1 Corintios 7:22 - La'qaatqa ñi qota'olec Qota'olec & Qota'olec Novita Na Qomyipi

²² Ma' cá'maq na'aco' na' qaroỹaxana quiyim huelec so qara'gaxala', ca' nagui ca ỹale qaỹosootec quiyim queetalec so'maxare. Ca chaqai 'nejem cá'maq se na'ac na' qaroỹaxana, ca nagui lotqai na'ac queso Cristo.

1 Corintios 7:22 Iomraidhean Croise

Romanos 1:1

Aỹim Pablo, ỹim la'ac so Jesucristo. Ñi qota'olec roỹaxañiua' chaqai yoỹootec quiyim ỹauaaque aỹim lelaatec, qaiyi sa'xat da la'qaatec chicqaugui da nca'laxa.

1 Corintios 7:21

No'm qami' na'ac na' qaroỹaxañiraxaua', qaica huapigui qavilli'. Qam no'm shichi' quiyim qaỹosootec qami', no'uen quiyim nquipichirec.

1 Corintios 9:19

Ma' ỹim qaica quet cá'maq aỹim lelaatec, qalaxam chi so'uet quiyim ná'ogue lelaatec aỹim, ma' sahotaque quiyim 'xoic ca qom huelec so Cristo.

1 Corintios 9:21

Chaqai da liỹa ma' sahotaque quiyim ñauec ná'maq sqai queeta'pegue' da naqataxaquipi chicqo'ot so Moisés, ca' ỹim 'ec shinta malam na'maxare. Llic ma' ỹim shiqueta'pegue' da llicyaxac na laqataxaquipi ñi qota'a, ma' ỹim mashic shiqueta'pegue' na laqataxaquipi so Cristo.

Gálatas 1:10

Ca quena' shinac dajo, ca ¿peeta'a chi sahotaque ỹa'maxarenta ỹim na qomyipi, loqo'm ñi qota'a? Loqo'm ¿sahotaque yiuojonta na qomyipi? Ma' quet ñaq sahotaque quiyim ỹa'maxarenta ỹim na qomyipi, ca sqaỹim lelaatec so Cristo.

Gálatas 5:1

So Cristo ỹosou'alo qomi', qaiyi qaica ca qarquepaxat. Ca' na'ñaxachii quiyim quiitalec quiyim qaica ca rquepaxachii, ca tot liỹa pilliu'a quiyim qamiri quet na'aqa.

Gálatas 5:13

Ma' qamiri ỹaqaỹa' na' qaroỹaxanalo qamiri, qam ỹaatqajam qaỹahotaque qarosohiuec. Ta'to'o' no'm se nquipichilec dá'maq quiyim mashic qaỹosoorec qamiri, no'm pacqajñiỹauec quiyim quiita'pegue' da chi no'ueenataxac na qom. Ta'to'o' quiyim npa'xañii quiyim quiñi 'óna la'ac ca liỹa quedá'maq 'ñiitari' quiyim ne'xoriñiỹata'.

Colosenses 4:12

Ilatalo qamiri da liquinaxanaxac ñi Epafras. Ñi'maxare qai'neeta lelaatec so Jesucristo, chaqai qai'neeta chicqotouguilo qamiri na'le. Ñi'maxare ỹaatqajam se neme nqouagaxainteguelgoto quen qamiri, qaiyi qaica ca se no'uen ra'deenataxanaxaguii. Ta'ta'a quiyim ỹaatqajam nañaañita quiyim 'viichii cá'maq ỹahotaque ñi qota'a.

Filemón 1:16

Qam totqai 'neetari' ca ra'aqui', ta'ta'a quiyim paguec loyac queca na'ac, ta'ta'a quiyim nauochaxaua'e' rqaỹa'e'. Ỹim ỹaatqajam ỹoqo'itaxat, qam qami' paguec quet rqo'chita. Mesqaidaata quiyim 'neetari' ca ỹale, ta'ta'a quiyim 'neetari' ca rqaỹa'e' rpi'ỹaxaua'e' queso qara'gaxala'.

1 Pedro 2:16

'Ñiitari' ca qom quiyim chi nanoiquentac, qam sqai 'ñiitari' ca nanoiquentac quiyim ỹo'uet ca se no'uen. Ta'ta'a quiyim 'ñiitari' caua ỹaatqajam la'aqa ñi qota'a.

2 Pedro 1:1

Aỹim ỹeenaxat Simón Pedro, ỹim la'ac chaqai aỹim lelaatec so Jesucristo. Shiriñi ana ilaata tai'alo nqaishine' qamiri quiyim mashic viriỹau'a dá'maq chalego loyac rpi'ỹaxaguii 'nejem dá'maq npi'ỹaxac hueeto'oto qomi', ma' so qota'olec Jesucristo, só'maq qarca'laxaqui, so'maxare ishit ỹo'uet ca ỹa'maqachiguiñi.

Judas 1:1

Ỹim Judas, ỹim la'ac so Jesucristo, chaqai ỹaqaỹa so Jacobo. Shiriñi anajo ilaata quená'maq loỹaxanqateripi chaqai ỹoỹoote'oga ñi qota'olec quiyim ỹauaaque lalamaxareteripi, ná'maq qaicochiitapega ma' na'deetau'a so Jesucristo.