1 Corintios 8:3 - La'qaatqa ñi qota'olec Qota'olec & Qota'olec Novita Na Qomyipi

³ Qam cá'maq nqo'ta ñi qota'a, ca' ñi qota'a ỹa'deenta ca'maxare.

1 Corintios 8:3 Iomraidhean Croise

1 Reyes 3:3

Ca' so Salomón ỹaatqajam nqo'ta ñi qara'gaxala', chaqai ỹaatqajam quejlec na laqataxaquipi so leta'a David, chaqai chaqaiso só'maq ỹo'ueetetac ana lachitaxanataxanqate ỹavigaxatetac hua'ñi yi 'laua qoỹoqoshi'megue qouagaxainqa'.

Salmos 1:6

Ma' ñi qara'gaxala' qota'olec netela'a da llicyaxac na 'maxataxaraiquipi, qam da llicyaxac na hualoxonyipi taata'a quiyim na'laañi.

Jeremías 1:5

Na' saqa' saanem qami' da nachaalataxaqui', ca ica'acsec qami'; na' saqa' ne'qa'iriñi, chaqa'ma' soỹootec aqami'; sahotaque qami' itaxaỹaxanqajnec quená'ogue na ỹoreta'oguit qomyipi.

Amós 3:2

Qaqamita qamiri ñca'au'alo quená'ogue na qomyipi quena 'laua. Vichiguiño' sa'ue da nouaxanaxashichii quená'ogue ná'maq 'viichitac se no'uen.

Mateo 7:23

Qam ỹim shinac ma'le caqamiri: “Ỹaatqajam qaica ma' seuanapegalo quet qamiri. Nqo'ñiiuec caỹim, ma' qamiri 'viichitaco' quen na se no'uen.”

Juan 10:14

Ỹim ná'maq ỹim no'uen qagreta lo'o. Ca' chaqaida dá'maq 'neeta quiyim iuañiua' ñi ita'a, chaqai aỹim seuana ñi'maxare, ca' chaqaida 'nejem quiyim ỹim sa'deenta ana ilo qagretaipi, chaqai ana'maxare ya'deenta. Chaqai aỹim saanougui da ñachaalataxac aná'maq qagretaipi.

Juan 21:17

Ca lotqai liỹa renataxan, 'naaco': —Qami' Shimoñi', qami' llaalec so Jonás, ¿rqo'chiriua'? Ca ỹaatqajam 'ue da lachicoxo so Pedro, ma' mashic tres qainat quiyim nqo'ta so'maxare. Ca 'naaco': —Qami' ỹa'gaxala', qami' ná'ogue 'yiiñi'. Qami' 'yiiñi' quiyim yqo'chiraxaua'. Ca' so Jesús 'naaco': —Cha'regue cochi'ta ana iloipi qagretaipi.

Romanos 11:2

Ma' ñi qota'olec shi'gue lca'acsec na Israel laseripi quiyim lalamaxat. Ca' nagui se liỹoqa'piguit. ¿Sqa 'yiiñiỹo' qamiri dá'maq 'nerac naua naneresañi la'qaatqa ñi qota'a? Dá'maq 'neeto' na'le so qota'a letaxaỹaxanqajnec leenaxat Elías na' nqouagaxainot ñi'maxare, ca' 'ue na imaxalec so Israel laseripi, 'naaco':

1 Corintios 13:12

Ca' chaqaida 'nejem nagui 'ue ná'maq seuanaxa, qam napalalec 'ec aca na'ỹoxolate quiyim i'telqatalec. Qam ma' ỹovita ca na'xa'a, ca seuanaxa ỹaatqajam ná'ogue re'qojlec. Ca' nagui saqa' nalogoñi dá'maq sa'den, qam ma'le ma' ỹaatqajam ná'ogue sa'deenta, 'nejem quiñi qota'a ỹa'den aỹim.

1 Corintios 2:9

Qalaxam taachigui dá'maq naneretañi na'qaatec, 'naac: Ñi qota'a ỹa'maxatetañi quiyim ỹaanem ná'maq nqo'ta ñi'maxare, quená'maq qaica ca iuana chaqai 'xaỹa, chaqai vire'ta se ỹa'deentapega.

