1 Corintios 5:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ime, ca' cajo ỹale qoỹaanem so na'ỹaapec, qaiyi qaỹosogui da nachaalataxac, qam qanca'laxatec ca la'al ma' novi' so qara'gaxala' Jesús.

1 Corintios 5:5 Iomraidhean Croise

Job 2:6

Ca' ñi qara'gaxala' 'naaco' queso na'ỹaapec: —Hua', ỹa'maqachiguiñi. Nagui 'viiquiñi'sac ñi'maxare quecá'maq 'ñi'sa'gue, qam sqai huooquirau'a da nachaalataxac.

Proverbios 23:14

ma' no'm taqaita chaqai huaxañi', ca ỹochiỹau'a nqai'ñi' ca lelauaxa.

Mateo 4:10

Co'na'le, ca' so Jesús 'naaco': —Mo'e', oquire'e aỹim, qami' Satanás, ma' naua 'auaxaqa naneresañi na'qaatqa 'neracsa': “Maqachiñi' ñi ra'gaxalachi' qota'a, ca' qaiñiita 'ueenataxañitot.”

Lucas 22:31

Qai'neeta 'naaco' so qara'gaxala': —Qami' Shimoñi', ñaqa 'ajñi' so na'ỹaapec lashiilaxanqate' qamiri, ma' ỹahotaque ri'guiñii quiyim ỹochigoxoi' qamiri, 'nejem nqai'en ca trigo;

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”

1 Corintios 1:8

So'maxare ỹaatqajam nolliichiriñi, ỹoviraqta'guita qamiri ca lqodoc ná'ogue najo, qaiyi qaica ca ishit pataxalgoto ca nasauaxaset qamiri ma' novi' ca qara'gaxala' Jesucristo.

1 Corintios 11:32

Qam ñí'maq qara'gaxala' quena' idaana'alo qomi' quiyim 'ue ca qarasauaxaset, ca ỹouaxane' qomi', ma' ỹahotaque quiyim se salecqau'a ca nouaxanaxaset ná'maq saqa' icoñiguit da na'qaatec.

2 Corintios 10:6

Chaqai qomi' sahoqotaque souaxanaq ná'ogue na se na'xaỹaxan, quiyima' ỹovita quiyim qamiri na'xaỹaxañita.

2 Corintios 12:7

Ỹaatqajam chalego lecaic dajo iuanaxanaxac. Qam qaiyi sqai paguec ca ñimaqajnaxac, ca' qaỹa'ue so iueetaxanaxa mashic 'ec aca le qaỹa'deho quena ỹoshicmaxa na' noviriua' so lo'ueenataxanaxat so na'ỹaapec, ma' ỹahotaque quiyim ya'axat.

2 Corintios 13:10

Shiriñi anajo ilaata ma' saqa' shicpegueto qamiri, qaiyi ma' sovitalo qamiri se souen caqamiri da nquesaxanaxa nañaañim so qara'gaxala', qaiyi nqo'ñishiguim ca llaxataxague' qamiri queda se re'xogui, qam se sahotaque seuagaxata'pe qamiri.

Filipenses 1:6

Ca' ỹaatqajam se'taxachichiguiñi quiyim ñi qota'a, ma' mashic ỹo'uet dá'maq 'maxaraic lo'ueenataxanaxac caqamiri, ca' se neme quiyim queetalec ỹo'ueetetac, ỹovireta'a nqai'en cá'maq na'xa'a ma' liỹa novi' so Jesucristo.

1 Timoteo 1:20

Ca' chaqaida 'neete' saua Himeneo chaqai so Alejandro. Ca vichiguiño' saua'maxare saañiguita so na'ỹaapec, qaiyi sqai queesalec quiyim i'neesac ñi qota'a quenaua la'qaatqa.

2 Timoteo 1:18

Ca' ñi qara'gaxala' ỹotauan ma'le quiyim ỹacoñiguit da le'xorenataxanaxa quecá'maq pa'aatec na'xa'a. Chaqai qami' mashic 'yiiñite' 'xoic lotaanaxanaxac coqomi' na' seuqata'gue na Efeso.

2 Pedro 3:12

Ca nauaañita'guit ca na'xa'a loviraxaqui ñi qota'a quiyim imit ná'ogue najo, 'ec sqoỹoxoguit nqai'ñii. Cajo na'xa'a sogui nqohin ma'le na piguim, qaỹahote'e ca norec, chaqai na hueeto'ot na piguim quiguiñi ma'le nqai'en ca norec lauaq.

1 Juan 5:16

Ca no'm 'ue ca iuana ca lqaỹa quiyim 'ue ca lasauaxaset se ỹauequeta'a yi nelauaxa, ca' nqouagaxain. Ca' ñi qota'a ỹaanem da nca'laxa cajo nqaỹa, no'm quená'maq nasauaxaset se ỹaueca'a ca lelauaxa ca qom. Ma' 'ue na nasauaxaset ỹaueca'a ca lelauaxa ca qom, ca quecajo nasauaxaset sqai shinac quiyim qanqouagaxainlec.