'sac; ¿chi'neco' ma' se qarayaxañirac, qami' Jesús Nazaret le'ec? ¿Peeta'a na'italo qomi', vi'saque qareuagaxachirac? Aỹim sa'den aqami', chaqai sa'den ỹaatqajam chaqaqami' lalamaxat ñi qota'olec.

Juan 14:26

Qam ca Espíritu Santo, cá'maq nelatalo qamiri ma'le ñi qota'a, quiichigui nqai'en da ỹeenaxat, qaiyi ỹotauane' chaqai ỹa'ñaxate' ma'le qamiri, ca'maxare rapaxaguiñiigue ná'ogue chaqai no'uenaxanaxane' qamiri quedá'ogue dá'maq shinac.

Juan 16:13

Qam ma' novi' ca Espíritu cá'maq ichoxot dá'maq ỹaatqajam lliqueta, ca ca'maxare ỹapaxaguinguelo qamiri dá'ogue dá'maq lliqueta; ma' se nanoiquentac quiyim retaqa, ta'ta'a quiyim ỹa'xat ná'ogue ná'maq 'xaỹa, ca ra'deenaxanaxañiigue cá'maq ñaqa naataho.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 3:14

Ma' sqo ỹaxañiu'a quiyim qaỹosouec só'maq no'uen chaqai huagaxaraic ỹale, ta'ta'a qamiri ỹaxañiu'a quiyim qaỹosouec so lauataxanaxai.

1 Corintios 2:15

Qam ca qom neetagui so Espíritu ishit ra'ỹaauec ná'ogue nanchaqaina, qam ca'maxare qaica ca ishit nimichiguit.

Hebreos 1:9

Qami' ỹaatqajam rqo'chita dá'maq ỹa'maqachiguiñi, chaqai ỹaatqajam se rqo'chita dá'maq se no'uen. Vichiguiño' ñí'maq qota'a caqami', ñi'maxare ỹocorelec aqami' quedá'maq chalego lecaic netoonaxac, ỹapacauec nqai'en quena nauegaxauachi'.

Hebreos 8:11

Ma'le, ca' qaica quet cá'maq ỹapaxaguintac ca liỹa, se ỹapaxaguin ca nauegaxaua, chaqai ca lqaỹa, quiyim iuañiua', ỹim ra'gaxalarii. Ma' ná'ogue iuañiua' ma'le, ỹovira'a ná'maq qom qaica ca lemaqachic, chaqai ná'maq paguec qaimaqachin.

1 Juan 2:27

Qam mashic coñiguit so Espíritu Santo só'maq ỹaanema qamiri so Jesucristo. Ca' tot repaguitaque quiyim 'ue ca ỹapaxaguine' qamiri, ma' chaqaiso só'maq Espíritu só'maq ỹapaxaguinque qamiri ná'ogue nanchaqaina, qam naua lapaxaguinataxanaxaco ỹaatqajam lliquete', mese na'maachic. Ca' chaqaida 'neetari' da nachaalataxaguii na'deetau'a nqai'ñii so Cristo, ma' chaqaida dá'maq lapaxaguinataxanaxac so Espíritu.

1 Juan 4:13

Dá'maq 'neeta quiyim sa'deenaq quiyim ña'daqatau'a ñi qota'a chaqai quiyim qomi' neetauguilo ñi'maxare 'neetasa': Quiyim ñi'maxare ỹaanema qomi' so ne'Espíritu Santo.

Judas 1:5

'Eno'm mashic shi'gue 'yiiñii qamiri, qam sahotaque ño'uenaxanaxanguelo qamiri da 'neeto' na'le ñi qara'gaxala', ma' ñi'maxare naqata'a na'le quiyi Egipto so llaalqaipi so Israel, qam na'chaqai, ca' qaiyiita ileu nqai'en só'maq sqai huelec ñi'maxare.

Apocalipsis 3:7

Qai'neeta lachita aca lere ñi nelaatec neeta'ñi yi Filadelfia. 'Ñiraco': “'Neeta da la'qaatec ñí'maq ỹaatqajam co'teeta chaqai lliqueta, ñí'maq hueeto'ot ada lauaatqate na lasom ñi lauo' so nashi David, ma' quena' ỹauachigui, ca' qaica ca ishit ỹapogui, chaqai quena' ỹapogui, ca' qaica ca ishit ỹauachigui:

Apocalipsis 4:8

Ca' sauajo cuatro ise' nca'leesauec da'ta'a seis laua' quiñi 'óna. Chaqai no'qaachiguilo quenaua nqote' quena pa'aauec chaqai quena pa'aauo. Chaqai quiyi na'xa'a chaqai yi pe sqai ỹaxañiñi quiyim 'nerac: Qami' maq ỹaatqajam co'chiite', qami' qara'gaxala' qota'olec maq sqaica ca qalañirac, qami' ná'maq chaqai'en 'ue qami', chaqai 'ue qami' nagui, chaqai naata'quena ma'le.