1 Corintios 5:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Dá'maq shinac na'le 'neetasa': Se ishit lliguita'piguit cá'maq 'naac rqaỹahi rpi'ỹaxauahi, qam queetalec da nedequenaxac, loqo'm ca namataxalaic, loqo'm ca nqouagaxainot ca nashiilec, loqo'm ca la'axaqa lo'o', loqo'm ca ne'taaxai, loqo'm ca cuataxaic. Chaqai ỹovira'a quiyim se rqui'ỹaxauahi ca qom mashic 'neetari' dajo.

1 Corintios 5:11 Iomraidhean Croise

Mateo 18:17

Ca no'm se na'xaỹaxanalo caua'maxare, ca' qami' 'xachitem ná'maq mashic icoñiguit da na'qaatec ma' lapoota'ta'. Ca no'm se na'xaỹaxana, ca' ca'maxare qohinta'gue cá'maq saqa' icoñiguit da na'qaatec, loqo'm 'neetari' nqohin na icona'piguit ana nishiuete so nashi quiyi Roma.

Mateo 23:25

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Ma' quiỹohi na pa'aauec cana 'taxaqui chaqai na peguet, qam quena pa'aauo, ca no'qaachigui quena rocataxachii chaqai na rqo'itaxanqachiguii.

Lucas 18:11

Ca' so fariseo nachaatetañi, 'ne'teco' quen yí da nqouagaxainaxac: “Qami' qota'olec, qami' saanot da ña'aachic, ma' sqai shinta na liỹaripi, ma' cuataxairipi, hualoxonyipi, chaqai lapaatapi'ñi' aca se loua. Chaqai sqai shinta nataxare' ỹacona'piguit ana nishiuete so nashi quiyi Roma.

Lucas 21:34

Rovichiỹari'o', 'neeto' 'xañii'tegue ca la'ñaxac añi re'taxanatahi sauaxat ca ramaanaxanaxahi quenanchaqaina chaqai quena lataxa, chaqai ná'maq liỹa nouenqaipi quiyi na'xa'a, qaiyi cajo na'xa'a se i'laxatete' qamiri,

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

Hechos 9:17

Ca' so Ananías quepegue' ca na'a' neeta'ñi so Saulo. Ca co'na' inoxono, ca ỹashil-lec quenaua lqai'laqate' so'maxare. Ca 'naaco': —Qami' ỹaqaỹa Saulo, ñí'maq qara'gaxala' Jesús, ñí'maq nachaxano' qami' na' naquisa'gue na nayic, chaqaiñi ñí'maq nelata ỹim aqami', qaiyi liỹa neuañiriñi chaqai qami' no'qaachigui nqohin ma'le queca Espíritu Santo.

Romanos 13:13

Qam ỹaatqajam ña'maxatqata shinqata'gue dá'maq 'neetari' cá'maq mashic queetagui yi na'xa'a. Totqai qomi' ne'taaxaiqa, chaqai se so'ueetaq ca qarqui'ỹaxac quiyim 'xoic ca naỹaac, chaqai dequenaxac, chaqai nanchaqaina namaanaxanaxa, chaqai quiyim ñco'uaqata'ta', chaqai quiyim ñpa'guenqata'ta'.

Romanos 16:17

Ñi'xoresentouguilo qamiri ỹaqaỹarolqa, quiyim na'ijñii'tegue cá'maq reuacqataxantac chaqai cá'maq ro'taqataxantac. Ma' ca'maxare 'eco' npa'guente'e' dá'maq shi'gue 'yiiñii napaxaguinataxaguii. Noỹoochiuec queca'maxare.

1 Corintios 10:14

Vichiguiño' qamiri ñauochaxaua' ỹaqaỹa', 'maxaraic 'iichiỹapeguem nagui quiyim nqouagaxaiñitacot ca nashiilec nqolac.

1 Corintios 11:21

Ma' quena' ỹovita yi laloqo' quiyim qui'ii, 'ue na 'au que'e icona cá'maq chaqa loq. Qam 'ue na liỹa ñaq qopat, chaqai vire'ta 'ue na quiñiuguet.

