1 Corintios 6:9 - La'qaatqa ñi qota'olec Qota'olec & Qota'olec Novita Na Qomyipi

^9-10 ¿Sqa 'yiiñio' qamiri dajo, ma' queca ỹo'ueetetac ca se ỹa'maxañi queca liỹa, ca se ishit inoxonou'a ca ñaq naataho lo'ueenataxanaxac ñi qota'a? 'Neeto' lotqai quiita'uegue ca nayinaxaguii, ma' se ishit inoxonou'a ma'le da lo'ueenataxanaxac ñi qota'a ná'maq ñaqai queetalec da nedequenaxac, chaqai na ñaq nqouagaxaintacot ca nashiilec, chaqai na lapaatapi'ñi' aca se loua, chaqai ca hueeta'piguit ca nallishiua, chaqai na cuataxaiquipi, chaqai namataxalaic, ne'taaxai, la'axaqa lo'o', chaqai ỹayin ca liỹa quiyim naqat aca lam.

1 Corintios 6:9 Iomraidhean Croise

Génesis 19:5

ỹaualqatapega'a so Lot, 'neraco' quen: —¿Negue' ca hueesa'gue caua ỹale' novirera'a na ra'aachi' quena pe? Nenoxonaxachirec, sahoqotaque qarapa'anto.

Éxodo 23:1

Sqai 'xachi' cá'maq chi na'qaataxanaxac quiyim sqai llic, chaqai sqai qoshi'relec cá'maq ỹo'uet cá'maq se no'uen.

Ezequiel 18:11

quiyim só'maq leta'a se ỹauanapega ỹo'uet, dá'maq quiyim nalecqajno queca nqui'ỹaxaquipi quena' qaỹo'uet quenaua quemaralgoto quiyim qaimaqachin na nqolaquipi, chaqai quiyim rouootaxana'gue aca loua ca liỹa,

Levítico 19:15

Chaqai 'neeto' sqai ỹa'maqachiguiñi ca leloxoỹaxac nqai'ñi' quiyim 'ue ca vite ca nouaxanaxaset. Ta'ta'a quiyim sqai vichirelec ca 'xoraic, chaqai sqai ỹaatqajam nañaañichiguit cá'maq 'ue nqaiyi. Ta'ta'a quiyim ỹaatqajam qoshi'relec yí'maq ỹaatqajam no'uen llicyaxac yí'maq ỹa'maqachiguiñi quiyim 'ue ca 'viichi' ca nouaxanaxaset.

Zacarías 5:3

Ca na'le, ca 'naapiguiỹa': Ca' chaqaiyi hueetalec qoỹeretañi dá'maq se no'uen ỹovita nqohin yá'ogue yi 'laua. Ma' chaqaida dá'maq qoỹeretalgoto naua'que naua lahil, ca' cá'maq rocachi loqo'm ca ỹaanec ca la'qaatec nallitalta', qam se ipaguigui ca la'qaatec, ca chaqa'ma' 'ue ca nouaxanaxaset.

Mateo 19:29

Chaqai ná'ogue ná'maq no'ueenaqchichiriñi caua la'aate', loqo'm caua lqaỹa' chaqai caua lqaỹa' 'aalo, loqo'm ca leta'a, loqo'm aca late'e, loqo'm aca loua, loqo'm ca llaalqaipi, loqo'm caua na'lauari, quiyim ỹapacqajnauec quegue aỹim, ca' cien cá'maq ỹapacauec icoñiguit ma'le. Chaqai icoñiguit ma'le da nca'laxa sqaica lqodoc.

Mateo 25:34

Ca' ca nashi 'naac ma'le casó'maq pa'aata'gue da loic: “Qamiri ỹalahi quenajo, qamiri nauá'maq qanqouagueque quiñi ita'a. Coñiguit dá'maq ralamaxarichii no'ueenataxanaxac mashic ỹa'maqatañi nouetaxanatec qaỹaqatqajantari' caqamiri shi'gue na' ñaqai chita'gue qaỹo'uet na 'laua quiñi qota'olec.

Lucas 21:8

Ca' so Jesús 'naaco': —Rovichiỹari'o' ma'le, 'neeto' 'ue ca rayiñii. Ma' 'xoic ma'le ca anac, naquetaugui da ỹeenaxat, ca 'naac: “Aỹim chaqaỹim ná'maq nashi nca'laxaqui”; chaqai “Nagui ỹovita yi laloqo'.” Qam qamiri se coỹari'tegue.

