1 Corintios 8:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca no'm qamiri sauaxachii ca rqaỹahi saqa' ra'ñi ca lpi'ỹaxac, ca pa'aiuo 'ue ca rasauaxashichii queso Cristo.

1 Corintios 8:12 Iomraidhean Croise

Génesis 20:9

Co'na' ime, ca' so nashi Abimelec roỹaxane'oga so Abraham. Ca 'naaco': —¡'Ajñi' dá'maq 'ñiteteguelo qomi'! ¿Negue' cá'maq se ỹa'maxañi shine'tegue qami', quiyim taalec nqai'ñi' aỹim chaqai ná'ogue na ñalliripi da chalego lecaic nasauaxaset?

Génesis 42:22

Ca' so Rubén 'naaco' quesaua'maxare: —Ỹim shinac na'le quiyim qaica ca 'ñii'tegue ca qarqaỹooqui', qam se na'xaỹaxañiua'. Vire'to' nagui, ca taalgoto qomi' da lelauaxa ca'maxare.

Éxodo 16:8

Ca' so Moisés liỹa 'naac: —Ma' lavit ñi qara'gaxala' ỹa'ue ca qanoxohi la'at, ca' quiyi nete'eta, ca' ỹaanema qamiri ca 'xoic pan. Ma' ñi'maxare 'qaatapegalo qamiri na' se no'uen da 'xachitac quiñi'maxare. Ma' ¿negue' queto' qomi'? Qamiri sqai qarenaxaitac, ma' naxaitac ñi qara'gaxala'.

Éxodo 32:21

Ime, ca 'naaco' queso Aarón: —¿Nega'ỹo' cá'maq 'ne'tegue qami' najo qomyipi? ¿Chi'neco' ma' ỹo'uet nqai'ñi' da chalego lecaic lasauaxaset?

Mateo 18:10

Mesqaica ca liỹoxoỹa'piguit quená'maq 'ec sqaica ca lemaqachic. Ma' ỹim shinac caqamiri queda piguim ná'maq neloxoỹaripi quena'maxare ỹoviretacot naua'que naua na'xata' ñi ita'a qota'olec neeta'gue da piguim.

Mateo 18:21

Ca' so Pedro quepegue' so Jesús, ca' inat: —Qami' ỹa'gaxala', ¿ỹote' quet, ca' lqodoc quiyim ỹo'uet ca se ỹa'maxañi ca ỹaqaỹa, quiyim sqa shicapeguem sietolqai'?

Mateo 18:6

Ca' canchaqaica quiyim ỹo'uet ca chicqochigui ca lasauaxaset ca 'óna quená'maq 'ec qaica ca lemaqachic huelec aỹim, ca' paguec la'maxa queca'maxare quiyim qainaxañigui na lavinñi aca huaaxai, qaicoñireto'ot na lqosot ca qa' lodegaxat nopoxoiqataxanaxat.

Mateo 25:40

Ca cá'maq nashi 'naac ma'le quesaua'maxare: “Ỹaatqajam llic da shinac caqamiri, quená'ogue ná'maq 'ñii'tegue quena ỹaqaỹaripioqui' 'ec qaica ca 'negue, ca' dajo 'ñii'tegue caỹim.”

Mateo 25:45

Ca' ca nashi 'naac ma'le: “Ỹaatqajam llic da shinac caqamiri, quená'ogue ná'maq sqo 'viichii quena qomyipi quená'maq 'ec sqaica ca 'negue, qai'neeta caỹim sqo 'viichii.”

Marcos 9:42

Canchaqaica quiyim chicqochigui quiyim 'ue ca lasauaxaset quenaua collo'olqai' quiyim mashic huerelec aỹim, ca paguec la'maxa quiyim qainaxañigui aca huaaxai, qaicoñireto'ot na lqosot ca qa' lodegaxat nopoxoiqataxanaxat.

Lucas 17:2

Ca no'm 'ue ca sham chicqochigui ca lasauaxaset ca 'óna quenajo collo'olqaipioqui', ca'maxare paguec la'maxa quiyim qaicoñira'gue na lqosot ca qa' lodegaxat nopoxoiqataxanaxat, ime, ca' qainaxañigui aca huaaxai.

Romanos 14:20

'Neeto' na'laañi nqai'ñi' dá'maq lo'ueenataxanaxac ñi qota'a sauaxat cá'maq 'qui'. Llic ma' ná'ogue ná'maq na'ic co'teeta, qam dá'maq se no'uen quiyim 'ue ca qaỹa'ic, ca' chicqochigui quiyim 'ue ca lasauaxaset ca liỹa.

1 Corintios 12:12

Ma' so Cristo 'nejem ca 'oonoqui' noshicmaxa, qam 'xoic na louenqaipi. Ca 'eno'm 'xoic, qam inoqueta'ta' queso 'oonoqui' noshicmaxa.

1 Samuel 2:25

Qamiri 'yiiñita quiyim no'm 'ue ca qom nasauaxate'e' ca liỹa, ca' ñi qara'gaxala' 'ue ca qoshiilec. Qam ca qom quiyim chaqaiñi ñi qota'olec hueeto'ot ca lasauaxaset, ca ¿negue' cá'maq qoshiilec ca'maxare? Qam saua'maxare se na'xaỹaxanta dá'maq 'naac so leta'a, ma' ñi qara'gaxala' chaqai 'negue, ma' ỹahotaque naqat da nachaalataxague' saua'maxare.

1 Samuel 24:11

Ca' nagui, qami' qarashi, ñaqai 'ajñite' na llo'qoota'a: Najo lahi ana qapooto'e' ñichaxauec. Ca' shi'gue quet salauachi'. Ca vichiguiño' nagui, ca 'yiiñite' quiyim aỹim se sahotaque sa'ue ca shine'tegue qami', se spa'guiñi'sac chaqai se ñapaquiraxalec. Qam qami' yocañi'sac, vi'saque yalauachi'.