Gálatas 4:9

Qam nagui mashic huañiỹa ñi qota'a, qam paguec la'maxa quiyim qohinac, ñi qota'a mashic ỹauanalo qamiri, ca ¿negue' quet cá'maq 'neeta quiyim lotqai pillii'ogalo quet naua napaxaguinataxanaxaco qaica ca lquesaxanqa', chaqai qaica ca 'netegue quiyim lotqai liỹa 'guiñiỹoto quiyim liỹa qamiri loiquenatqa?

2 Timoteo 2:19

Qam ñi qota'a mashic ỹa'yiñi só'maq 'eco' no'xonaxanaxala' queda lo'ueenataxanaxac, ca' qaica ca idaxan. Ca' so'maxare naneretalec so nerec, 'neetasa': “Ñi qara'gaxala' ỹa'deenta ná'maq mashic lalamaxat”; chaqai: “Ná'ogue ná'maq ỹodootac da leenaxat so Cristo ỹaatqajam ca'e ná'ogue na se no'uen.”

Santiago 1:12

Chalego loyac ca qom quiyim 'ue da leualaxavic quena' na'ñaxachiguit ca ne'guenaxac. Ma' ma' ca'laxatauec da ne'guenaxac, ca icoñiguit ca nishiue' 'ec nado'inñi nqohin, da nca'laxa dá'maq shi'gue ỹachaxantac ñi qota'a quená'maq nqo'ta ñi'maxare.

Santiago 2:5

Qamiri ñauochaxaua' ỹaqaỹa', ñaq na'xaỹaxañiỹa da ỹa'qaatec: Ñi qota'a lca'acsec na 'xoraic qomyipi quená'maq hueetalec na 'laua, ma' ỹahotaque quiyim 'ec nesallaxanec queda lpi'ỹaxac chaqai quiyim ỹalecau'a icoñiguit cá'maq ñaqa naataho lo'ueenataxanaxac ỹachaxantapeguem ná'maq nqo'ta ñi'maxare.

1 Pedro 1:8

Ma' qamiri 'xoriñii so Jesucristo, 'eno'm sqai huañiỹa; chaqai quiyim viilec so'maxare nagui quiyim sqai huañiỹa, ca' ỹaatqajam chalego da netoonaxaguii chaqai da lemaqachic, ca da'maxare se ishit qaichoxochichigui,

1 Juan 4:19

Qomi' se'xorenaq ñi qota'a, ma' ñi'maxare 'au qare'xoren.

1 Juan 4:7

Qamiri ỹaqaỹa', no'uen quiyim ñi'xoresenaqta', ma' da ne'xorenataxanaxa chicqo'ot ñi qota'a. Ná'ogue ná'maq 'ue ca le'xorenataxanaxa ỹaatqajam llaalec ñi qota'a, chaqai iuana ñi'maxare.

Apocalipsis 2:13

Ỹim sa'den ná'ogue ná'maq 'viichi'sac, chaqai sa'den quiyim lliquisaugui ná'maq qomyipi qoỹoiquentac queso na'ỹaapec. Qam qaiyiita ỹaatqajam qui'terelec aỹim, sqai 'xañiriñi quiyim vi'relec aỹim, vire'ta quesaua na'xata' na' qaỹachigoxotetouguilo qamiri so qamaxaraic itaxaỹaxanqajnec Antipas quiyim qaỹalauat, quená'maq hueete'e so na'ỹaapec.

Apocalipsis 2:19

Ỹim sa'den ná'ogue ná'maq 'viichi'sac; sa'den da re'xorenataxanaxa'e', da rpi'ỹaxaqui', da ro'ueenataxanaxaqui', chaqai da reualaxaviqui'. Chaqai sa'den quiyim nagui paguec da ro'ueenataxanaxaqui' quecá'maq ñaqai 'avichiguiñi.

Apocalipsis 2:9

Ỹim sa'den ná'ogue ná'maq 'viichisac. Seuana dá'maq ne'guenaxaqui' chaqai da re'xoriqui', 'eno'm ỹaatqajam llic qami' nesallaxanec. Chaqai sa'den ná'maq se no'uen na'qaatqaipi qohinac caqami' quená'maq 'naac judío laseripi, qam sqai llic. Ta'ta'a quiyim loiquenatqaipi so na'ỹaapec.