1 Corintios 7:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ No'm 'ue ca roỹaxana ñi qota'a quená'maq mashic 'ue na netanec quena loshicmaxa, ca' chaqaida 'neetari'. Chaqai no'm roỹaxana ca saqa'leca ca netanec na loshicmaxa, ca no'uen quiyim chaqaida 'neetari', se ỹa'ue ca netanec na loshicmaxa.

1 Corintios 7:18 Iomraidhean Croise

Hechos 15:19

Vichiguiño' ỹim shinac se ỹa'maxañi quiyim sqai saxanqac na mesqai judío chaqai quiyim mashic ỹaxañiñi naua 'auaxaqa lpi'ỹaxaco, ma' mashic quelec ñi qota'a.

Hechos 15:24

Chaqai qomi' sa'deenaq quiyim 'vio' caua qomi' chicqora'ñi najo, qam qomi' se qarelaatqa. Ca se rayaxañiỹac, ca se ỹaqamaxate' qamiri quenaua la'qaatqa quiyim 'nerac quiyim 'viichii ca netanec na roshicmaxahi, ca' quiilec na naqataxaquipi chicqochigui so Moisés.

Hechos 15:28

Ma' 'eco' 'maxaraic queso Espíritu Santo chaqai coqomi' quiyim qaica ca resalli senaxasoxolec qamiri, chaqaidaata dá'maq viñii quiyim 'yiiñii:

Hechos 15:5

Qam 'vio' saua dalaxaiqa qarqaỹa' naneresaugui na leenaxat fariseo. Ca nachaachiñi, ca 'neraco': —Na mashic ỹacoñiguit da na'qaatec quená'maq sqai judío ỹouen quiyim qaỹa'ue na netanec na loshicmaxa chaqai qui'ñigui na naqataxaquipi chicqochigui nqohin na'le so Moisés.

Hechos 21:21

Chaqai 'uo' da la'xaỹaxac quiyim qami' paxaguiñisac ná'ogue na judioipi ná'maq neetaugui na sqai judioipi quiyim se na'xaỹaxana na naqataxaquipi chicqo'ot nqohin so Moisés, chaqai 'ñirapego' quiyim se ỹa'ue ca netanec na loshicmaxa na llaalqaipi, chaqai ỹaxañiñi naua chi qano'ueenataxaco.

Colosenses 3:11

Qam dajo mesqaida quet quiyim judío le'ec ca qom loqo'm quiyim mesqai judío, loqo'm quiyim 'ue ca netanec na loshicmaxa loqo'm ca sqaica ca netanec, chaqai ca ỹoqa'a ca chicqa'gue loqo'm ca se na'maxat, loqo'm ca na'ac loqo'm se na'ac. Ma' chaqaiso so Cristo qaisoota, ca' hueetaugui ná'ogue na qomyipi.