1 Corintios 5:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca vichiguiño' naqachii aca ñauapec lalequete na pan, ma' chaqaca aca na'aqte' qamiri, qaiyi 'ñiita aca dalaxai naqaulata se qaỹa'ue aca lalequete quena' qaỹa'ue na pan tai'a qaỹa'ic ma' ỹovire'oga ca napoxoqui leenaxat lapascua. Ma' qamiri 'ñiitam aca dalaxai naqaulata qaca lalequete pe'taxachigui na pan. Ma' so Cristo mashic shi'gue qaỹalauat, ileualgoto qomi', ca' chaqaiso so 'eco' qagreta llaalec qaỹa'ic ma' ỹovire'oga cajo na'xa'a lapascua.

1 Corintios 5:7 Iomraidhean Croise

Éxodo 12:15

Ca a'guii ma'le na pan qaca aca lalequete caná'maq pe'taxachigui quecaua siete na'xata'. Ca quecá'maq 'auaxaic na'xa'a, ca chaqa'ma' qaca ana nalequetenaxanqate pe'taxachigui na pan quenaua ra'aachiri. Ma' canchaqaica no'm ỹa'ic ca pan 'ue aca lpe'taqate, ca' qaỹoỹoote'oga quena llaalqaipi so Israel.

Mateo 13:33

Qai'neeta ỹo'uet da liỹa laloqojnaxanaxaqui, 'naaco': —Da lo'ueenataxanaxac ñí'maq neeta'gue da piguim 'nejem ana pe'taxachigui na pan, quiyim aca 'aalo ỹalecqajanta' quecaua tres laloqojnaxaqui ca 'aríña, quiyim ỹahotaque pe'taxachigui cá'ogue ca laqaulatec.

Marcos 14:12

Ca quesó'maq 'auaxaic na'xa'a queso nemaqachic quena' qaỹa'ic na pan le'en lpe'taqate, chaqaiso so na'xa'a so nalauataxaqui ana qagreta quena' qaỹa'ic qaỹo'leente so na'xa'a na' qoyique'e yi Egipto. Ca' saua lapaxaguinatqa so Jesús renataxanta'po', 'neraco': —¿Negue' hua'gue cá'maq vi'saque quiyim sa'maxataxañi ca rqui'ỹaaqachi' ma' qui'i' quecajo na'xa'a quena' qaỹo'leente na' qoyique'e yi Egipto?

Juan 1:29

Ca' queso liỹa na'xa'a, ca' so Juan idaana'guit so Jesús naataxaso'ma so'maxare. Ca' so'maxare 'naaco': —Ñaqa 'ajñii, najo ná'maq ỹale ỹaanec ma'le ñi qota'olec, 'neeta'gue meca qagreta llaalec, ná'maq rouootaxana'gue ná'ogue na nasauaxaseteripi quena 'laua.

Juan 1:36

Ca co'na' so Juan iuane'tegue so Jesús, ca 'naaco': —'Ajñii, chaqaiso sojo só'maq ỹale 'ec ca qagreta llaalec ma' ỹaanec ñi qota'olec.

Juan 19:14

Qam 'oonoqui' na'xa'a saqa'leca ca ỹovire'oga so na'xa'a quena' qaỹo'leente na' qoyique'e yi Egipto. Ca mashic na'xa'a lavinñi na' so Pilato 'naapega so judioipi: —¡'Eda dá'maq rashii!

Romanos 3:25

Ñi qota'olec ỹo'uet chicqochigui nqai'en so Cristo queso lelauaxa, quiyim ishit qaỹapalaxat na nasauaxaseteripi, qam quiyim qoyiuelec so'maxare. Dajo 'ne'tegue, qaiyi re'oq quiyim ñi qota'a ipacqajanchigui dá'maq 'neeta'pegue, ma' mashic quedá'maq leualaxavic liyi le'ne' nqai'ne' sauá'maq 'auaxaqa nasauaxasete'.

1 Corintios 10:17

Ca 'eno'm qomi' 'xoic, qam qomá'ogue sa'guinaq ñouanqachigui so 'oonoqui' pan, ca vichiguiño' 'ec qomi' 'oonoqui' noshicmaxa.

Efesios 4:22

Ca quedá'maq shi'gue 'ñiitari' quen, ca' lachii só'maq 'auaxaic no'ueenataxaguii ma' se ỹa'maxañi, chaqai qaỹachichiguiñi, ma' queeta'pegue' da lamaanaxanqachic quena se no'uen.

Apocalipsis 5:12

Qam ỹaatqajam nelamaxaren quena' retaqa, 'naacsa': Ñí'maq qagreta llaalec qaỹalauat na'le ta'chiguit quiyim icoñiguit da nquesaxanaxa chaqai da nesallaxa, da na'deenaxanaxa chaqai da la'ñaxac, da necaic, da nauaq, chaqai quiyim qaimaqachintac.