Hechos 20:32

Ca' nagui qamiri ỹaqaỹa', spa'xana'guita qamiri ñi qota'olec chaqai da la'qaatec chicqochigui quiyim sa'deenaq da le'xorenataxanaxa. Ma' ñí 'ue da lquesaxanaxa quiyim ỹa'ñaxate' qamiri, chaqai ỹa'ue ca romari, lliguitaugui ná'ogue ná'maq lalamaxat ñi'maxare.

Hechos 24:25

Qam co'na' so Pablo ỹa'xat queca qom ỹalamaxateta da no'ueenataxac, chaqai queca netelalta', chaqai ca nouaxanaxaset ma'le ca sqai huelec ñi qota'a. Ca' so Félix co'na' 'xaỹa dajo, ca no'chi. Ca 'naapego' so Pablo: —Yi, mo'e' nagui, toco' ma' 'ue ca idaaqa', ca liỹo' soỹaxañiraxaua'.

Romanos 1:18

Ca' nagui qomi' ñi'pelaxanqa'a da lichic dá'maq chalego lecaic lonogoxonaxac ñi qota'a, chicqo'ot na piguim, taỹalec nqai'en ná'ogue na qomyipi quená'maq mashic ca'e ñi'maxare chaqai na hualoxonyipi. Ca ỹa'ue da nouaxanaxaset, ma' se no'uen dá'maq 'neetari', ca' chaqaida dá'maq 'em quiyim se qaỹa'den dá'maq ỹaatqajam lliqueta.

1 Corintios 15:33

Sqai 'xañiigue quiyim 'ue ca nayinaxaguii. 'Nejem da 'neeta da na'qaatec: “Ca qom se no'uen ishit na'axat ca no'uen no'ueenataxac ca liỹa.”

1 Corintios 15:50

Ca dá'maq sahotaque sa'xatema qamiri ỹaqaỹa' 'neetasa': quená'maq re'qoochigui qaroshicmaxa, ma' ileu, se ishit inoxoneu'a ca lo'ueenataxanaxac ñi qota'a ñaqa naata, ma' quená'maq 'ue lqodoc se ishit ỹalecau'a ná'maq sqaica lqodoc.

1 Corintios 3:16

¿Sqa 'yiiñio' quiyim qamiri lauo' ñi qota'a, chaqai so Espíritu Santo chicqo'ot ñi'maxare neetanguilo qamiri?

1 Corintios 5:1

Mashic shi'gue qaỹa'den quiyim 'ue ca 'óna caqamiri o'ñiguit aca la'uale late'e. Dajo no'naxac ỹaatqajam chalego la'aaxa. Ma' vire'ta ná'maq se iuanapega ñi qota'a se ishit ỹo'uet dajo.

1 Corintios 5:10

Mesqai shinac quiyim totqa lliguiỹougui ná'ogue na qomyipi quená'maq nedequenaxairipi, loqo'm quena namataxaiquipi, loqo'm ca cuataxaic, loqo'm ca nqouagaxainot ca nashiilec. Ma' no'm totqa lliguiguit na'maxare, ỹouen quiyim ỹaatqajam oquiỹa'e na 'laua.

1 Corintios 5:11

Dá'maq shinac na'le 'neetasa': Se ishit lliguita'piguit cá'maq 'naac rqaỹahi rpi'ỹaxauahi, qam queetalec da nedequenaxac, loqo'm ca namataxalaic, loqo'm ca nqouagaxainot ca nashiilec, loqo'm ca la'axaqa lo'o', loqo'm ca ne'taaxai, loqo'm ca cuataxaic. Chaqai ỹovira'a quiyim se rqui'ỹaxauahi ca qom mashic 'neetari' dajo.

1 Corintios 6:18

Ca vichiguiño' 'iichiỹapeguem da dequenaxac. Canchaqaica liỹa quená'maq nasauaxaset quiyim ỹo'uet ca qom, qam se ishit pa'aauo quena loshicmaxa. Qam ca queetalec da nedequenaxac, ca ca'maxare chi ỹasauaxat ca chi lalamaxat loshicmaxa.

1 Corintios 6:19

¿Sqa 'yiiñio' qamiri quiyim na roshicmaxahi mashic lauo' so Espíritu Santo, só'maq ỹaanema qamiri ñi qota'a, chaqai so'maxare mashic neetauguilo qamiri? Ca' qamiri se ralamaxarichii dá'maq no'ueenataxaguii,

1 Corintios 9:24

Qamiri mashic 'yiiñita quena' 'ue ca lliquinaq ná'ogue nalliquin, qam 'oonoqui' ca ỹacoñiguit ca laueguec. Ca' qamiri ỹaatqajam nalliquiñii, qaiyi coñiguit ma'le ca raviguiguii.

