1 Corintios 6:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' dajo shinac, qaiyi 'ue ca rayiloxohi. Ma' 'eco' qaico' ca 'oonoqui' ishit imitaque ca leloxoỹaxac cajo quená'maq nqaỹaripi.

1 Corintios 6:5 Iomraidhean Croise

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

Hechos 9:13

Ca co'na' 'xaỹa dajo so Ananías, ca 'naaco': —Qami' ỹa'gaxala', mashic 'xoic na ỹa'xaỹaxac quecajo ỹale chaqai quená'ogue ná'maq ỹo'ueetetac se ỹa'maxañi queda Jerusalén quená'maq huelec qami'.

1 Corintios 11:14

Ma' quedá'maq no'ueenataxac na re'qoochigui ỹale 'neetasa': Ỹo'uet ca npocoxo ca ỹale quiyim ladogaxat ca laue,

1 Corintios 15:34

Pilliu'a dá'maq chaalataxac co'teeta, se raỹaacotac, chaqai 'xañiñi da reualoxonqaishiguii, ma' 'ue na saqa' iuanapega ñi qota'a caqamiri. Ca' dajo shinac, qaiyi 'ue ca rayiloxohi.

1 Corintios 3:18

Qam qaica ca nayinteguelta'. Quiyim 'ue ca ipeeta'a quiyim ỹa'den da llicyaxac da na'deenec huelecna, ca'maxare no'uen quiyim naconaque quiyim 'ec qaica ca ỹa'den, qaiyi ỹaatqajam llic 'ue ca ỹa'den.

1 Corintios 4:10

Chaqai qomi' qaỹamata'que quiyim qaica ca sa'deenaq, sauaxat qolqata'pegue' so Cristo, qam na' qamiri, ca nomachiỹalta' quiyim 'deenaxanqachaqaiqa queso Cristo. Chaqai qomi' qaica ca qarquesaxanaxa, ca' qamiri nomachiỹalta' quiyim qamiri quesaxanaxaiqa. Na qomyipi coqomi' qarenaqaterec, qam qamiri ỹaatqajam 'ue nqohin ca 'ñiigue.

1 Corintios 4:14

Qam dajo shiriñi se sahotaque quiyim qamiri sayilqochichii, qaidaata sahotaque quiyim saqatalo qamiri, ma' shiñitaxaric caua ỹauochaqate' ỹaalqa.

1 Corintios 6:1

Ca no'm 'ue ca 'óna caqamiri 'ue ca lasauaxaset queca liỹa quená'maq mashic icoñiguit da na'qaatec, ca quepegue' ca nashi saqa' icoñiguit da na'qaatec, ca ¿chi'negue ma' se roỹaxanougui na lalamqateripi ñi qota'a?

1 Corintios 6:4

Ca no'm 'ue ca se ỹa'maxañi hueetalgoto qamiri, ca ¿chi'negue ma' ỹaxañiỹa ca sqaica ca taỹapegueu'a quena mashic icoñiguit da na'qaatec quiyim 'ue ca ỹa'maxajñi?

Santiago 1:5

No'm 'ue ca 'óna caqamiri ỹouen ca la'deenec, ca ỹashiila ñi qota'a. Ca ñi'maxare ỹaan, qam se naloqojnañi, chaqai se ỹa'ue ca layiloxo ca qom.