1 Corintios 5:4 - La'qaatqa ñi qota'olec Qota'olec & Qota'olec Novita Na Qomyipi

⁴ Lapoiỹata' quet queda leenaxat so qara'gaxala' Jesucristo, chaq aỹim 'ec salequetauguilo qamiri, chaqai da lquesaxanaxa so qara'gaxala' Jesús qai'neeta hueetauguilo qamiri.

1 Corintios 5:4 Iomraidhean Croise

Mateo 16:19

Ca' ỹim saanem qami' ma'le aca nauatqate da no'ueenataxanaxac queda piguim. Ca cá'maq 'maxariñite' ma'le quena 'laua, ca ca'maxare qai'neeta qaỹa'maxarenta queda piguim. Chaqai cá'maq sqa 'maxariñi', qai'neeta se qaỹa'maxaren ma'le queda piguim.

Mateo 18:20

Ma' cá'maq hueesa'ñi caua dos loqo'm tres lapoosagui da ỹeenaxat, ca' ỹim seuetañiguilo lavilliñi' caua'maxare.

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Juan 20:23

Cá'maq palaxachii ca lasauaxaset, ca' qaỹapalaxat. Qam cá'maq sqa palaxachii ca lasauaxaset, ca' ca'maxare se qaỹapalaxat ca lasauaxaset.

Hechos 16:18

Mashic 'vio' saua na'xata' queda 'neetari', vire'to' na' so Pablo se ỹa'maxaren da 'neetari', ca nqovilque'te, ca nelaxa so le'ec, 'naaco': —Qami' soda'a nagui da leenaxat so Jesucristo, noxoñi'uec cana'maxare. Ca so ne'ec chaqa'ma' eec, ca'e aso'maxare.

Hechos 3:6

Qam so Pedro 'naaco': —Qaca aca ỹam plata chaqai aca oro, qalaxam dá'maq hueeta'ỹot saanem qami'. So'ueenataxantapega da lquesaxanaxa so Jesús, Nazaret le'ec, vichiguiño' nagui shinapega qami', ne'laxachirishiguim, ca' qui'.

Hechos 4:30

chaqai ỹomaterec na ralolaxaic quedá'maq rquesaxanaxa'e', chaqai ỹo'ueete' na netanqaipi chaqai na se qaiuanapega, quiichigui da leenaxat so co'teeta qachaalqui' Jesús.

2 Corintios 13:10

Shiriñi anajo ilaata ma' saqa' shicpegueto qamiri, qaiyi ma' sovitalo qamiri se souen caqamiri da nquesaxanaxa nañaañim so qara'gaxala', qaiyi nqo'ñishiguim ca llaxataxague' qamiri queda se re'xogui, qam se sahotaque seuagaxata'pe qamiri.

2 Corintios 13:3

Ca' yi hua'ñi ma'le, ca' 'yiiñii cá'maq michitaque ma' re'oq quiyim retaqaugui aỹim so Cristo. Qam so Cristo mesqaida quet quiyim qaica quet ca lquesaxanaxa quiyim 'ue ca 'ne'teguelo qamiri. Ta'ta'a quiyim ichoxot da lquesaxanaxa ma' hueetanguilo qamiri.

2 Corintios 2:6

Ca nouaxanaxaset 'viichii na'le cajo ỹale queca lapoxoguii, ca' nagui, ca nalootañi, yi, le'en.

Efesios 5:20

Se neme 'ỹaañitacot da na'aachicyaxaguii ñi qota'olec quená'ogue nanchaqaina, ma' quiitalec so qara'gaxala' Jesucristo.

Colosenses 3:17

Chaqai quecá'maq canchaqaica 'viichii loqo'm quecá'maq 'xachii, ca ná'ogue 'viichii, qam quiichigui nqai'ñii da leenaxat so qara'gaxala' Jesús. Quiichigui nqai'ñii so'maxare quiyim 'ỹaañitacot da na'aachicyaxaguii ñi qota'olec.

2 Tesalonicenses 3:6

Qamiri qarqaỹa', saqataxalo qamiri quiyim noỹoochiuec quecanchaqaica qarqaỹa quiyim se nqo'ta ro'ueenataxan, chaqai quecá'maq sqai quelec da qarapaxaguinataxanaxac saanqaima qamiri.