1 Corintios 8:4 - La'qaatqa ñi qota'olec Qota'olec & Qota'olec Novita Na Qomyipi

⁴ Vichiguiño' quecá'maq na'ic quiyim mashic qanqouagaxainlec quiyim qoỹaanot ca nashiilec nqolac, llic ma' ca nqolac ỹaatqajam qaica ca 'negue quena 'laua, ma' 'oonoqui' ñi qota'olec, qaica ca liỹa.

1 Corintios 8:4 Iomraidhean Croise

Isaías 44:24

Ñí'maq qara'gaxala' ñí'maq naqata'alo qomi', ñí'maq ỹa'maxajñi qami' na' saqa' ne'qa'iriñi, 'naac: Ỹim ná'maq ỹim na'gaxala' ỹo'ueenatec ná'ogue nanchaqaina, ỹim sepeguenec na piguim chaqai sa'ñaxajñi na 'laua, qaica ca yotauan.

Isaías 45:5

Ỹim ná'maq ỹim na'gaxala', ca' qaica liỹa; qaica ca liỹa qota'olec ỹoqa'oga caỹim. Ỹim sa'maxajñi qami' quiyim qami' loquiaxai, 'eno'm saqa' huañirapiguiỹa',

Marcos 12:29

Ca' so Jesús 'naaco': —Dá'maq 'auaxaic nelaataxanaxac quená'ogue 'neetasa': “Ñaq na'xaỹaxañii, qamiri Israel llaalqaipi, ñi qara'gaxala' qota'olec, ñi'maxare qaiñiita na'gaxala'.

Hechos 14:15

—¡Qamiri ỹalliripi! ¿Chi'neco' ma' 'viichitac dajo? Ma' qom qomi', shinqata maqamiri. Ma' chaqaida dá'maq 'em ñoviraq quiyim shinqapegalo qamiri quiyim 'xañiñi na se no'uen qaica ca 'negue, ca' quiilec ñi qota'olec nca'leetauec, ma' ñí ỹo'uet na piguim chaqai na 'laua chaqai ana huaaxai, chaqai ná'ogue ná'maq nanchaqaina.

Hechos 15:20

Chaqaidaata quiyim sauqo' aca qoderecse quiyim shinqapega se ỹa'ic ca na'ic mashic qoỹaanot ca nashiilec, chaqai se nocachita'ta' ca ỹale chaqai aca 'aalo, chaqai se ỹa'ic ca la'at ca isecỹac sqai nague' caua leuo', chaqai se ỹa'gue' caua neuo'.

Hechos 19:26

Qalaxam qamiri mashic huañiỹa chaqai 'xaichigui queso ỹale, leenaxat Pablo. So'maxare ỹa'xatetac quiyim mesqai qota'a na chaqai qom lo'ueenatec nashiilec. Ca 'xoic na qom huelec so'maxare, chaqai mesqainaata quenajo Efeso, qai'neeta naua'que naua 'lauari quena Asia.

1 Corintios 8:1

Ca' nagui sa'xatema qamiri ca leloxoỹaxac ca na'ic mashic qanqouagaxainlec quiyim qoỹaanot ca nashiilec nqolac. 'Nesa ma' llic quiyim qomá'ogue sa'deenqachigui dajo, qam da qara'deenaxanaxa tai'a nqai'ne' qomi' da nque'guenataxanaxac. Qaidaata da ne'xorenataxanaxa ỹo'uet da qarañaqtaxac.

1 Corintios 8:10

Saloqojnaxana qami' quiyim ỹaatqajam 'yiiñite' dajo, ca no'm nqa'xañiriñi qui'i' quecá'maq hua'ñi ñaqai qaimaqachintac ca nashiilec nqolac, ca no'm 'ue ca qarqaỹa iuaneta'a qami' quená'maq saqa' ra'ñi da lpi'ỹaxac, ca' nahi ỹa'ñaxachigui lauel qui'ỹapogo queca na'ic mashic qoỹaanot ca nqolac.

1 Corintios 8:11

Ca' chaqaica quiyim mashic 'ue ca ra'yiinqui' chicqochigui quiyim na'laañi nqai'ñi' ca rqaỹa'e' saqa' ra'ñi ca lpi'ỹaxac quená'maq mashic ileualec qai'neeta so Cristo.

Gálatas 4:8

Quesom na' saqa' huañiỹapega ñi qota'a, ca' qamiri icoñiiteguese' ná'maq se re'xogui qanqouagaxaintacot, qam mese qota'olqaipi.

Efesios 4:6

'oonoqui' ñi qota'a ñí'maq leta'a ná'ogue. Ñi'maxare ỹomatalec ná'ogue najo, chaqai ro'ueenataxantapouguilo qomá'ogue, chaqai qomá'ogue ỹalequetauguilo.

Deuteronomio 6:4

Ñaq na'xaỹaxañii, qamiri Israel llaalqaipi: Ñi qara'gaxala' qota'olec coqomi', ñi'maxare qaiñiita qara'gaxala', qaica ca liỹa.

1 Timoteo 1:17

Ca vichiguiño' se neme quiyim semaqachinaq ñi qota'olec ñí'maq qarashi qaica lqodoc, ñí'maq tot ileu, chaqai se qaiuana, chaqai qaica 'nejem, chaqai 'deenaxanqachaqaic. Ajá'a, ca' chaqaida 'neeta dajo.

1 Timoteo 2:5

Ma' 'oonoqui' ñi qota'a, chaqai 'ue so 'oonoqui' qom ishit quiyim nemanachite'tot nqai'en na qomyipi ñi'maxare. So'maxare leenaxat Jesucristo.