1 Corintios 6:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Quedajo 'ue quen na 'neetari' caqamiri quesom. Qam nagui mashic qamiri qaico'taxate', chaqai mashic nañaañiỹot ñi qota'a, chaqai ñi'maxare mashic ỹa'maxarente' qamiri. Qam dajo chicqochigui da leenaxat so qara'gaxala' Jesús chaqai so Espíritu chicqo'ot ñi qota'olec.

1 Corintios 6:11 Iomraidhean Croise

Salmos 51:2

¡Nquiỹo'irec naua iualoxonqaishico! ¡Yco'taxachi' quenaua ỹasauaxasete'!

Salmos 51:7

Yco'taxachi', qaiyi sco'teeta; yiquiỹo'e', qaiyi paguec ỹim lalagaxaic caca loñi nacañi.

Isaías 1:16

¡Nquiỹohi, nco'taxachiỹalta'! ¡Loỹoochihe'oga na se no'uen caỹim! ¡Totaxan liỹa 'viichii na se ỹa'maxañi!

Isaías 45:25

Ỹim chicqochigui ma'le quiyim ná'ogue na llaalqaipi so Israel rauegaxan ma'le, ca' nemaqajanlec aỹim ma'le. (46.1—48.22 Ñi qota'olec sqai 'nejem na lashiilqaipi yi Babilonia. Da 'neeta ma' noxonec yi Babilonia. Ñi qara'gaxala' 'naac quiyim ỹadalaxat ná'ogue. Ñi qara'gaxala' nca'laxatec so lalamaxareteripi.)

Isaías 53:11

Ma' ime'uegue dá'ogue dá'maq le'xoric, ca' iuana ma'le aca ncoỹeraxanaxaqui, ca ỹa'maqachigui lauel ma'le ma' ỹa'den. Só'maq qamaxaraic lelaatec ñi qara'gaxala' 'xoic ma'le na ỹosouec qomyipi, ma' i'xat na leualoxonqaishic.

Jeremías 4:14

Qami' Jerusalén, co'taxachi' añi re'taxanata'e' quena se no'uen, qaiyi rca'llirec ma'le. ¿Chi' laquio' se ỹaqaletentac na rqahiqui' na ra'deenataxanaxaqui' se no'uen?

Ezequiel 36:25

Sco'taxate' qamiri quená'maq no'uen huaxaỹaq, ñquiỹouec ná'ogue na rishillii, ñaqata'a ma'le dá'maq 'ñiitari' quena nashiilec nqolaquipi;

Mateo 20:4

Ca 'naaco' quesaua'maxare: “Qamiri quiipegue' quet qai'neeta yi ỹanaxanqa', ca qataxañii. Ca' ỹim sepacqajanchigui ma'le aca laseuete da ro'ueenataxanaxaguii.” Ca' saua'maxare que'o'.

Lucas 18:14

Ca' ỹim shiñiỹapegaxaua' quesojo ỹale co'na' pila ca la'a', ca' ỹaatqajam qaỹa'maxarenta quiñi qota'olec, ca' sqai 'nejem so fariseo. Ma' ca chi nemaqachin, ca' sqaica ca lemaqachic nqohin; qam ca se nemaqachin, ca chaqaica ca 'xoic ca lemaqachic nqohin.

Juan 13:10

Qam so Jesús 'naaco': —Cá'maq chita'gue nachiltac se ỹouen quiyim liỹa nquiỹo, qainauate' naua lapiaate', ma' dá'ogue co'teeta. Ca' qamiri mashic co'chiita, 'eno'm sqai qamiá'ogue.

Juan 13:8

Qam so Pedro 'naaco': —Qaica ma' quiỹo'isa'pe quet naua ipiaate'. Ca' so Jesús 'naaco': —No'm se squiỹo', ca' mesqai qami' ỹapaxaguinatec.

Juan 5:4

Ma' 'uo' quen yi na'xa'a quiyim novi' so piguim le'ec lelaatec ñi qota'a quiyim novita aso lahi' na huaxaỹaq quiyim idaxan na le'ec. Ca cá'maq 'au tangui aso'maxare quena' ime qaidaxan na le'ec, ca chaqa'ma' imeuec quecanchaqaica ralolaxa.

Hechos 13:39

Ca' chaqaiso chicqochigui quiyim ná'ogue ná'maq huelec so'maxare qaỹapalaxat na lasauaxaset quená'ogue ná'maq lasauaxaset se qaỹapalaxat queso naqataxaquipi chicqo'ot na'le so Moisés.

Hechos 22:16

Ca' nagui ¿negue' ca qalañisapega? Ne'laxachirishiguim, qanachilaxan qami', pi'iro'o' da leenaxat so qara'gaxala', qaiyi nco'chiñi qami' quena rasauaxashichi'.”

