1 Corintios 7:21 - La'qaatqa ñi qota'olec Qota'olec & Qota'olec Novita Na Qomyipi

²¹ No'm qami' na'ac na' qaroỹaxañiraxaua', qaica huapigui qavilli'. Qam no'm shichi' quiyim qaỹosootec qami', no'uen quiyim nquipichirec.

1 Corintios 7:21 Iomraidhean Croise

Lucas 12:29

Ca' vichiguiño' mesqai 'xoic ca rachitachiguii, quiyim daañitaque ca qanoxohi chaqai queca ni'chiigui.

Lucas 21:34

Rovichiỹari'o', 'neeto' 'xañii'tegue ca la'ñaxac añi re'taxanatahi sauaxat ca ramaanaxanaxahi quenanchaqaina chaqai quena lataxa, chaqai ná'maq liỹa nouenqaipi quiyi na'xa'a, qaiyi cajo na'xa'a se i'laxatete' qamiri,

1 Corintios 12:13

Ma' qomi' 'eno'm qomi' judío lase', loqo'm sqai judío lase', loqo'm qomi' nelaatqa, loqo'm sqo qomi' nelaatqa, qam na' qanachilaxane' qomi', ca 'eco' qarenocau'a so 'oonoqui' noshicmaxa chicqochigui so Espíritu. Chaqai qomá'ogue 'ec qane'taxanguilo só'maq 'oonoqui' Espíritu Santo.

1 Corintios 7:20

Ca qom no'uen quiyim chaqaidaata dá'maq 'neetari' na' qaroỹaxana quiñi qota'a.

1 Corintios 7:22

Ma' cá'maq na'aco' na' qaroỹaxana quiyim huelec so qara'gaxala', ca' nagui ca ỹale qaỹosootec quiyim queetalec so'maxare. Ca chaqai 'nejem cá'maq se na'ac na' qaroỹaxana, ca nagui lotqai na'ac queso Cristo.

Gálatas 3:28

Ca' tot qaica quet cá'maq ỹoqa'a ca no'ueenataxac quena judío loqo'm quena sqai judío, loqo'm nelaatec loqo'm ca se nelaatec, loqo'm ca ỹale loqo'm aca 'aalo; ma' no'm na'yiitau'a so Cristo Jesús, ca' qamiá'ogue 'ec qamiri 'oonoqui'.

Filipenses 4:11

Mesqai shinac quiyim 'ue ca ỹouenaxanaxa, ma' sa'den quiyim ñitoonta'pegue cá'maq 'ue caỹim.

Filipenses 4:6

Chaqai qaica ca ỹachicoqochite' qamiri. Ta'ta'a quiyim ná'ogue 'ỹaañitacot ñi qota'a quena' nqouagaxaiñii. Shiilaitac, chaqai 'ỹaañitacot da na'aachiguii qai'neeta.

Colosenses 3:11

Qam dajo mesqaida quet quiyim judío le'ec ca qom loqo'm quiyim mesqai judío, loqo'm quiyim 'ue ca netanec na loshicmaxa loqo'm ca sqaica ca netanec, chaqai ca ỹoqa'a ca chicqa'gue loqo'm ca se na'maxat, loqo'm ca na'ac loqo'm se na'ac. Ma' chaqaiso so Cristo qaisoota, ca' hueetaugui ná'ogue na qomyipi.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”

1 Pedro 5:7

Chaqai ná'ogue ná'maq 'yiiñitapega 'ỹaañiỹot ñi qota'a, ma' ñi'maxare ỹaatqajam 'ue da 'neeta caqamiri.