1 Corintios 9:1 - La'qaatqa ñi qota'olec Qota'olec & Qota'olec Novita Na Qomyipi

¹ 'Nesa ma' ỹim quecá'maq sham shi'ntegue qaica quepaxat aỹim, chaqai yalau'a da no'ueenataxac ca lelaatec so Jesús, ma' ỹim ñauane'e' so'maxare só'maq qara'gaxala'. Chaqai qamiri ná'maq 'em re'oq da ỹo'ueenataxanaxac quiyim so'ueenataxantacot so qara'gaxala'.

1 Corintios 9:1 Iomraidhean Croise

Hechos 13:2

Ca 'uo' so na'xa'a co'na' saua'maxare lapoota'ta', qaỹo'ueentac ñi qara'gaxala' chaqai sá'ogue qaica que'e. Ca' so Espíritu Santo 'naaco': —Qaỹoỹoote'ogalo ñaua Bernabé chaqai ñi Saulo, soỹaxanalo, ma' 'ue da sahote'e lo'ueenategue'.

Hechos 14:14

Qam co'na' so Pablo chaqai so Bernabé retane' dajo, ca nasectaqta'ahi saua loho, ma' se ỹa'maxarene' dajo. Ca' taaringui yi lavinñi so qomyipi, ca' nelamaxarene', 'neraco':

Hechos 14:4

Qam so qomyipi quiyi na'a' noỹoota'chi, 'uo' na qoshiiteguelec na judioipi chaqai na liỹa qoshiiteguelgoto saua lelaatqa so Jesús.

Hechos 23:11

Ca' queso pe so Jesús nachaxana so Pablo. Ca 'naapego': —Qami' Pablo, na'ñaxachi'o' ma'le, ma' dá'maq 'ñitetegue da retaxaỹaxaqui' caỹim quena Jerusalén, qai'neeta 'ñitetegue ca retaxaỹaxaqui' ma'le quiyi Roma.

Hechos 9:15

Qam ñi qara'gaxala' 'naapego' so Ananías: —Mo'e', ma' ica'acsec ñi ỹale quiyim ỹa'xat da ỹeenaxat quená'ogue nanchaqaina ỹoreta'oguit qomyipi, chaqai quena lashillipi, chaqai vire'ta quena Israel laseripi.

Hechos 9:17

Ca' so Ananías quepegue' ca na'a' neeta'ñi so Saulo. Ca co'na' inoxono, ca ỹashil-lec quenaua lqai'laqate' so'maxare. Ca 'naaco': —Qami' ỹaqaỹa Saulo, ñí'maq qara'gaxala' Jesús, ñí'maq nachaxano' qami' na' naquisa'gue na nayic, chaqaiñi ñí'maq nelata ỹim aqami', qaiyi liỹa neuañiriñi chaqai qami' no'qaachigui nqohin ma'le queca Espíritu Santo.

Hechos 9:3

Qam co'na' ñaqai queeta'gue so nayic, mashic ipalatau'a yi na'a' Damasco, ca ne'laqataxanchiguiñi chicqo'ot na piguim so 'ec ncoỹeraxanaxaqui lauaq quiyí'maq hueete'e so'maxare.

Hechos 9:5

Ca' so Saulo renataxano': —Qami', ¿negue' aqami'? Ca só'maq na'qaatec 'naaco': —Aỹim Jesús, chaqaỹim ná'maq ỹim yocañi'sac. Chi nqa'viiñiseguelta', 'nejem ca nauegaxanaxala' tooro quena' ỹachaqata'piguit na lo'lo aca na'daxanqate.

Romanos 1:1

Aỹim Pablo, ỹim la'ac so Jesucristo. Ñi qota'olec roỹaxañiua' chaqai yoỹootec quiyim ỹauaaque aỹim lelaatec, qaiyi sa'xat da la'qaatec chicqaugui da nca'laxa.

Romanos 1:5

Ca' ñi qota'a nqouagueguelo qomi', chicqochigui nqai'en so Jesucristo, ca' qarela' quiyim so'ueenataxanot so'maxare, qaiyi quená'ogue ná'maq ỹoreta'oguit qomyipi 'ue ca huelec chaqai na'xaỹaxana.

Romanos 11:13

Qam ỹim nagui 'uo' da sa'xat caqamiri ma' sqai qamiri judío lase'. Ma' ñi qota'olec yilata na mesqai judío laseripi, ca vichiguiño' ỹaatqajam semaqachin da ỹo'ueenatec.

