1 Corintios 7:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Qam quená'maq saqa' 'on, sqaica ca hueetaỹot ỹaatqajam lelaataxanaxac so qara'gaxala'. Qam sa'xat dá'maq hueetapigui iuel, ma' shintari' ca mashic qaipi'ỹa'a chicqochigui da le'xorenataxanaxa so qara'gaxala'.

1 Corintios 7:25 Iomraidhean Croise

1 Corintios 15:10

Qam sovira'a dá'maq shintari' nagui, ma' ñi qota'olec 'uo' da lqouagaxa caỹim, ca dá'maq lqouagaxa caỹim se ishit quiyim qaica quet ca ñigui. Ma' ỹim ỹapacauec da ỹo'ueenataxanaxac quesá'ogue so liỹa nelaatqaipi, 'eno'm mesqaỹim, qam chaqaiñi ñí'maq qota'olec quedá'maq chi lqouagaxa, ca' ro'ueenataxantapigui aỹim.

1 Corintios 4:2

Ca quiyim cá'maq 'ue ca qaipataxalec, no'uen quiyim ỹaatqajam nepeet quecá'maq icoñiguit.

1 Corintios 7:10

Qam quená'maq mashic shi'gue 'on, saqata quiyim aca 'aalo se ỹalat ca loua. Dajo ỹaqataxac mesqai ỹalamaxaret, da'maxare ỹaatqajam lelaataxanaxac so qara'gaxala'.

1 Corintios 7:12

Ca' quena liỹaripi shinapega, qam chaqaỹim shinac, ma' dajo sqai 'naac so qara'gaxala': No'm 'ue ca qarqaỹa 'ue aca loua saqa' icoñiguit da na'qaatec, qam aca'maxare ỹa'maxarenta quiyim reloqota'guit ca'maxare, ca cá'maq ỹale se ishit ỹalat aca loua.

1 Corintios 7:28

Qam no'm o'ñi', qaica ca rasauaxashichi'. Chaqai qai'neeta aca nequetegaxai no'm 'on, qaica ca lasauaxaset. Qam ca mashic 'on, ca 'xoic ma'le nanchaqaina ỹovira'a da nachaalataxac, ca' 'eda dá'maq sahotaque quiyim se ỹovira'a.

1 Corintios 7:34

Chaqai qai'neeta aca 'aalo mashic 'ue ca loua mesqai 'nejem aca qaica ca loua. Ma' cá'maq qaica ca loua ỹaatqajam ỹalamqajlec quelec so qara'gaxala', ma' ỹahotaque nomatalta' ỹaanot ñi qota'a da no'ueenataxac. Qam acá'maq mashic 'on ỹaatqajam imelec na no'ueenatqaipi huelecna, ma' ỹahotaque ỹa'maqachigui lauel ca loua.

1 Corintios 7:40

Qam aca'maxare paguec la'maxa queta' tot liỹa 'on. 'Eda dá'maq ỹa'deenataxanaxac, chaqai seuelec quiyim aỹim qai'neeta hueetaỹot ca Espíritu chicqo'ot ñi qota'olec.

1 Corintios 7:6

Dá'ogue dá'maq sa'xatetac caqamiri, da'maxare 'eco' chaqai ỹilnataxanaxac, da'maxare mesqai ỹaatqajam nelaataxanaxac.

2 Corintios 11:17

Sa'xatetac dajo, qam se qailarilec queso qara'gaxala'. Ta'ta'a quiyim 'ec ỹim hualoxonaq, qam dajo taỹaugui quiyim ñimaqajan.

2 Corintios 2:17

Qam qomi' mesqai 'ec semeenqata'pe naua la'qaatqa ñi qota'a, chaqai mesqai shinqata na liỹa ma' 'xoic na ỹashaxandec yaua na'qaatqa. Ta'ta'a quiyim qaraqamqata queda sa'xatqatac, ca ỹa'deente' qomi' ñi qota'a, ma' qomi' lelaatqa ñi'maxare quiyim so'ueenataxanqot so Cristo.