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”

Romanos 3:24

Qam quedá'maq lqouagaxa ñi qota'a, ca ỹo'uet quiyim qaicoñi'chiguit quiñi'maxare. Qaca aca laseuete nqai'en, ma' nca'laxatec, chicqochigui nqai'en so Cristo Jesús.

Romanos 4:5

Qam no'm 'ue ca qaica ca ỹo'uet, qam huelec ñi qota'olec quiyim icoñi'chiguit ca sauaqhuaic, ca' ñi qota'olec icoñi'chiguit ca'maxare, ma' 'ue da lpi'ỹaxac.

Romanos 5:1

Ca' chaqaida 'neeta quiyim ma' ỹa'maxarente' qomi' ñi qota'olec ma' 'ue da qarpi'ỹaxac. Ca huaqui'chiguita qomi' ñi'maxare, chicqochigui nqai'en so qara'gaxala' Jesucristo.

Romanos 5:9

Ca' nagui mashic qaicoñi'chiguita qomi' quiñi qota'a chicqochigui nqohin da lelauaxa so Cristo. Ca' paguec la'maxa nagui ma' so'maxare se ỹovira'alo nqai'ne' qomi' ma'le ca nouaxanaxaset na qomyipi naỹalec najo.

Romanos 8:30

Ca ná'maq 'auaxaic lca'acseripi ñi qota'a, qai'neeta roỹaxana. Chaqai quená'maq roỹaxana ñi'maxare, qai'neeta ỹanagui quiyim ñi'maxare icoñi'chiguit chaqai ỹa'maxarenta quiyim nouanau'a da lauaq ñi'maxare.

Romanos 8:33

Ca ¿nega'ỹo' ca ishit quiyim ỹa'ue ca lasauaxaset ca lca'acsec ñi qota'olec? Ma' ñi'maxare ñí'maq ỹa'xat quiyim qaica ca lasauaxaset ca'maxare.

1 Corintios 1:2

Ca' nagui selatalo qamiri ana ỹerecse, qamiri ỹaqaỹaripi ma' mashic viilec ñi qota'a, ñiita'ñi na na'a' lodegaxat Corinto. Qamiri lalamaxarete' ñi qota'a, ma' na'yiitau'a so Cristo Jesús. Ñi'maxare roỹaxañiỹaxaua' ma' ỹahotaque quiyim co'taxat da nachaalataxaguii, 'nejem ná'ogue na 'neeta'ogalo naua liỹa' 'lauari ná'maq mashic nqouagaxaintacot so qara'gaxala' Jesucristo, só'maq la'gaxala' na'maxare, neete'm qomi'.

1 Corintios 1:30

Ma' chaqaiñi ñí'maq qota'a ỹo'uet quiyim na'yiitau'a so Cristo Jesús; chaqai ỹo'uet quiyim chaqaiso so'maxare qara'deenec, chaqai chaqaiso chigoxochichigui quiyim qaỹa'maxarente' qomi' quiñi qota'a, chaqai qomi' lalamaxarete', chaqai quiyim qomi' yca'laxauec.

1 Corintios 12:2

Qamiri, 'yiiñita na' saqa' coñiguit da na'qaatec, ca' qamiri o'miitac, ca' oquiita'pegue' quen na nashiilec nqolac sqaicaua caua la'qaatqa.

Gálatas 2:16

Qam qaiyiita sa'deenaq quiyim qaica ca 'oonoqui' qaỹa'maxarenta quiñi qota'a ma' ỹo'ueetetac na naqataxaquipi chicqo'ot na'le so Moisés, ma' qaidaata quiyim qoyiuelec so Jesucristo. Ca vichiguiño' qomi' quiyim seuaqlec so Jesucristo, ca ỹa'maxarente' qomi' ñi qota'a chicqochigui da qarpi'ỹaxac, ca' sqai chicqaugui quiyim qomi' so'ueetqatac na naqataxaquipi. Ma' sqaica cá'maq ỹa'maxarenta ñi qota'a quiyim ỹo'ueetetac na naqataxaquipi.

Gálatas 3:11

Ca ỹaatqajam re'qoota quiyim qaica quet cá'maq qaỹa'maxarenta quiñi qota'a quiyim ỹo'ueetetac dá'maq 'naac na naqataxaquipi. Ma' naua naneresañi na'qaatqa 'neracsa': “Cá'maq ỹa'maxarenta ñi qota'a ca'lligui ma'le da lpi'ỹaxac.”

Gálatas 3:24

Ca ná'maq naqataxaquipi pa'aalgoto qomi' quiyim reloxoỹa'alo qomi', 'neeta'guelo qomi' ca ñaaqolqai'. Ca' qarapaxaguin, toco' ma' novi' so Cristo, ca' ma' seuaxalec so'maxare, ca' qaỹa'maxarente' qomi' quiñi qota'a.

