1 Corintios 9:6 - La'qaatqa ñi qota'olec Qota'olec & Qota'olec Novita Na Qomyipi

⁶ Loqo'm ¿'neetapigui qavillii quiyim so Bernabé chaqai aỹim quiyim qoqometa se seshitaq quiyim saxanaxañi da re'qoochigui qaro'ueenataxanaxac, ca qaralamqajlec sa'xataq da na'qaatec?

1 Corintios 9:6 Iomraidhean Croise

2 Reyes 6:2

'Maxariñite' quiyim qolaxapegue' aso lachiugue Jordán quiyim souaxanaq ana qo'paq loỹo, ca' sa'daxañi, ca so'ueetaq ca qouo' quiyi'maxare. —Mohi, quii —'naaco' so Eliseo.

Hechos 11:22

Ca co'na' 'ue da la'xaỹaxac so mashic huelec da na'qaatec neeta'ñi yi Jerusalén, ca qaila' so Bernabé quiyim taigue da Antioquía.

Hechos 13:50

Qam na judioipi ná'maq se ỹa'maxaren so Jesús, ca itaxaỹaxanac so 'aallipi 'maxataxaraipi chaqai huelec ñi qota'a, quiyim quepegue' na nashillipi quiyi na'a' quiyim qaỹocana'pe so Pablo chaqai so Bernabé, ỹovireta'a quiyim qaỹo'derauec quiyí'maq hueese'e.

Hechos 14:12

Qaipe'taxantaque quiyim so Bernabé chaqaiso só'maq qohinac qota'olec Júpiter, chaqai queso Pablo qohintapego' chaqaiso so qota'olec Mercurio, ma' chaqaiso só'maq netaxaỹaq.

Hechos 18:3

Qam ma' dá'ogue da lo'ueenategue' ỹo'ueeterac na nopele', loqo'm na 'imec na'daañi, ca no'ueenañi lo'ueenataxanaxaua'.

Hechos 4:36

Ca' 'uo' so ỹale ỹalequetaho, leenaxat José, ne'xaỹoqsoqo' yi delec leenaxat Chipre, so'maxare chicqaugui na lotauaripi na netaxaỹaxanqajanqaipi, llaalqaipi so Leví. Ca' saua nelaatqa ỹahote da dalaxaic leenaxat Bernabé. Dajo neenaxat 'naac: Cá'maq lo'daxachigui na neuel.

1 Corintios 11:16

Qam no'm 'ue ca shim retaxaỹa'guit dajo, ca 'maxaraic quiyim ỹa'deenta quiyim coqomi' chaqai quená'maq mashic huelec ñi qota'a qaica ca liỹa no'ueenataxac.

2 Corintios 11:8

Ca' ỹim 'ec souootaxana'gue ana lam ná'maq liỹaripi shi'gue icoñiguit da na'qaatec na' secoñiguit aca ñishiuete, ca' souen na' sentauguilo qamiri.

1 Tesalonicenses 2:9

Qamiri qarqaỹa', no'viñita'gue quiyim ỹaatqajam 'ue da qaro'ueenataxanaxac chaqai ña'ñaxataq, ma' sahoqotaque quiyim ñauegaq ca qarepetaxanaxat. So'ueenataxanqatac quenaua na'xatari chaqai naua piri, ma' sahoqotaque quiyim qaica ca nesallaxantegueto qomi' na' senqatauguilo qamiri sa'xatqatac da la'qaatec ñi qota'a.