1 Corintios 8:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Saloqojnaxana qami' quiyim ỹaatqajam 'yiiñite' dajo, ca no'm nqa'xañiriñi qui'i' quecá'maq hua'ñi ñaqai qaimaqachintac ca nashiilec nqolac, ca no'm 'ue ca qarqaỹa iuaneta'a qami' quená'maq saqa' ra'ñi da lpi'ỹaxac, ca' nahi ỹa'ñaxachigui lauel qui'ỹapogo queca na'ic mashic qoỹaanot ca nqolac.

1 Corintios 8:10 Iomraidhean Croise

Amós 2:8

Na'maxare ipiguinñi na ỹoqa'a nooỹac nillicseripi, ca' nenanlec, ỹalequetau'a na nqui'ỹaxaquipi quena' qaimaqachin na nashiilec nqolaquipi; rishiuetenaxana quena lataxa ana lam lachoxonataxanqate, ca' ne'et quena lataxa quenaua lauooto' na lashiilqaipi nqolaquipi.

Hechos 15:20

Chaqaidaata quiyim sauqo' aca qoderecse quiyim shinqapega se ỹa'ic ca na'ic mashic qoỹaanot ca nashiilec, chaqai se nocachita'ta' ca ỹale chaqai aca 'aalo, chaqai se ỹa'ic ca la'at ca isecỹac sqai nague' caua leuo', chaqai se ỹa'gue' caua neuo'.

Romanos 14:14

Ma' ỹim sa'deenta quiyim qaica quet cá'maq chi nanoiquentac se no'uen. Ca' dajo ỹaatqajam se'taxachichiguiñi quiyim lliqueta, ma' ỹim seuelec so qara'gaxala' Jesús. Qam no'm 'ue ca hueetapigui lauel quiyim 'ue ca se no'uen, ca' se no'uen, qam queca'maxare.

Romanos 14:23

Qam cá'maq sqai quelec lauel cá'maq ỹa'queetac, ca chi nasauaxateteguelta' quiyim ỹa'ic, ma' sqai quiichigui nqai'en da lpi'ỹaxac. Ma' ná'ogue ná'maq sqai quiichigui nqohin da npi'ỹaxac, ca' nasauaxaset.

1 Corintios 10:32

Mesqai viitaque quiyim 'ue ca huaañi nqai'ñii quena judío laseripi, loqo'm ca sqai judío le'ec, loqo'm quena mashic icoñiguit da la'qaatec ñi qota'a.

1 Corintios 8:4

Vichiguiño' quecá'maq na'ic quiyim mashic qanqouagaxainlec quiyim qoỹaanot ca nashiilec nqolac, llic ma' ca nqolac ỹaatqajam qaica ca 'negue quena 'laua, ma' 'oonoqui' ñi qota'olec, qaica ca liỹa.

1 Corintios 8:7

Qalaxam sqai ná'ogue ỹa'den dajo. Ma' ñaqa 'ue na naỹa'gue quiyim nqouagaxaintacot na nashiilec nqolac, ca' ñaqai queetalec nagui quena' 'ue na ỹa'ic najo na'ic, 'ec 'nejem nqai'en ca mashic qoỹaanot ca nqolac. Ca quedá'maq la'deenataxanaxac quiyim saqa' ra'ñi, ca se no'ueenaxat.

1 Corintios 8:9

Qalaxam telqataxañiỹo' quedá'maq 'ñiitari', quiyim qamiri a'guii canchaqaica na'ic, 'neeto' lotqai chicqochigui ca lasauaxaset nqai'ñii cá'maq saqa' ra'ñi da lpi'ỹaxac.