1 Corintios 9:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Caỹim mesqai 'ec ñimaqajan quiyim sa'xatetac da na'qaatec chicqaugui da nca'laxa, ma' chaqai qaỹamaxailec quiyim so'uet. Ma' ¡'xoraicolec aỹim no'm se sa'xat da'maxare!

1 Corintios 9:16 Iomraidhean Croise

Isaías 6:5

Ca' da ỹa'deenataxanaxac 'neetasa': ¡'Xoraicolec aỹim; nagui, ca' yileu! Ma' mashic seuana quenaua ñqote' ñi nashi, ñi qara'gaxala' sqaica lqalanec; ma' ỹim qom, ca' se no'viiñi naua ỹa'qaatqa, chaqai salequetaugui na qomyipi se no'viiñi naua la'qaatqa.

Jeremías 1:17

Ca' nagui, ca' qami' na'ñaxachi', ca 'ñirapega ná'ogue ná'maq sa'xat ma'le caqami'. Totaxan ro'chita, ma' no'me', ca' ỹim i'loxol nqaishin qami' ma'le ma' vichita yi'maxare.

Jeremías 20:7

Qami' ỹa'gaxala', qami' yayiñi', chaqai ỹim ñañaanta quiyim yayiñi'; paguec da rquesaxanaxa'e', ca' yaqachiriñi. Naua'que naua na'xata' chi qayi'neetac; ná'ogue i'neetac aỹim.

Jeremías 20:9

No'm shinac: “Tot sa'deenapega ñi qara'gaxala', chaqai tot sa'xat da leenaxat,” ca' naua ra'qaataxahi' quena iuel 'ec ca norec ravicqataxan queete'ueguelo naua ipi'naqa. Sahotaque se sa'xate', qam se seshit.

Amós 3:8

¿Negue' ca se i'loxol quena lqolonaxa quiyim 'xaỹaque ronoqo ca sauaxaic leta'a? ¿Negue' ca se ỹa'xat da la'qaatec ñi qara'gaxala', no'm qailarelec quiñi'maxare?

Amós 7:15

qam ñi qara'gaxala' naqata'a aỹim quiyim seloqota'a ana qagreta. Ca 'naac caỹim: Mo'e', 'xachi' da ỹa'qaatec quiyi qomyipi quiyi Israel.

Mateo 25:16

Só'maq nelaatec icoñiguit aso cinco mil, ca so'maxare ro'ueenataxañigui. Ca' sojo nam ỹovi' cinco mil aso liỹa lauegue.

Lucas 9:62

Qam so Jesús 'naaco': —Ca qom quiyim mashic ỹashil-lec ca lasaugaxanaxat, ca nqovilca, ca' sqa taiguit da lo'ueenataxanaxac ñi qota'olec quiyim ỹoiquentac ná'ogue najo.

Hechos 4:20

Ma' qomi' se seshitaq quiyim saxanaxañi sa'xataq cá'maq sauanqachigui chaqai cá'maq sa'xaiqachigui.

Hechos 9:15

Qam ñi qara'gaxala' 'naapego' so Ananías: —Mo'e', ma' ica'acsec ñi ỹale quiyim ỹa'xat da ỹeenaxat quená'ogue nanchaqaina ỹoreta'oguit qomyipi, chaqai quena lashillipi, chaqai vire'ta quena Israel laseripi.

Hechos 9:6

Ca' so Saulo i'loxoltari' quena lqolonaxa, ca 'naaco': —Qami' ỹa'gaxala' Jesús, ¿nega'ỹo' cá'maq vi'saque so'uet? Ca' so qara'gaxala' 'naapego': —Ne'laxachirishiguim, ca quirepegue' yi na'a'. Ca' quiyi, ca qohiñirapegaxaua' quecá'maq 'viichi'.

Romanos 1:14

Ma' ỹim 'ue da ña'qaatec quiyim sepacqajanchigui dajo quiyim sa'xatem ná'ogue na qomyipi, 'eno'm 'maxataxaraic, loqo'm ca se na'maxat, chaqai ná'maq ỹa'den ana lere, loqo'm ná'maq se ỹa'den ana lere.

Romanos 15:17

Ma' mashic seuelec so Cristo Jesús, ca' chaqaida chicqochigui da ñitoonaxac quiyim so'ueenataxantacot ñi qota'olec.

Romanos 4:2

Ma' quiyim so'maxare ỹaatqajam qaỹa'maxarenta quiñi qota'a chicqochigui cá'maq canchaqaica ỹo'uet, ca 'ue quet cá'maq 'em quiyim nemaqajan, qam mesqai quiyim nemaqajan quiñi qota'olec.

1 Corintios 4:15

Ma' no'm ỹovi' ca diez mil ca ỹapaxaguinque qamiri so Cristo, qam se ishit quiyim 'xoic ca qataa'illipi. Ma' ỹim ná'maq leta'a da rpi'ỹaxaguii queso Cristo Jesús. Ma' ỹim ná'maq sa'xatema qamiri na'le dá'maq na'qaatec chicqaugui da nca'laxa.

1 Corintios 9:12

Ma' quiyim quená'maq liỹaripi 'neete'm qomi', ca' qamiri shivichiñii da lo'ueenataxanaxac, ca' ¿huose'queto' quiyim se ỹapacauec quiyim qarishivichiñii qomi'? Qam qomi' se seshitaq quiyim souenaq dajo quiyim qomi' 'ue ca shinqac. Chaqaidaata qomi' ña'ñaxataxaguit ná'ogue nanchaqaina, qaiyi qaica ca ỹanaxat dá'maq na'qaataxanaxac dá'maq na'qaataxac queso Cristo.

1 Corintios 9:14

Ca' qaican ỹapaguec da laqataxac so qara'gaxala' quiyim quecá'maq ỹodootac da na'qaatec chicqaugui da nca'laxa, ca'maxare ishit que'eetapigui da la'qaataxanaxac.

2 Corintios 2:12

Ca na' sovita yi na'a' Troas, ca sa'xat da na'qaatec queso Cristo. Ca' quiyi'maxare, ca ỹaatqajam qaica ca yanaxat quiyim so'ueenataxanot so qara'gaxala'.

Colosenses 4:17

Chaqai 'ñiỹaco' ma'le dajo queca Arquipo, 'ñiỹapego' quiyim ỹaatqajam ipaquejlec ỹomachichigui dá'maq lo'ueenatec qoỹaanem queso qara'gaxala'.