1 Corintios 9:7 - La'qaatqa ñi qota'olec Qota'olec & Qota'olec Novita Na Qomyipi

⁷ ¿Negue' ca ishit quiyim taho nouaataxanaq quiyim ishiuetentac ná'ogue na louenec? Chaqai ¿negue' ca ishit ỹanñi aca uva, ca' se ỹa'ic aca la? Chaqai ¿negue' ca ishit reloqota'a aca qagreta, qam se ni'chiguilo caua lo'i' lelamecse'?

1 Corintios 9:7 Iomraidhean Croise

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Deuteronomio 20:6

Chaqai no'm 'ue caqamiri ca chita'gue danaxan cana 'uva, ca' quiyim saqa' ỹa'ic ana la ca'maxare, ca' pilo queca la'a', 'neeto' quiyim ileuaugui na lauataq, ca' ỹoqa'a ca naqat aca lanecse 'uva.

1 Timoteo 1:18

Timoteo, ma' qami' ỹaalec, ca saanem qami' da ỹaqataxac, qaiyi loquirelec yí'maq no'uen queda rpi'ỹaxaqui' chaqai qaica canchaqaica quedá'maq 'ñiite'. Pacqajñiterelco' ma'le da na'qaatec caqami' chicqaugui na'le na la'qaataxanqajanqaipi ñi qota'a.

1 Timoteo 6:12

Na'ñaxachirelec da rpi'ỹaxaqui', lo'qo'ichiriñi dá'maq nca'laxa sqaica lqodoc. Ma' chaqaida dá'maq 'em roỹaxañiraxaua' ñi qota'a, chaqai mashic ime quiyim nachaachiriñi 'xachisac da rpi'ỹaxaqui', chaqai mashic 'xoic ná'maq ỹa'yiinchigui qami'.

2 Timoteo 4:7

Ma' mashic somat quiyim ñco'uaateguelec da ỹo'ueenataxanaxac, chaqai somat da ñalliquinaxac. Ỹaatqajam llo'qoochiguiñi da npi'ỹaxac.

1 Pedro 5:2

Ỹaatqajam quelolliỹa 'maxachii'tegue ná'maq mashic icoñiguit da na'qaatec ná'maq mashic qaỹauaaque reloxoiqachicshii quiñi qota'a, 'ñiitari' ca neloxoỹaq cana qagreta. Ỹaatqajam rasapchii'ta, 'viichitac dá'maq ỹahotaque ñi qota'a. Mese repaguitaque quiyim qanetenteguelgoto qamiri qarelaritac chaqai se naquichite'e aca plata. Ta'ta'a quiyim rasapchii'ta ca ro'ueenataxanaxaguii.