2 Corintios 12:21

Chaqai 'ue da itelaxa quiyim ma' liỹa sovitalo qamiri, ca' ñi qota'olec ỹo'uet quiyim ñauata'guit ca ỹayiloxo nqai'en caqamiri, chaqai quiyim 'xoic ca ñoỹenlec caqamiri quiyim shi'gom na rasauaxashichii, chaqai saqa' 'xañiñi na napio'xot da chaalataxac, chaqai da dequenaxac, chaqai quiitalec na ramaanaxanaxahi quenanchaqaina.

Gálatas 6:7

'Neeto' chi nayiñiteguelta', ma' qaica ca ishit iualaxainari' ñi qota'a. Ma' cá'maq ỹanñi ca qom, ca' chaqaica cá'maq naqat ma'le ca laỹaxac.

Colosenses 3:5

Ca' vichiguiño' qamiri ỹaatqajam 'ec ileu nqai'ñii ná'ogue ná'maq no'ueenataxaguii hueetalec na 'laua: Ca' qaica quet cá'maq hueeta'piguit quet aca se loua, chaqai sqo 'viichii cá'maq rapio'qotaxan, chaqai sqai quiita'pegue' na rqo'itaxanqachiguii chaqai quená'maq se no'uen, chaqai se qo'itaxanqachaqaqa qamiri, ma' dajo 'ec quiyim qanqouagaxainot ca nashiilec nqolac.

Hebreos 12:14

Nquipichiỹa'pegue' daañiỹaque quiyim huaguii'chiguit ná'ogue na qomyipi, ỹaatqajam co'teeta nqai'ñii da nachaalataxaguii. Ma' no'm sqaica da lco'taxa da chaalataxac, ca' qaica ca iuana ñi qara'gaxala'.

Hebreos 12:16

Chaqai caqamiri qaica quet cá'maq nocachita'piguit aca se loua, chaqai se liỹoqa'piguit cá'maq chicqo'ot ñi qota'a. Ma' chaqaido' da 'ne'tegue na'le so Esaú: ñi'chiguito' nqai'en so 'oonoqui' na'ic co'na' imen dá'maq qaỹaqatqajantari' taalec queta'le so'maxare, ma' 'auaxaic ñaalec.

Hebreos 13:4

Chaqai quiyim ná'ogue se napacalec da leloxoỹaxac ca nouaỹaxac. Quiitalec quiyim 'maxachii'tegue dá'maq 'neeta ca nouaỹaxac. Ma' ñi qota'a ỹa'ue ma'le ca nouaxanaxaset na nedequenaxaiquipi chaqai ná'maq ỹadalaxat aca loua.

Santiago 1:16

Qamiri ñauochaxaua' ỹaqaỹa', 'neeto' chi nayiñiteguelta'.

1 Juan 3:7

Qamiri ỹaalqolqa, sqai 'xañiigue quiyim 'ue ca ỹayine' qamiri. Cá'maq ỹo'ueetetac ca ỹa'maqachiguiñi, ca huagaxaraic, ca 'nejem so Cristo huagaxaraic.

Apocalipsis 21:8

Ca ná'maq qolonqaiquipi, chaqai ná'maq sqai huelgoto naua ỹa'qaatqa, chaqai ná'maq naqaigaxat, lauataxanaxaiquipi, chaqai na nedequenaxairipi, chaqai na 'naxanaxairipi, chaqai na nqouagaxaintacot na nashiilec nqolac, chaqai ná'ogue na 'maatqaiquipi, na'maxare tai'a nqohin quiyim qainaxañigui ca norec lodegaxat lavigaxat na quiquiaxaic. Ca' chaqaica ca co'uaataxanaxaic nelauaxa.

Apocalipsis 22:15

Qam no'ueenauec ma'le ná'maq ỹo'ueeteta'pe naua se no'viiñi, chaqai ná'maq ỹo'ueetetac ana le'naxanaxaqui, chaqai na nedequenaxairipi, chaqai na lauataxanaxairipi, chaqai ná'maq nqouagaxaintacot na nashiilec nqolac, chaqai ná'ogue ná'maq nqo'ta chaqai ỹo'ueetetac da na'maachic.