1 Corintios 1:1

Aỹim Pablo, ma' ỹimo' loỹaxanaxat ñi qota'olec quiyim ỹauaaque aỹim lelaatec so Jesucristo. Iỹaatac ñi qarqaỹa Sóstenes.

1 Corintios 10:29

Quedá'maq sa'xatetac taỹaugui cá'maq la'deenataxanaxac ca liỹa, mesqai taỹaugui qami'. Qam 'uo' ma'le ca renataxangue: “¿Chi'neco' ma' 'ue quet ca hueetapigui quet iuel nqai'en ca la'deenataxanaxac ca liỹa quiyim 'ue ca sa'queetac?

1 Corintios 10:30

Ma' quiyim aỹim saanot ca ña'aachic ñi qota'a quecá'maq sa'queetac, ca' ¿chi'neco' quiyim aỹim qoyiqueteguelec quecá'maq sa'queetac?”

1 Corintios 11:16

Qam no'm 'ue ca shim retaxaỹa'guit dajo, ca 'maxaraic quiyim ỹa'deenta quiyim coqomi' chaqai quená'maq mashic huelec ñi qota'a qaica ca liỹa no'ueenataxac.

1 Corintios 3:6

Aỹim na'le sanñi da no'ueenataxanaxac, ca' na'le lotqai anac so Apolos, ca ỹocorelec, qam ñí'maq qota'a maq ỹo'uet da lañaqtaxac.

1 Corintios 9:19

Ma' ỹim qaica quet cá'maq aỹim lelaatec, qalaxam chi so'uet quiyim ná'ogue lelaatec aỹim, ma' sahotaque quiyim 'xoic ca qom huelec so Cristo.

2 Corintios 10:7

Qamiri ra'iitapigui na chaqai qom. Ca no'm 'ue ca 'neetapega ỹaatqajam queeta'pegue' so Cristo, ca qai'neeta retanta quiyim qomi' qai'neeta qolqata'pegue' so Cristo.

2 Corintios 11:5

Ma' peeta'a se ỹapaquerauec caỹim ná'maq quiita'pegue' ná'maq 'naac napacalec na lelaatqaipi so Jesús.

2 Corintios 6:1

Ca ma' qomi' lotaua' ñi qota'a queda lo'ueenataxanaxac, ca ñi'xoresenqa'toto qamiri sqa taiguit quiyim se nquipichiỹa'pegue' da lqouagaxa ñi qota'a dá'maq mashic ỹachaxanema qamiri.

Gálatas 1:1

Ỹim Pablo, ỹim lelaatec so Jesús. Sqaỹim lelaatec chaqai sqaỹim lca'acsec ca chaqai qomyipi; ta'ta'a quiyim chaqaiso so Jesucristo, chaqai ñi qota'olec ñí'maq liỹa nca'laxatec na'le so'maxare queso nelauaxa.

Gálatas 5:1

So Cristo ỹosou'alo qomi', qaiyi qaica ca qarquepaxat. Ca' na'ñaxachii quiyim quiitalec quiyim qaica ca rquepaxachii, ca tot liỹa pilliu'a quiyim qamiri quet na'aqa.

1 Tesalonicenses 2:6

Se ỹauanapega sahoqotaque quiyim qaimaqachine' qomi' quena qomyipi, caqamiri loqo'm quecanchaqaica liỹa, ma' qomi' lelaatqa so Cristo. Qam qaiyiita sqai shicqateguelec dajo quiyim sahoqotaque qaidaañiguita qomi'.

1 Timoteo 2:7

Ca' chaqaida dá'maq dajo quiyim ñi qota'a ỹa'ue quiyim aỹim la'qaataxanqajnec chaqai lelaatec, quiyim sapaxaguinegue da 'neeta da npi'ỹaxac chaqai dá'maq ỹaatqajam llic leloxoỹaxac ná'maq mesqai judío laseripi. Ma' ỹim mashic seuelec so Cristo, ca' ỹaatqajam llic dá'maq sa'xatetac. Se ña'majan.

2 Timoteo 1:11

Ñi qota'a ỹanagui quiyim aỹim la'qaataxanqajnec quiyim sa'xatetac dajo na'qaatec. Chaqai ỹamaxailec quiyim sapaxaguin na mesqai judío laseripi.