1 Corintios 6:6

¿Peeta'a ỹouen ca mashic icoñiguit da na'qaatec quiyim 'ue ca qaỹasauaxat queca lqaỹa lpi'ỹaxaua quiyim quepegue' ca nashi saqa' icoñiguit da na'qaatec quiyim ỹa'maxajñi?

1 Corintios 6:9

¿Sqa 'yiiñio' qamiri dajo, ma' queca ỹo'ueetetac ca se ỹa'maxañi queca liỹa, ca se ishit inoxonou'a ca ñaq naataho lo'ueenataxanaxac ñi qota'a? 'Neeto' lotqai quiita'uegue ca nayinaxaguii, ma' se ishit inoxonou'a ma'le da lo'ueenataxanaxac ñi qota'a ná'maq ñaqai queetalec da nedequenaxac, chaqai na ñaq nqouagaxaintacot ca nashiilec, chaqai na lapaatapi'ñi' aca se loua, chaqai ca hueeta'piguit ca nallishiua, chaqai na cuataxaiquipi, chaqai namataxalaic, ne'taaxai, la'axaqa lo'o', chaqai ỹayin ca liỹa quiyim naqat aca lam.

1 Corintios 7:12

Ca' quena liỹaripi shinapega, qam chaqaỹim shinac, ma' dajo sqai 'naac so qara'gaxala': No'm 'ue ca qarqaỹa 'ue aca loua saqa' icoñiguit da na'qaatec, qam aca'maxare ỹa'maxarenta quiyim reloqota'guit ca'maxare, ca cá'maq ỹale se ishit ỹalat aca loua.

1 Corintios 7:15

Qam ca ỹale loqo'm aca 'aalo saqa' icoñiguit da na'qaatec, no'm ipacalec quiyim ỹahotaque ralataxan, hua'yi, ỹo'uet. Ca' quedajo, no'm 'neeta ca qarqaỹa ỹale loqo'm aca 'aalo, ca 'eco' nosoochiguiñi. Ma' ñi qota'a roỹaxanalo qomi', ỹahotaque quiyim qara'maqachiguiñi, sqaicanqaida.

1 Corintios 8:11

Ca' chaqaica quiyim mashic 'ue ca ra'yiinqui' chicqochigui quiyim na'laañi nqai'ñi' ca rqaỹa'e' saqa' ra'ñi ca lpi'ỹaxac quená'maq mashic ileualec qai'neeta so Cristo.

Gálatas 2:12

Ma' na' ñaqai 'aueta lqui'ỹaxaua quen na sqai judioipi. Qam na' 'vii saua novite' ỹale' lelaatqa so Jacobo, ca' quiyi, ca noỹootec na'le so'maxare, ca tot lqui'ỹaxaua na sqai judioipi, ma' no'cha'a ná'maq ñaqai queetalec quiyim qaỹa'ue na netanaxaset na noshicmaxa.

Efesios 5:18

'Neeto' lotqai rquiñiuguichii, ma' dajo tai'a quiyim na'laañi nqai'en ca qom. Ta'ta'a quiyim no'qaachiguilo qamiri queso Espíritu Santo.

Efesios 5:5

Ma' cá'maq ñaqai nocachita'guit aca se loua, loqo'm cá'maq ñaq ỹo'ueetetac cá'maq rapio'qotaxan, loqo'm cá'maq ñaqai queetalec quiyim ipiteta'a ca liỹa (ma' 'nejem cá'maq ñaqai nqouagaxaintacot ca nashiilec nqolac), ca' mashic 'yiiñii qamiri quiyim ca'maxare se inoxona'a ma'le da lo'ueenataxanaxac ma' ỹoiquentac ná'ogue najo ñi Cristo chaqai ñi qota'a.

Colosenses 3:5

Ca' vichiguiño' qamiri ỹaatqajam 'ec ileu nqai'ñii ná'ogue ná'maq no'ueenataxaguii hueetalec na 'laua: Ca' qaica quet cá'maq hueeta'piguit quet aca se loua, chaqai sqo 'viichii cá'maq rapio'qotaxan, chaqai sqai quiita'pegue' na rqo'itaxanqachiguii chaqai quená'maq se no'uen, chaqai se qo'itaxanqachaqaqa qamiri, ma' dajo 'ec quiyim qanqouagaxainot ca nashiilec nqolac.

