1 Corintios 5:9 - La'qaatqa ñi qota'olec Qota'olec & Qota'olec Novita Na Qomyipi

⁹ Caso liỹa ilaata selatalo qamiri, shinac na'le quiyim se ỹa'maxañi quiyim lliguita'piguit na nedequenaxairipi.

1 Corintios 5:9 Iomraidhean Croise

Proverbios 9:6

'Xañiñi dá'maq quiyim se na'xaỹaxañii, qaiyi rca'lliiuec; 'ñiitari' ca qom 'deenaxanqachaqaic.

1 Corintios 5:10

Mesqai shinac quiyim totqa lliguiỹougui ná'ogue na qomyipi quená'maq nedequenaxairipi, loqo'm quena namataxaiquipi, loqo'm ca cuataxaic, loqo'm ca nqouagaxainot ca nashiilec. Ma' no'm totqa lliguiguit na'maxare, ỹouen quiyim ỹaatqajam oquiỹa'e na 'laua.

1 Corintios 5:2

¡Qam qaiyiita nemaqajñitac qamiri! Qamiri chigoita quet 'ñiitari' ca 'ue ca lasauaxanec, chaqai cajo ỹale ỹo'ueetetac dajo chalego la'aaxa ỹaatqajam o'yiỹauec quet, paguec la'maxa quiyim se ỹalegouguilo qamiri.

1 Corintios 5:7

Ca vichiguiño' naqachii aca ñauapec lalequete na pan, ma' chaqaca aca na'aqte' qamiri, qaiyi 'ñiita aca dalaxai naqaulata se qaỹa'ue aca lalequete quena' qaỹa'ue na pan tai'a qaỹa'ic ma' ỹovire'oga ca napoxoqui leenaxat lapascua. Ma' qamiri 'ñiitam aca dalaxai naqaulata qaca lalequete pe'taxachigui na pan. Ma' so Cristo mashic shi'gue qaỹalauat, ileualgoto qomi', ca' chaqaiso so 'eco' qagreta llaalec qaỹa'ic ma' ỹovire'oga cajo na'xa'a lapascua.

2 Corintios 6:14

'Neeto' rotauahi ca qom saqa' icoñiguit da na'qaatec. Ma' quiyi, ca' se natenta' qamiri. Ma' ¿negue' quet cá'maq 'neeta cá'maq 'maxaraic chaalataxac quiyim huaqata'guit ca se no'uen, chaqai ca 'ue ca lauaq huaqata'guit ca napalaxa?

2 Corintios 6:17

Ca vichiguiño' qai'neeta 'naac ñi qara'gaxala': Oquii'e, noỹoochiuec quena'maxare; sqai coñigui ná'maq napio'xot da chaalataxac. Ca ma'le, ca' ỹim secoñiguita qamiri,

Efesios 5:11

Sqai coñiỹapegueu'a ná'maq qaica ca 'negue quená'maq ỹo'ueetetac ná'maq ñaqai hueetaugui na napalaxa. Ta'ta'a quiyim chaxañiuec, qaiyi qaỹa'den.

2 Tesalonicenses 3:14

No'm 'ue ca se na'xaỹaxana da qara'qaatec hueetalec najo qoderecse lere, ca ỹaatqajam na'ijñii'tegue ca'maxare. Ca' ime, ca se naqachiiguit, qaiyi nayiloxon ca'maxare ma'le.

2 Tesalonicenses 3:6

Qamiri qarqaỹa', saqataxalo qamiri quiyim noỹoochiuec quecanchaqaica qarqaỹa quiyim se nqo'ta ro'ueenataxan, chaqai quecá'maq sqai quelec da qarapaxaguinataxanaxac saanqaima qamiri.