1 Corintios 5:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qamiri se ỹa'maxañi quiyim nemaqajñii quedá'maq 'viichitac. ¿Sqa 'yiiñio' da na'qaatec ma' 'naac: “Ca cocho'qui' lalegue' na pan ishit pe'taxachigui cá'ogue ca naqaulatec 'aríña”?

1 Corintios 5:6 Iomraidhean Croise

Mateo 13:33

Qai'neeta ỹo'uet da liỹa laloqojnaxanaxaqui, 'naaco': —Da lo'ueenataxanaxac ñí'maq neeta'gue da piguim 'nejem ana pe'taxachigui na pan, quiyim aca 'aalo ỹalecqajanta' quecaua tres laloqojnaxaqui ca 'aríña, quiyim ỹahotaque pe'taxachigui cá'ogue ca laqaulatec.

Lucas 13:21

Da'maxare 'nejem aca lpe'taqate ca pan quiyim aca 'aalo icona. Ime, ca' inaxañigui ca lodegaxat laqaulatec, ca' aca'maxare pe'taxachigui cá'ogue cá'maq naqaulatec.

Romanos 6:16

Ma' qamiri ỹaatqajam 'yiiñita quiyim no'm nañaañiỹot ca na'coori viitaque quiyim qamiri lelaatqa, ca quecá'maq 'naac, ca' na'xaỹaxañii'ta ca'maxare, ma' na'coori. Ca qaican ỹapaguec no'm quii'uegue da hualoxonqaishic na'xaỹaxañiỹa 'ñiita'gue ca na'coori, ca da'maxare noviraxat ma'le ca nelauaxa, loqo'm na'xaỹaxañiỹa ñi qota'olec, ca quiitalec 'viichitac dá'maq no'uen queda nachaalataxaguii.

1 Corintios 15:33

Sqai 'xañiigue quiyim 'ue ca nayinaxaguii. 'Nejem da 'neeta da na'qaatec: “Ca qom se no'uen ishit na'axat ca no'uen no'ueenataxac ca liỹa.”

1 Corintios 3:21

Vichiguiño' qaica ca nemaqajan caqamiri quiyim ỹa'queetalec ca chaqai qom, ma' ná'ogue nanchaqaina huelecna chi ralamaxachii:

1 Corintios 5:2

¡Qam qaiyiita nemaqajñitac qamiri! Qamiri chigoita quet 'ñiitari' ca 'ue ca lasauaxanec, chaqai cajo ỹale ỹo'ueetetac dajo chalego la'aaxa ỹaatqajam o'yiỹauec quet, paguec la'maxa quiyim se ỹalegouguilo qamiri.

Gálatas 5:9

'Neeto' lotqai couahi'e quiyim “'eno'm cocho'qui' ca quena pe'taxachigui na pan, qam ishit pe'taxachigui cá'ogue aca naqaulata.”

2 Timoteo 2:17

Chaqai naua lapaxaguinataxanaxaco noquiiquesauec, 'ec aca ne'neete noquiiquetauec ca lichiguec. Ca' chaqaida 'neete' saua Himeneo chaqai so Fileto.

Santiago 4:16

Qam qamiri ỹaatqajam nemaqajnaxaqa naua ra'qaataxahi. Qam dá'ogue dajo maqajnaxac ỹaatqajam se no'uen.