1 Corintios 6:6 - La'qaatqa ñi qota'olec Qota'olec & Qota'olec Novita Na Qomyipi

⁶ ¿Peeta'a ỹouen ca mashic icoñiguit da na'qaatec quiyim 'ue ca qaỹasauaxat queca lqaỹa lpi'ỹaxaua quiyim quepegue' ca nashi saqa' icoñiguit da na'qaatec quiyim ỹa'maxajñi?

1 Corintios 6:6 Iomraidhean Croise

Génesis 45:24

Co'na' so José ime npoyiguinto saua lqaỹa', ca 'naaco' quesaua'maxare: —'Neeto' nco'uaitecta' quena nayic. Ca saua'maxare que',

Hechos 7:26

Ca' queca liỹa nete'e, so Moisés iuanejlgoto saua dos Israel lase' nco'uaatecta', ca ma' so'maxare ỹahotaque quiyim nemanata', ca 'naapegalo: “Qamiri, chaqaiqamiri nqaỹa', qam ¿chi'negue ma' nqa'viiñitecta'?”

1 Corintios 6:1

Ca no'm 'ue ca 'óna caqamiri 'ue ca lasauaxaset queca liỹa quená'maq mashic icoñiguit da na'qaatec, ca quepegue' ca nashi saqa' icoñiguit da na'qaatec, ca ¿chi'negue ma' se roỹaxanougui na lalamqateripi ñi qota'a?

1 Corintios 6:7

'Nesa ma' llic quiyim qaidaata quiyim se neuojñiỹata', chaqa'ma' re'oq quiyim 'xoic la'aaxa da hueetanguilo qamiri. ¿Chi'negue ma' se na'ñaxachiiguit da se no'uen? ¿Chi'negue ma' sqai 'xañiỹac quiyim liyi qarocachiỹoto qamiri?

2 Corintios 6:14

'Neeto' rotauahi ca qom saqa' icoñiguit da na'qaatec. Ma' quiyi, ca' se natenta' qamiri. Ma' ¿negue' quet cá'maq 'neeta cá'maq 'maxaraic chaalataxac quiyim huaqata'guit ca se no'uen, chaqai ca 'ue ca lauaq huaqata'guit ca napalaxa?

2 Corintios 6:15

Chaqai ¿negue' cá'maq 'neeta quet quiyim neuojne'ejta' quet so Cristo queso na'ỹaapec? chaqai ¿negue' quet cá'maq 'neeta quiyim huaque'ejta' quet cá'maq saqa' icoñiguita yaua na'qaatqa quecá'maq mashic icoñiguita yaua na'qaatqa?

1 Timoteo 5:8

Ma' ca qom quiyim se idaanlec cá'maq chi lauo' laseripi chaqai paguec quená'maq lalamaxaret llaalqaipi, ca' ỹit dá'maq ỹaatqajam npi'ỹaxac. Ca dá'maq 'neetari' paguec la'aaxa quecá'maq saqa' icoñiguit da na'qaatec.