1 Juan 2:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Qam na 'laua tai'a quiyim imeho, chaqai ná'ogue ná'maq namaanaxanqachic se no'uen hueetalec ana'maxare. Qam cá'maq ỹo'uet dá'maq ỹahotaque ñi qota'a, ca se neme queeta da nachaalataxac.

1 Juan 2:17 Iomraidhean Croise

Salmos 90:9

Ca' ỹaatqajam llic quiyim dá'ogue da qanachaalataxac taỹa'a quiyim imeuo queda ronogoxonaxaqui'; naua qaniñaxari ime'ueque, 'ec ca 'oonoqui' qanauec nacat.

Mateo 21:31

Ca' quesaua dos ¿nega'ỹo' cá'maq ỹo'ueeto' cá'maq ỹahotaque so leta'a'? Ca saua'maxare 'neraco': —Só'maq 'auaxaic. Co'na'le, ca' so Jesús 'naaco': —Ỹaatqajam llic da shinac caqamiri, quiyim ná'maq icona'piguit ana nishiuete so nashi chaqai ana nedequenaxai 'au inoxona'a ma'le da lo'ueenataxanaxac ñi qota'olec caqamiri ma' ỹoiquentac ná'ogue najo.

Mateo 24:35

Na piguim chaqai na 'laua imero ma'le, qam naua ỹa'qaatqa sqaica ma' se ipaguiguilo quet.

Mateo 7:21

Mesqai ná'ogue na qomyipi quená'maq 'naac: “Qami' qara'gaxala'”, sqai ná'ogue inoxono ma'le queca ñaqai naata lo'ueenataxanaxac ñi qota'a queda piguim. Chaqaicaata cá'maq ỹo'uet dá'maq ỹahotaque ñi ita'a neeta'gue da piguim.

Marcos 3:35

Ma' cá'maq ỹo'uet cá'maq ỹahotaque ñi qota'olec quiyim qaỹo'uet, ca' chaqaica cá'maq ỹaqaỹa ỹale, chaqai ỹaqaỹa 'aalo, chaqai ỹate'e.

Juan 4:14

Qam cá'maq ni'chigui cá'maq huaxaỹaq saanem, ca' qaica ma' liỹa quet iuet laquip. Ma' cá'maq huaxaỹaq saanem, ca'maxare 'ec la'uaxac ne'paxantashiguim quena lauel ca'maxare. Ca' chaqaica cá'maq ỹoviraqta'a ca nca'laxa sqaica lqodoc.

Juan 6:58

Ỹim sa'xatetac so pan chicqo'ot na piguim. Najo pan mesqai 'nejem so maná só'maq ỹa'gue' saua 'auaxaqa reta'allii, qam qaiyiita ileue'. Qam cá'maq ỹa'ic najo pan, ca' tot ileu.

Juan 7:17

No'm 'ue cá'maq huachi'chiguit quiyim ỹahotaque ỹo'uet dá'maq ỹahotaque ñi qota'olec, ca ỹa'deenta quenauá'maq ỹapaxaguinataxanaxaco quiyim chicqoro'ot ñi qota'olec, loqo'm chaqaỹim ỹapaxaguinataxanaxac.

Romanos 12:2

Totaxan quiita'pegue' da no'ueenataxac ná'maq hueetalec na 'laua; ta'ta'a quiyim dalaxachii' naua ra'deenataxanaxagohi, qaiyi dalaxaic dá'ogue da nachaalataxaguii, qaiyi 'yiiñii dá'maq ỹahotaque ñi qota'olec, 'neetasa': cá'maq ỹa'maqachiguiñi, chaqai cá'maq ỹa'maxarenta ñi'maxare, chaqai cá'maq 'maxaraic naloochiguiñi.

1 Corintios 7:31

chaqai quená'maq ro'ueenataxantapega ná'maq huelec na 'laua, 'neetari' quet quiyim 'ec se ro'ueenataxana na'maxare. Ma' ná'maq re'qoochigui huelecna, tai'a quiyim qaỹaloq imeho.

Colosenses 1:9

Vichiguiño' qomi' quecá'maq na'xa'a na' novi' da qara'xaỹaxac, chaqa'ma' se neme ñqouagaxainqatalgoto qamiri, sashiilqatac ñi qota'a quiyim ỹa'deenaxanaxanque qamiri cá'maq ỹahotaque ñi'maxare, chaqai quiyim ỹaanema qamiri ná'ogue nanchaqaina na'deenaxanaxa quiyim 'yiiñichigui na se re'xogui chicqo'ot so Espíritu.

Colosenses 4:12

Ilatalo qamiri da liquinaxanaxac ñi Epafras. Ñi'maxare qai'neeta lelaatec so Jesucristo, chaqai qai'neeta chicqotouguilo qamiri na'le. Ñi'maxare ỹaatqajam se neme nqouagaxainteguelgoto quen qamiri, qaiyi qaica ca se no'uen ra'deenataxanaxaguii. Ta'ta'a quiyim ỹaatqajam nañaañita quiyim 'viichii cá'maq ỹahotaque ñi qota'a.

1 Tesalonicenses 4:3

Ma' dá'maq ỹahotaque ñi qota'a quiyim ỹaatqajam nañaañi'tot ñi'maxare, chaqai qaica ca lapaatapi'ñi' aca se loua caqamiri.

1 Tesalonicenses 5:18

Quená'ogue ná'maq taalgoto qamiri 'ỹaañitacot ca na'aachiguii ñi qota'a, ma' chaqaida dá'maq ỹahotaque ñi'maxare caqamiri, ma' mashic viilec so Cristo Jesús.

Hebreos 10:36

Qamiri viñitac quiyim 'ue ca la'ñaxac qavillii, qaiyi shichii 'viichii cá'maq ỹahotaque ñi qota'a, chaqai quiyim coñiguit cá'maq ỹachaxantac ñi'maxare.

Santiago 4:14

Qam sqai huapigui qavillii quiyim sqa 'yiiñii negue' ca 'neeta ca liỹa na'xa'a. Ma' ¿nega'ỹo' ca 'nejem da nachaalataxac ca qom? Da'maxare 'nejem ca neue', ma' ncopaata re'oq, ca lotqai neuagaxatac.

1 Pedro 1:5

Ma' qamiri 'ue da rpi'ỹaxaguii quiñi qota'a, ca ñi'maxare quepaqataxanlgoto qamiri queda lquesaxanaxa, qaiyi viriỹau'a da rca'laxahi ỹahotaque ỹachaxanema qamiri quecaua pa'aaterec na'xata'.

1 Pedro 4:2

qaiyi naua'que naua na'xata' hueetapigui lauel dá'maq ỹahotaque ñi qota'a, ca' totqai queeta'pegue' da lamaanaxanqachic na loshicmaxa.