1 Juan 1:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Qam no'm shinqac quiyim sqaica ca qarasauaxaset, ca 'ec 'maatqaic nqaishinaq ñi qota'a, chaqai sqai ỹaatqajam llic seuaqlec da la'qaatec.

1 Juan 1:10 Iomraidhean Croise

Salmos 130:3

Qami' ỹa'gaxala', queta' 'yiiñira'a na se no'uen qaỹo'ueetetac, ¿negue' queto' ca ishit quiyim nachaatetañi?

Juan 3:33

Qam no'm 'ue ca huelec da'maxare, ca' quedajo, ca' i'taxajñi quiyim ỹaatqajam llic da la'qaatec ñi qota'olec.

Colosenses 3:16

Chaqai da lapaxaguinataxanaxac so Cristo no'qaachiguilo nqai'ne' naua re'taxanatahi. Napaxaguiñita'ta' chaqai ỹaatqajam 'yiiñii quiyim na'ñaxachita'ta'. Chaqai no'm 'ueenaxañii, qam 'viiñii ná'ogue na ỹoreta'oguit no'ueenqaipi chicqo'ot so Espíritu Santo. Chaqai chicqochigui nqai'ñii añi re'taxanatahi quiyim 'ỹaañitacot da na'aachicyaxaguii ñi qota'a.

1 Juan 1:8

No'm shinqac qaica ca qarasauaxaset, ca' chi ñayinqateguelta', chaqai cá'maq lliqueta sqaica coqomi'.

1 Juan 2:14

Shiriñi dajo caqamiri qo'xoiqa, ma' viriỹau'a quiyim huañiỹa só'maq shi'co' 'ue na' saqa'leca na 'laua. Chaqai qai'neeta shiriñi dajo caqamiri ne'naqa, ma' qamiri quesaxanaxaqa, chaqai mashic coñiguit da la'qaatec ñi qota'a cañi re'taxanatahi, chaqai mashic qadoxoñiguii so na'ỹaapec.

1 Juan 2:4

Qam no'm 'ue ca 'naac: “Ỹim seuana ñi qota'a”, qam se na'xaỹaxanalo naua lelaataxanaxaco, ca' ca'maxare 'maatqaic chaqai da lliqueta sqaica queca'maxare.

1 Juan 4:4

Qamiri ỹaalqolqa, qamiri lalamaxarete' ñi qota'a, chaqai mashic qadoxoñiguii na 'maatqaiquipi. Ma' ñi qota'a ñí'maq neetaguilo qamiri paguec lquesaxanaxa quesó'maq na'ỹaapec ỹoiquentac na qom hueetalec ana 'laua.

1 Juan 5:10

Cá'maq huelec só'maq llaalec ñi qota'a hueetagui nqai'en añi le'taxanata dajo na'qaatec. Qam cá'maq sqai huelec ñi qota'a, ca 'ec 'maatqaic nqai'en, ma' sqai huelec dá'maq 'naac ñi'maxare quiyim ỹa'xat so llaalec.

2 Juan 1:2

Ỹaatqajam yqo'talo qamiri, ma' 'ue da na'qaatec ỹaatqajam lliqueta hueetaguilo naua qare'taxanata, chaqai chaqai 'neetari' se neme hueetauguilo qomi'.