1 Juan 2:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Qam cá'maq ñaq noquiaatapega ca lqaỹa, hueetaugui chaqai ñaqai queetaugui na napalaxa, chaqai se ỹa'den cá'maq taigue, ma' na napalaxa se neuanñi nqai'en ca'maxare.

1 Juan 2:11 Iomraidhean Croise

Eclesiastés 2:14

Cá'maq 'ue ca ỹa'den ỹouene' naua nqote', qam cá'maq qaica ca ỹa'den queetapougui na napalaxa. Qam na' ime, ca' yitan, ca' sa'den quiyim dá'ogue dá'maq taỹa'gue.

Levítico 19:17

'Neeto' hueetagui nqai'ñi' añi re'taxanata'e' ca qavilli' queca rqaỹa'e'. Ta'ta'a quiyim 'ue canchaqaica, ca' taqaita ca rqaỹa'e'. 'Neeto' lliquirau'a ca lasauaxaset.

Juan 12:35

Ca' so Jesús 'naaco' queso qomyipi: —Nagui ma' ñaqai hueetauguilo qamiri najo lcoỹeraqate na 'laua, qam sqoỹoxouec quiyim ỹalequetauguilo qamiri. Ca' quiitaugui dajo lauaq ma' ñaqa 'ue, qaiyi se i'laxate' qamiri ca napalaxa. Ma' cá'maq queetaugui ca napalaxa se ỹa'den cá'maq taigue.

Juan 12:40

Ñi qota'olec se nauanñi nqai'en na'maxare chaqai ỹa'ñaxat añi le'taxanata, qaiyi se reuanaxanalo naua nqote', chaqai cañi le'taxanata se ỹa'yiiñigui nqai'en dajo, chaqai sqo pila'a aỹim, qaiyi aỹim somatec.

2 Corintios 3:14

Qam saua'maxare se ỹa'deene' ca leloxoỹaxac na'le. Chaqai nagui qaiyiita quena' qaretaqalec so 'auaxaic 'maqataxac, ca' chaqaiso só'maq napoxonaxat só'maq quepaqataxan, ca' se ishit ỹa'yiinchigui ca leloxoỹaxac. Ma' so napoxonaxat saqa' qanaqat, ma' quiyim qanaqat, qam chicqochigui so Cristo quiyim nac so'maxare.

2 Corintios 4:4

Ma' so na'ỹaapec se neuanñi nqai'en da la'deenataxanaxac, ca' sqai huelec, qaiyi se iuana da lauaq dá'maq ỹaatqajam no'uen na'qaatec re'oq nqai'en da lauaq so Cristo, ma' chaqaiso só'maq lqui'i nca'leetauec ñi qota'a.

Tito 3:3

Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.

2 Pedro 1:9

Qam quecá'maq sqaicaua dauajo, ca 'neetari' ca qai'laq, loqo'm 'ec sqailligueme' neuanñi. Coua'e quiyim qanco'taxajñi ca 'auaxaic lasauaxaseteripi.

1 Juan 1:6

Ca no'm shinqac ña'daqatau'a ñi'maxare, qam no'm ñaqai seuqataugui na napalaxa, ca' ña'majanqatac quecá'maq sa'xatqatac chaqai quecá'maq so'ueetqatac.

1 Juan 2:10

Cá'maq i'xoren ca lqaỹa, ca re'qojlec ca hueeta'ñi, ca' qaica quet cá'maq ishit ỹo'uet ca lasauaxaset.

1 Juan 2:9

No'm 'ue ca 'naac hueeta'ñi ca qaica ca lapalqa', qam ñaq noquiaatapega ca lqaỹa, ca'maxare ñaqai hueetaugui na napalaxa.

1 Juan 3:15

Ná'ogue ná'maq ñaq noquiaatapega ca lqaỹa, lauataxanaxai. Chaqai qamiri 'yiiñita queca lauataxanaxai sqai hueetagui añi le'taxanata ca nca'laxa sqaica lqodoc.

1 Juan 4:20

Qam no'm 'ue ca 'naac: “Ỹim se'xoren ñi qota'a”, qam ñaq noquiaatapega ca lqaỹa, ca' ca'maxare 'maatqaic. Ma' no'm se i'xoren ca lqaỹa quiyim ra'iito'ot, ca ¿huose'quet i'xoren ñi qota'a ma' se iuana?

Apocalipsis 3:17

Ma' 'ñirac qami' nesallaxanec chaqai quiyim ra'maqaichiriñi chaqai quiyim tot qaica ca viñi'. Qam sqai huañita quiyim sqaica ca ra'maqachi'. Qami' 'xoraic, qaicanqaiyi, qami' qai'laq chaqai ñi'sauec.