Biblia Todo Logo
Bìoball air-loidhne

- Sanasan -




1 Corintios 8:13 - La'qaatqa ñi qota'olec Qota'olec & Qota'olec Novita Na Qomyipi

13 Vichiguiño' no'm aỹim chicqochigui quiyim ca ỹaqaỹa 'ue ca lasauaxaset sauaxat ca na'ic quiyim sa'ic, 'maxaraic quiyim tot sa'ic ca la'at, qaiyi qaica ca 'ue ca lasauaxaset.

Faic an caibideil Dèan lethbhreac




1 Corintios 8:13
14 Iomraidhean Croise  

Qam qaiyi qaica ca ỹo'uet ca qarasauaxaset, ca' quirepegue' aso huaaxai, ca' naqairiñi na roqoinaxanaxachi'. Ca cá'maq 'auaxaic roqoiñicshiqui' nallin, ca' hueetaugui ma'le na lap aca chiróla. Ca aca'maxare nalootañi quiyim shiuetenaxañita caqami' chaqai caỹim. Ca do'iro, ca shiuetenaxañi'.


Chaqaidaata quiyim sauqo' aca qoderecse quiyim shinqapega se ỹa'ic ca na'ic mashic qoỹaanot ca nashiilec, chaqai se nocachita'ta' ca ỹale chaqai aca 'aalo, chaqai se ỹa'ic ca la'at ca isecỹac sqai nague' caua leuo', chaqai se ỹa'gue' caua neuo'.


Ca vichiguiño' nagui, ca' totqai qolqateguelec ca qarpi'ỹaxaua. Ta'ta'a quiyim qamiri daañiỹaque ca la'maqa' quiyim qaica quet cá'maq ỹo'uet quiyim 'ue quet ca ỹo'ma'guit ca lpi'ỹaxaua loqo'm chicqochigui ca lasauaxaset.


'Maxaraic quiyim se qaỹa'ic ca la'at, chaqai quiyim se qani'chigui ca lataxa, chaqai quiyim sqaica ca qaỹo'uet quiyim huaañi ca qarpi'ỹaxaua, loqo'm chicqochigui ca lasauaxaset, loqo'm quiyim ra'lliiñi nqohin ca lpi'ỹaxac.


Mesqai viitaque quiyim 'ue ca huaañi nqai'ñii quena judío laseripi, loqo'm ca sqai judío le'ec, loqo'm quena mashic icoñiguit da la'qaatec ñi qota'a.


Ỹim ma' quiyim chaqaỹim sahotaque quiyim ná'ogue ỹa'maxarenta quecá'maq so'uet, ma' se semitetaque ca chi ỹa'maxa, ta'ta'a ca la'maxa ca liỹa, sha'apiguito' quiyim 'ue ca nca'leuec.


Se ỹo'uet ca layiloxo ca liỹa, chaqai se imitetaque ca chi la'maxa. Chaqai se ro'o, chaqai sqai caapeguem ca qohine'tegue.


Ỹaatqajam llic da na'qaatec 'naac: “Quiñi 'óna se qaỹollapeguem quiyim ỹoiquentac cá'maq shim ỹo'uet”, qam mesqai ná'ogue no'uenaxat ca qom. Ajá'a, llic quiyim se qaỹollapeguem ca 'óna quiyim ỹoiquentac cá'maq ỹo'uet, qam quiyim ca qom mesqai ỹaxane'tegue quiyim chi ncoñiralta' quecá'maq ỹo'uet.


Ma' quiyim quená'maq liỹaripi 'neete'm qomi', ca' qamiri shivichiñii da lo'ueenataxanaxac, ca' ¿huose'queto' quiyim se ỹapacauec quiyim qarishivichiñii qomi'? Qam qomi' se seshitaq quiyim souenaq dajo quiyim qomi' 'ue ca shinqac. Chaqaidaata qomi' ña'ñaxataxaguit ná'ogue nanchaqaina, qaiyi qaica ca ỹanaxat dá'maq na'qaataxanaxac dá'maq na'qaataxac queso Cristo.


Ma' no'm 'ue cá'maq ra'lliiñi, 'ec aỹim ná'maq sa'lliita. Chaqai no'm 'ue ca huaañi nqohin, ca' ỹim 'ue i'xoric queda ỹayiloxo, chaqai 'ue da iuel.


Ca qaica quet cá'maq sahoqotaque quiyim 'ue quet ca 'ue ca ỹa'paxat, qaiyi qaica cá'maq se no'uen qaỹa'xat queda qaro'ueenataxanaxac.


Lean sinn:

Sanasan


Sanasan