2 Tesalonicenses 3:14

No'm 'ue ca se na'xaỹaxana da qara'qaatec hueetalec najo qoderecse lere, ca ỹaatqajam na'ijñii'tegue ca'maxare. Ca' ime, ca se naqachiiguit, qaiyi nayiloxon ca'maxare ma'le.

2 Tesalonicenses 3:6

Qamiri qarqaỹa', saqataxalo qamiri quiyim noỹoochiuec quecanchaqaica qarqaỹa quiyim se nqo'ta ro'ueenataxan, chaqai quecá'maq sqai quelec da qarapaxaguinataxanaxac saanqaima qamiri.

1 Timoteo 3:3

Chaqai mese ne'taaxai, chaqai mesqai 'aueteguelec ca lauelgaxanaxac. Chaqai mesqai queetalec quiyim imitete'e aca lauegue. Ta'ta'a quiyim huagaxaraic, chaqai hualaxauaic, chaqai se imitete'e aca lauegue plata.

1 Timoteo 6:5

chaqai da napetaxanaxac qaica ca lqodoc. 'Eda da 'neeta na qomyipi quiyim mashic tot ỹalamaq da la'deenataxanaxac chaqai tot ỹa'den dá'maq ỹaatqajam lliqueta, ma' na'maxare 'neetapega quiyim chicqaugui da re'qoochigui nesallaxa quiyim icoñiguit da na'qaatec. Noỹoochirec ma'le quená'maq qom 'neetari' dajo.

2 Juan 1:10

No'm 'ue ca ỹovitalo qamiri, qam no'm se ỹodootauo dajo napaxaguinataxanaxac, ca' sqai coñiguit queca ra'aari chaqai se niquiñi'e'.

Apocalipsis 2:14

Qam 'vii nauá'maq se yqo'talo caqami'. Ma' quená'maq ñi'sa'ñi Pérgamo ñaqa 'vii nauá'maq saqa' ỹaxañiñi da lapaxaguinataxanaxac so Balaam, só'maq 'naapego' na'le so Balac quiyim so Israel llaalqaipi ỹa'ic ná'maq nachitaxanataxanaxat mashic qoỹaanot ca nashiilec nqolac, chaqai quiyim queetalec da se no'uen lamaanaxanqachic na loshicmaxa, ca chicqochiquio' na'le ca lasauaxaset.

Apocalipsis 2:20

Qam 'ue dá'maq se sa'maxaren caqami'. Ma' qami' 'xañisac añi 'aalo leenaxat Jezabel ma' 'naac letaxaỹaxanqajna ñi qota'a. Qam ỹayintac na ilaatqaipi queda lapaxaguinataxanaxac, ma' que'uegue nqai'en da nedequenaxac, chaqai quiyim ỹa'ic ná'maq nachitaxanataxanaxat mashic qoỹaanot ca nashiilec nqolac.

Apocalipsis 21:8

Ca ná'maq qolonqaiquipi, chaqai ná'maq sqai huelgoto naua ỹa'qaatqa, chaqai ná'maq naqaigaxat, lauataxanaxaiquipi, chaqai na nedequenaxairipi, chaqai na 'naxanaxairipi, chaqai na nqouagaxaintacot na nashiilec nqolac, chaqai ná'ogue na 'maatqaiquipi, na'maxare tai'a nqohin quiyim qainaxañigui ca norec lodegaxat lavigaxat na quiquiaxaic. Ca' chaqaica ca co'uaataxanaxaic nelauaxa.

Apocalipsis 22:15

Qam no'ueenauec ma'le ná'maq ỹo'ueeteta'pe naua se no'viiñi, chaqai ná'maq ỹo'ueetetac ana le'naxanaxaqui, chaqai na nedequenaxairipi, chaqai na lauataxanaxairipi, chaqai ná'maq nqouagaxaintacot na nashiilec nqolac, chaqai ná'ogue ná'maq nqo'ta chaqai ỹo'ueetetac da na'maachic.