Gálatas 3:8

Ma' naua naneresañi la'qaatqa ñi qota'a ma' shi'gue idaansa'a dajo quiyim qai'neeta ná'maq sqai judío laseripi, ca' ñi qota'a ỹa'maxarenta ma'le ná'maq 'ue ca lpi'ỹaxac. Ca' naua naneresañi na'qaatqa 'nerac queso Abraham quiyim: “Ná'ogue na ỹoreta'oguit qomyipi 'ue ma'le ca nqouagaxa chicqotougui aqami'.”

Efesios 5:26

Dajo 'ne'tegue, ma' ỹahotaque co'taxateta ná'maq mashic icoñiguit da na'qaatec, ỹahote'e na huaxaỹaq, chaqai naua la'qaatqa,

Efesios 5:8

Ma' quesom qamiri viitaugui na napalaxa, qam nagui ma' mashic na'yiitau'a so Cristo, ca viitaugui na lauaq. Ca na'maxachita 'ñiitari' ca qom hueetaugui na lauaq.

2 Tesalonicenses 2:13

Qam qomi' se neme quiyim saanqatecshiguim qana'aachic quiñi qota'a caqamiri, ma' qamiri qanauochaxaua' qarqaỹa' queso qara'gaxala'. Ma' ñi qota'a nca'au'alo qamiri na' ñaqa 'avichiguiñi, qaiyi rca'lliuec. Qam dajo nca'laxa chicqo'ot so Espíritu Santo só'maq 'em quiyim qamiri lalamqate' ñi qota'a, chaqai chicqochigui nqai'en dá'maq ỹaatqajam llic na'qaatec dá'maq viilec.

Hebreos 10:22

Ca' vichiguiño' ñoquiigaxau'a quet ñi qota'a, qam ỹaatqajam selloqochigui ca qaneneequesenaxac añi qare'taxanata chaqai ỹaatqajam 'chichiguiñi nqaishinaq ca qarpi'ỹaxac. Ma' ñi'maxare nachinñi nqai'en añi qare'taxanata, qaiyi totqai 'ec ñaqa 'ue ca qarasauaxaset, chaqai mashic nquiỹogoñi na qaroshicmaxa quená'maq no'uen huaxaỹaq.

Hebreos 10:29

Ca ¡huose'quet sqai hueetapigui qavillii quiyim paguec lecaic ca nouaxanaxaset cá'maq 'eco' co'ueetapigui so llaalec ñi qota'a, chaqai liỹoqa'piguita saua leuo', chaqai quiyim ishiuentac so ne'Espíritu ñi qota'a ñí'maq re'xorenataxantac! Sauajo neuo' chaqaisaua sauá'maq i'taxachiriñi da 'maqataxac, chaqai chicqochiguilo quiyim co'teete' nqohine' saua'maxare.

Hebreos 2:11

Ma' ná'maq qaico'taxat da nachaalataxac, chaqai só'maq quiỹoxontac, na'maxare 'oonoqui' ñí'maq qota'a quena'maxare. Ca vichiguiño' so llaalec ñi qota'a se nayiloxon quiyim roỹaxana 'naac lqaỹaripi.

1 Pedro 1:2

quená'maq ñi qota'olec lca'acse', nachiñi'chiguit nqai'en dá'maq shi'co' ỹahotaque na' saqa'leca na 'laua. Chicqochigui nqai'en so ne'Espíritu quiyim ỹoỹoote'ogalo qamiri, qaiyi na'xaỹaxañiỹa, chaqai qaiyi co'taxate' qamiri, ỹahota'ahi saua leuo' so Jesucristo. Ca' coñiguit dá'maq chalego lecaic nqouagaxahi chaqai da ra'maxahi.

1 Pedro 1:22

Ca' nagui qamiri, ma' mashic na'xaỹaxañiỹa dá'maq na'qaatec lliqueta chicqochigui so Espíritu Santo, ca' nachinñi nqai'ñii da nachaalataxaguii quiyim ỹaatqajam 'xoriñii ca rqaỹahi. Ca' chaqaida quet 'ñiita'gue quiyim ne'xoriñiỹata', lliichigui añi re'taxanatahi chaqai quedá'ogue da rquesaxanaxahi.

1 Pedro 3:21

Ca' sojo huaxaỹaq chaqaido' da chilaxac nagui dá'maq ỹa'xateta'guit, ca' chaqaida dá'maq chicqochigui quiyim qarca'leuec nagui. Dajo chilaxac mesqai chicqaugui quiyim chi qaico'taxat na noshicmaxa; ta'ta'a quiyim qaỹashiila ñi qota'a quiyim co'taxat yi qara'deenataxanaxac loma'. Ca' qarca'laxatec chicqochigui nqai'en na' liỹa nca'laxatec so Jesucristo,

1 Juan 2:12

Qamiri ỹaalqolqa, selatalo qamiri ana ỹerecse, ma' ñi qota'a mashic ỹapalaxate' caua rasauaxashichiri, quedá'maq ỹo'uet so Jesucristo.

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.