1 Corintios 9:5 - La'qaatqa ñi qota'olec Qota'olec & Qota'olec Novita Na Qomyipi

⁵ chaqai qai'neeta quiyim ñauequeta'pegue' aca ỹoua mashic icoñiguit da na'qaatec, shintam da 'neesari' saua liỹa' lelaatqa so qara'gaxala' Jesús, chaqai saua lalamqate' lqaỹa', chaqai so Pedro.

1 Corintios 9:5 Iomraidhean Croise

Cantares 4:12

Qami' ñapiitaxauo'lli', qami' nanaxanqa' napoota'a, huaxaỹaq lahi' napootau'a, huaxaỹaq ne'paxantashiguim 'ue añi qaỹotocqotalec;

Mateo 13:55

Ma' dajo llaalec so qo'paq lo'o José, chaqai late'e añi María, lqaỹa' ñi Jacobo, José, Simón, chaqai ñi Judas.

Mateo 8:14

Ca' so Jesús quepegue' yi la'a' so Pedro. Ca iuane'ta aso ni'ỹoqoro so Pedro nenantañi queso lomala', ma' 'xoic lpa'ỹaaxa na loshicmaxa.

Marcos 1:30

Qam aso ni'ỹoqoro so Simón nenantañi, ma' 'xoic na lpa'ỹaaxa na loshicmaxa. Ca' qara'qaataxanem so Jesús quiyim ralolaxai aso'maxare.

Marcos 6:3

Ma' chaqaida dajo dá'maq qo'paq lo'o, llaalec aso María, chaqai lqaỹa so Jacobo, José, Judas chaqai so Simón, chaqai saua lqaỹa' 'aalo nera'ñi najo qai'neeta. Ca' se qana'xaỹaxana.

Lucas 6:15

Mateo, chaqai so Tomás, chaqai so Jacobo só'maq llaalec so Alfeo, chaqai so Simón só'maq chicqaugui na cananistaipi,

Lucas 8:20

Ca 'uo' so ra'qaataxanem so Jesús, 'naaco': —Ada qachii'i' chaqai daua rqaỹachi' pa'aasauec, ỹahosaque quiyim nauanchiguita.

Juan 1:42

Na' ime, ca' so Andrés ỹauec so Simón, ỹauega yi neeta'ñi so Jesús. Ca' so Jesús co'na' idaana'guit so'maxare, ca 'naaco': —Qami' Shimoñi', ma' qami' llaalec so Jonás, qam nagui qadeenaxachi'o' Cefas —qam dajo neenaxat leloxoỹaxac quiyim Pedro, loqo'm qa'.

Juan 2:12

Ca co'na' ime dajo, ca' so Jesús quepegue' yi na'a' leenaxat Capernaum, liỹaatac aso late'e, chaqai saua lqaỹa', chaqai saua lapaxaguinatqa. Ca 'xoico' so na'xataripi hueesa'ñi yi'maxare.

Hechos 1:14

Sá'ogue lapoỹato'o' quen, ca' nqouagaxain, ỹalequesaho saua lqaỹa' so Jesús, chaqai aso late'e María, chaqai so liỹa 'aallipi.

Romanos 16:1

'Ue da ỹaqataxac cana qarqaỹa Febe, aná'maq ỹaatqajam 'ue da lotaanaxanaxac quená'maq mashic icoñiguit da na'qaatec na'ñi yi Cencrea,

1 Corintios 1:12

Ma' quedajo re'qoota quiyim se natenta' naua ra'qaataxahi. Ma' 'uo' quen na 'naac: “Aỹim ỹa'gaxala' so Pablo”; chaqai 'uo' quen na 'naac: “Aỹim ỹa'gaxala' so Apolos”; chaqai 'uo' quen na 'naac: “Aỹim ỹa'gaxala' so Pedro”; chaqai 'uo' quen na 'naac: “Aỹim ỹa'gaxala' so Cristo.”

