1 Corintios 6:2 - La'qaatqa ñi qota'olec Qota'olec & Qota'olec Novita Na Qomyipi

² Loqo'm ¿sqa 'yiiñii quiyim na lalamqateripi ñi qota'a imit ma'le ná'ogue na hueetalec na 'laua qomyipi? Ca no'm qamiri michii ma'le na'maxare, ca ¿sqai shichio' michii dá'maq qaica ca nishaaque?

1 Corintios 6:2 Iomraidhean Croise

Daniel 7:18

Qam ma' ime, ca' dajo no'ueenataxanaxac qoỹaanougui na lalamaxareteripi ñi qota'olec qaica ca 'nejem, ca' qaica lqodoc quiyim ỹoiquentac na'maxare.

Daniel 7:22

ca vire'ta na' novi' so nqo'xonec, ca' qoshiilec so lalamaxareteripi lauo' ñí'maq qota'olec qaica ca 'nejem, ma' ỹovirelec ca laloqo' quiyim na lalamaxaret lauo' ñi qota'olec icoñiguit da no'ueenataxanaxac quiyim ỹoiquentac ná'ogue nanchaqaina.

Zacarías 14:5

Ca' qamiri 'iichii ma'le 'guiñihe'oga ma'le so ca'megue quiichicñigui na lavinñi ada qa' ladocai, ca' viitañigui na lavinñi ma'le daua qari ladocahi, ca so'maxare ỹovira'a ma'le yi Azal, ca' queda lahi quii'tegue. Ma' 'iichii qamiri 'nejem quesom na' 'eete' saua 'auaxaqa qata'allii na' i'loxol na 'laua só'maq viichigui na' neetaho quiyim nashi so Uzías ỹoiquentac yi Judá. Ca nanac ma'le ñi na'gaxala' ñí'maq qota'olec caỹim, nauequeta'pegue' ná'ogue ná'maq na'xaỹaxanta.

Mateo 19:28

Ca' so Jesús 'naaco' quesaua'maxare: —Ỹaatqajam llic da shinac caqamiri, quecajo na'xa'a ma' ná'ogue qano'viishiguim dalaxaic nqohin, ma' najo ỹale llaalec nqa'xanñigui aca 'ue lauaq qa'xanaxaqui quiyim nashi, ca' qamiri ma' quiita'pegue' aỹim, ca' qamiri qai'neeta nqa'xañiñiguilo caua doce nashi nqa'xanaxaqui', ca michii na llaalqaipi saua doce llaalqa so Israel.

Lucas 22:30

qaiyi qui'ii chaqai ni'chii queca iqui'ỹaxala' ma' seuetaugui ca ỹo'ueenataxanaxac, chaqai nqa'xañingui caua nashi nqa'xanaxaqui', ca' michii na llaalqaipi so doce llaalqaipi so Israel.

Romanos 6:16

Ma' qamiri ỹaatqajam 'yiiñita quiyim no'm nañaañiỹot ca na'coori viitaque quiyim qamiri lelaatqa, ca quecá'maq 'naac, ca' na'xaỹaxañii'ta ca'maxare, ma' na'coori. Ca qaican ỹapaguec no'm quii'uegue da hualoxonqaishic na'xaỹaxañiỹa 'ñiita'gue ca na'coori, ca da'maxare noviraxat ma'le ca nelauaxa, loqo'm na'xaỹaxañiỹa ñi qota'olec, ca quiitalec 'viichitac dá'maq no'uen queda nachaalataxaguii.

1 Corintios 1:20

Ca' nagui ¿negue' ca 'neco' ca 'deenaxanqachaqaic, loqo'm ca napaxaguinataxanaq, loqo'm ca ỹa'den ỹa'xat na huelecna? Ma' dá'maq na'deenec huelecna, da'maxare 'eco' mogollishic nqai'en ñi qota'a.

1 Corintios 1:21

Ca ma' ñi'maxare ỹa'deentalec cá'maq ỹo'uet, ca ỹo'uet quiyim se qaỹa'den quená'maq na'deenaxanaxa huelecna. Chaqaidaata quiyim ỹahotaque nca'laxatec ná'maq huelec ñi'maxare, chicqochigui nqai'en da la'qaatec, 'eno' 'ec mogollishic quená'maq liỹa qomyipi.

1 Corintios 6:4

Ca no'm 'ue ca se ỹa'maxañi hueetalgoto qamiri, ca ¿chi'negue ma' ỹaxañiỹa ca sqaica ca taỹapegueu'a quena mashic icoñiguit da na'qaatec quiyim 'ue ca ỹa'maxajñi?

2 Corintios 4:18

Ma' qomi' se ya'ỹoxogui ná'maq re'qoochigui; ta'ta'a ná'maq se re'xogui. Ma' ná'maq re'qoochigui, chita'gue, ca' imeho; qam ná'maq se re'xogui, ca' qaica ca lqodoc.

1 Tesalonicenses 3:13

Ñi'maxare ỹotauanque qamiri quiyim ỹa'ñaxat ca ra'deenataxanaxaguii, qaiyi shichii quiyim nañaañiỹot chaqai sqaica ca rasauaxashichii hueeto'ot ñi qota'olec, ma' novi' so qara'gaxala' Jesús, liỹaatac ná'ogue na lalamqateripi.

Apocalipsis 20:4

Ca na' ime, ca seuane'talo saua nashi nqa'xanaxaqui'. Ca' quesaua'maxare nqa'xantañiguilo sauá'maq qoỹaanema quiyim ishite' imite' na nasauaxaset. Qai'neeta seuana na lqui'illipi ná'maq qaichaxaic na lqahic sauaxat ỹa'xatetac da la'qaatec ñi qota'a, dá'maq shi'co' ỹa'xat so Jesús. Saua'maxare chaqaisaua sauá'maq se imaqachine' so isecỹac lodegaxat chaqai so nadenqatec lqui'i, chaqai se ỹa'maxarene' quiyim qaỹa'ue ca netanec quena latap loqo'm quena lqai'laxat. Seuane'ta quiyim liỹa qanca'laxaterec, ca lotaua' so Cristo quiyim nashillipi quecaua mil ñaxari.

Apocalipsis 3:21

Ca cá'maq rauegaxan, ca' sa'ue ma'le ca loma' quiyi ñqa'xanqa' quiyim nashi, 'nejem aỹim ma' sauegaxan, ca ñqa'xanñi cañi nqa'xanaxaqui ñi qota'olec.