1 Corintios 8:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qalaxam sqai ná'ogue ỹa'den dajo. Ma' ñaqa 'ue na naỹa'gue quiyim nqouagaxaintacot na nashiilec nqolac, ca' ñaqai queetalec nagui quena' 'ue na ỹa'ic najo na'ic, 'ec 'nejem nqai'en ca mashic qoỹaanot ca nqolac. Ca quedá'maq la'deenataxanaxac quiyim saqa' ra'ñi, ca se no'ueenaxat.

1 Corintios 8:7 Iomraidhean Croise

Hechos 15:20

Chaqaidaata quiyim sauqo' aca qoderecse quiyim shinqapega se ỹa'ic ca na'ic mashic qoỹaanot ca nashiilec, chaqai se nocachita'ta' ca ỹale chaqai aca 'aalo, chaqai se ỹa'ic ca la'at ca isecỹac sqai nague' caua leuo', chaqai se ỹa'gue' caua neuo'.

Romanos 14:14

Ma' ỹim sa'deenta quiyim qaica quet cá'maq chi nanoiquentac se no'uen. Ca' dajo ỹaatqajam se'taxachichiguiñi quiyim lliqueta, ma' ỹim seuelec so qara'gaxala' Jesús. Qam no'm 'ue ca hueetapigui lauel quiyim 'ue ca se no'uen, ca' se no'uen, qam queca'maxare.

Romanos 15:14

Qamiri ỹaqaỹarolqa, ỹaatqajam 'chichiguiñi nqaishin quiyim no'qaachiguilo qamiri queda nqouagaxa chaqai queda na'deenaxanaxa, chaqai quiyim 'yiiñii qachiỹa ca riỹahi.

1 Corintios 10:25

Qamiri a'guii ná'ogue na la'at nemeenec queca la'at lahi'. Sqai nataxañitac queca chicqa'gue, qaiyi qaica ma' se ỹa'maxañi quet ca ra'deenataxanaxaguii.

1 Corintios 8:1

Ca' nagui sa'xatema qamiri ca leloxoỹaxac ca na'ic mashic qanqouagaxainlec quiyim qoỹaanot ca nashiilec nqolac. 'Nesa ma' llic quiyim qomá'ogue sa'deenqachigui dajo, qam da qara'deenaxanaxa tai'a nqai'ne' qomi' da nque'guenataxanaxac. Qaidaata da ne'xorenataxanaxa ỹo'uet da qarañaqtaxac.

1 Corintios 8:4

Vichiguiño' quecá'maq na'ic quiyim mashic qanqouagaxainlec quiyim qoỹaanot ca nashiilec nqolac, llic ma' ca nqolac ỹaatqajam qaica ca 'negue quena 'laua, ma' 'oonoqui' ñi qota'olec, qaica ca liỹa.

1 Tesalonicenses 5:14

Qai'neeta saqataxalo qamiri qarqaỹa' quiyim ỹaatqajam 'ñiỹapega ná'maq se nqo'ta ro'ueenataxan, chaqai 'ñaxachii ná'maq se ra'ñiigui na lauel, chaqai tauañii na se ra'ñi da lpi'ỹaxac, chaqai quiyim neualaxaviñi'te' ná'ogue na qomyipi.