1 Corintios 7:15

Qam ca ỹale loqo'm aca 'aalo saqa' icoñiguit da na'qaatec, no'm ipacalec quiyim ỹahotaque ralataxan, hua'yi, ỹo'uet. Ca' quedajo, no'm 'neeta ca qarqaỹa ỹale loqo'm aca 'aalo, ca 'eco' nosoochiguiñi. Ma' ñi qota'a roỹaxanalo qomi', ỹahotaque quiyim qara'maqachiguiñi, sqaicanqaida.

1 Corintios 7:39

Aca 'aalo mashic 'on se ishit qaỹosogoñi da lo'naxac no'm ñaq nca'leetauec ca loua. Qam no'm ileu ca loua, ca aca'maxare ỹaatqajam no'uene'tegue quiyim o'ñiguit cá'maq nqo'ta. Qam no'm mashic icoñiguit da na'qaatec 'nejem aca'maxare.

1 Corintios 7:7

Ca' ỹim quiyim chaqaỹim, ca' sahotaque quet quiyim qamiá'ogue 'ñiita'ogue maỹim. Qam ñi qota'a ỹoreta'oguit na ỹaanem quiñi 'óna queca 'óna 'neetayi ca leloxoỹaxac chaqai ca liỹa lotqai ỹoqa'a ca leloxoỹaxac ca neme.

1 Corintios 7:8

Qam ná'maq saqa'laca aca loua chaqai ana pa'ỹe, shinapega 'maxaraic quiyim sqo 'on 'neetari' maỹim.

Gálatas 1:19

Qam qaica ca liỹa seuana queso liỹa lelaatqaipi so qara'gaxala', qaisoota so Jacobo só'maq lqaỹa so Jesús.

1 Timoteo 3:2

Vichiguiño' quiyim cá'maq la'gaxala' ná'maq mashic icoñiguit da na'qaatec se ỹa'maxañi quiyim se no'uen cá'maq na'qaataxac. Chaqaidaata quiyim 'oono'lli' nqai'en aca loua, chaqai ỹaatqajam ỹa'maxate'tegue da llicyaxac, nelootec, chaqai qaica ca taỹapegueu'a. Ỹaatqajam se ishit quiyim se idaañiguit quet ca namaqategueri', chaqai ỹaatqajam ỹa'den da lapaxaguinataxanaxac.

1 Timoteo 4:3

Najo qomyipi se ỹa'maxaren quiyim 'ue ca 'on, chaqai 'ue na se ỹasen quiyim qaỹa'ic quena na'ic. Qam ñi qota'a ỹo'uet najo na'ic, ỹauaaque quiyim ỹa'ic ná'maq mashic icoñiguit da na'qaatec chaqai ná'maq ỹa'deenta da leloxoỹaxac ỹaatqajam llic, ca ỹaantecshiguim da na'aachic quena' que'e.

1 Timoteo 5:2

Chaqai aná'maq qo'xoi 'ñiisa'gue acá'maq ỹaatqajam qachii'i', chaqai aná'maq nequetegaxai 'ñiisa'gue aca rqaỹa'e', qaiyi qaica ca na'qaataxaqui' se no'uen.

Tito 1:6

Ca la'gaxala' ná'maq mashic icoñiguit da na'qaatec se ỹa'maxañi quiyim 'ue ca se no'uen na'qaataxac, chaqai 'oono'lli' aca loua nqai'en, chaqai icoñiguit da na'qaatec cá'ogue ca llaalqaipi qai'neeta, qaiyi qaica ca taalec se no'uen, sauaxat da no'ueenataxac chaqai quiyim se na'xaỹaxan.

Hebreos 13:4

Chaqai quiyim ná'ogue se napacalec da leloxoỹaxac ca nouaỹaxac. Quiitalec quiyim 'maxachii'tegue dá'maq 'neeta ca nouaỹaxac. Ma' ñi qota'a ỹa'ue ma'le ca nouaxanaxaset na nedequenaxaiquipi chaqai ná'maq ỹadalaxat aca loua.