1 Juan 1:8 - La'qaatqa ñi qota'olec Qota'olec & Qota'olec Novita Na Qomyipi

⁸ No'm shinqac qaica ca qarasauaxaset, ca' chi ñayinqateguelta', chaqai cá'maq lliqueta sqaica coqomi'.

1 Juan 1:8 Iomraidhean Croise

2 Reyes 20:15

Ca' so Isaías renataxano', 'naaco': —¿Negue' ca iuana quena qauochi' lodegaxat? Ca' so Ezequías 'naaco': —Ná'ogue ná'maq hueetaugui ỹa'ajantac, chaqai ná'ogue ná'maq hueetaugui na ỹa'maqataxanaxaquiripi, ná'ogue sachaxanem.

Job 14:4

Qaica quet cá'maq ishit ñigui co'teeta nqai'en ca napio'o.

Isaías 53:6

Ca qomá'ogue so'maqac, 'ec qomi' qagretaipi, quiñi 'óna queeta'pegue' cá'maq chi la'deenataxanaxac, qam ñi qara'gaxala' illaalec so'maxare sá'ogue só'maq se no'uen hueetaguilo qomi'.

Isaías 64:6

Qomá'ogue qomi' shinqatari' ca ỹale sauaqhuaic; naua'que naua no'viiñi qaro'ueenataxanaxaco 'neesari' ca hualoq lahi napio'ota; qomá'ogue sanataxañi 'ec qomi' aca qo'paq laue lasooxoi, chaqai naua qaro'maxasete' se no'viiñi qaramaqate' 'ec na nonot.

Juan 8:44

Ỹaatqajam qamiri lalamaxarete' llaalqa so na'ỹaapec, ma' viitaque 'viichii dá'maq ỹahotaque so'maxare. So na'ỹaapec ỹaatqajam lauataxanaxai, chicqotañi na' llaqai chita'gue qaỹo'uet na 'laua. Se ỹauanapega ỹouen da lliqueta, chaqai se ỹa'xat ca lliqueta. Quena' ỹa'xate' naua la'maachico, retaqa, qam chi na'xateteguelta'. Ma' so'maxare ỹaatqajam 'maatqaic, chaqai chaqaiso só'maq leta'a na na'maachic.

Romanos 3:10

Ma' naua naneresañi la'qaatqa ñi qota'a 'neracsa': Qaica ca huagaxaraic, ñaqa 'ue quet ca 'oonoqui';

Romanos 3:23

Ma' ná'ogue na qomyipi 'ue na lasauaxaset, chaqai quiyim qoỹoqo'ta queda lca'laqataxanaxac ñi qota'a.

1 Corintios 3:18

Qam qaica ca nayinteguelta'. Quiyim 'ue ca ipeeta'a quiyim ỹa'den da llicyaxac da na'deenec huelecna, ca'maxare no'uen quiyim naconaque quiyim 'ec qaica ca ỹa'den, qaiyi ỹaatqajam llic 'ue ca ỹa'den.

Gálatas 6:3

Ma' no'm 'ue ca 'neetapigui lauel quiyim 'ue ca 'negue, quiyim qaica ca 'negue, ca' ca'maxare chi nayinteguelta'.

1 Timoteo 6:5

chaqai da napetaxanaxac qaica ca lqodoc. 'Eda da 'neeta na qomyipi quiyim mashic tot ỹalamaq da la'deenataxanaxac chaqai tot ỹa'den dá'maq ỹaatqajam lliqueta, ma' na'maxare 'neetapega quiyim chicqaugui da re'qoochigui nesallaxa quiyim icoñiguit da na'qaatec. Noỹoochirec ma'le quená'maq qom 'neetari' dajo.

2 Timoteo 3:13

Qam na hualoxonyipi chaqai na 'maatqaiquipi taata'nquira, noquiiqueta'guit ná'ogue na se ỹa'maxañi. Na'maxare rayinaxantac, qam na'maxare qai'neeta qaỹayintac.

Santiago 1:22

Qam 'viichii cá'maq ỹapaxaguinque qamiri da na'qaatec, mesqai chi na'xaỹaxañitapega, ma' no'm 'ñiitari' dajo, ca 'eco' chi nayiñiteguelta'.

Santiago 1:26

No'm 'ue ca 'neetapigui lauel icoñiguit da na'qaatec, qam se ỹa'den nollaañi ñi lo'legaxanaxat, ca'maxare chi nayinteguelta', ca dá'maq 'neeta quiyim icoñiguit da na'qaatec qaica ca 'negue.

Santiago 3:2

Ma' qomá'ogue 'xoic na qaro'maxaquipi. Qam no'm 'ue ca se ỹo'maac quiyim 'ue ca ỹa'xat, ca' ỹaatqajam 'maxaraic ỹale, ma' ỹaatqajam ỹa'den quiyim nollaañi dá'ogue da no'ueenataxac.

2 Pedro 2:13

'Xoic ma'le ca le'xoric, ma' ỹahotaque da le'xoric na liỹaripi. 'Neetapega ỹa'maqachiguiñi quiyim queetalec da lamaanaxanqachic, qam se ladoguec. Ỹaatqajam nayiloxo lahi' ma' chalego da laỹaac quena' ỹalequetauguilo qamiri quena' lapoiỹata'. Raỹaacotalec da layinaxanaxac caqamiri.

1 Juan 1:10

Qam no'm shinqac quiyim sqaica ca qarasauaxaset, ca 'ec 'maatqaic nqaishinaq ñi qota'a, chaqai sqai ỹaatqajam llic seuaqlec da la'qaatec.

1 Juan 1:6

Ca no'm shinqac ña'daqatau'a ñi'maxare, qam no'm ñaqai seuqataugui na napalaxa, ca' ña'majanqatac quecá'maq sa'xatqatac chaqai quecá'maq so'ueetqatac.

1 Juan 2:4

Qam no'm 'ue ca 'naac: “Ỹim seuana ñi qota'a”, qam se na'xaỹaxanalo naua lelaataxanaxaco, ca' ca'maxare 'maatqaic chaqai da lliqueta sqaica queca'maxare.

1 Juan 4:20

Qam no'm 'ue ca 'naac: “Ỹim se'xoren ñi qota'a”, qam ñaq noquiaatapega ca lqaỹa, ca' ca'maxare 'maatqaic. Ma' no'm se i'xoren ca lqaỹa quiyim ra'iito'ot, ca ¿huose'quet i'xoren ñi qota'a ma' se iuana?

2 Juan 1:2

Ỹaatqajam yqo'talo qamiri, ma' 'ue da na'qaatec ỹaatqajam lliqueta hueetaguilo naua qare'taxanata, chaqai chaqai 'neetari' se neme hueetauguilo qomi'.

3 Juan 1:3

Ma' 'xoic da ñitoonaxac na' 'vii saua qarqaỹa' novite', na' ỹa'xatesapiguim dá'maq raqamaxa'e', ma' ỹaatqajam qui'salec da na'qaatec lliqueta.