1 Corintios 5:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Mesqai shinac quiyim totqa lliguiỹougui ná'ogue na qomyipi quená'maq nedequenaxairipi, loqo'm quena namataxaiquipi, loqo'm ca cuataxaic, loqo'm ca nqouagaxainot ca nashiilec. Ma' no'm totqa lliguiguit na'maxare, ỹouen quiyim ỹaatqajam oquiỹa'e na 'laua.

1 Corintios 5:10 Iomraidhean Croise

Lucas 18:11

Ca' so fariseo nachaatetañi, 'ne'teco' quen yí da nqouagaxainaxac: “Qami' qota'olec, qami' saanot da ña'aachic, ma' sqai shinta na liỹaripi, ma' cuataxairipi, hualoxonyipi, chaqai lapaatapi'ñi' aca se loua. Chaqai sqai shinta nataxare' ỹacona'piguit ana nishiuete so nashi quiyi Roma.

Juan 15:19

Quetqai qamiri 'laua lase', ca ná'maq qomyipi hueetalec na 'laua nqo'talo qamiri, 'ne'tegue da lqo'iichi quená'maq lalamqateripi. Qam ỹim ñca'au'alo qamiri quená'maq qomyipi hueetalec na 'laua. Vichiguiño' na'maxare noquii'alo qamiri, ma' totqai qamiri lase' na 'laua.

Juan 17:6

Ca nauá'maq qami' rca'acshichi' quena 'laua, ca' nañaañirim, naua'maxare sa'deenaxanaxaneguelo aqami'. Ma' ralamqachichi' naua'maxare, ca' qami' nañaañirim, ca naua'maxare na'xaỹaxanteta da ra'qaachiqui'.

Juan 17:9

Ỹim ñi'xoresene'tot qami' quenaua'maxare. Mese ñi'xoresentacot qami' quená'ogue na qom hueetalec na 'laua, ta'ta'a quená'maq nañaañi', ma' ralamaxarichi' na'maxare.

Juan 8:23

Ca' so Jesús 'naaco' queso qomyipi: —Qamiri lase' najo pa'aañi, qam aỹim le'ec da pa'aashiguim. Qamiri 'viichitac na loic na 'laua, qam ỹim se so'uet na loic na 'laua.

1 Corintios 1:20

Ca' nagui ¿negue' ca 'neco' ca 'deenaxanqachaqaic, loqo'm ca napaxaguinataxanaq, loqo'm ca ỹa'den ỹa'xat na huelecna? Ma' dá'maq na'deenec huelecna, da'maxare 'eco' mogollishic nqai'en ñi qota'a.

1 Corintios 10:27

Chaqai no'm 'ue ca saqa' icoñiguit da na'qaatec roỹaxanalo qamiri quiyim rqui'ỹaxauahi, ca' qamii a'guii cá'ogue cá'maq qoỹaanem qamii. Sqai nataxañigue negue' ca chicqa'gue, qaiyi qaica ca se ỹa'maxañi ra'deenataxanaxaguii.

1 Corintios 5:11

Dá'maq shinac na'le 'neetasa': Se ishit lliguita'piguit cá'maq 'naac rqaỹahi rpi'ỹaxauahi, qam queetalec da nedequenaxac, loqo'm ca namataxalaic, loqo'm ca nqouagaxainot ca nashiilec, loqo'm ca la'axaqa lo'o', loqo'm ca ne'taaxai, loqo'm ca cuataxaic. Chaqai ỹovira'a quiyim se rqui'ỹaxauahi ca qom mashic 'neetari' dajo.

1 Corintios 5:9

Caso liỹa ilaata selatalo qamiri, shinac na'le quiyim se ỹa'maxañi quiyim lliguita'piguit na nedequenaxairipi.

2 Corintios 4:4

Ma' so na'ỹaapec se neuanñi nqai'en da la'deenataxanaxac, ca' sqai huelec, qaiyi se iuana da lauaq dá'maq ỹaatqajam no'uen na'qaatec re'oq nqai'en da lauaq so Cristo, ma' chaqaiso só'maq lqui'i nca'leetauec ñi qota'a.

Efesios 2:2

na' ñaqai viitaugui, ca' quiitalec dá'maq no'ueenataxac na qomyipi hueetalec na 'laua, 'viichitac ná'maq ỹahotaque só'maq relaataxantac na'ỹaapec se re'xogui só'maq ỹa'ñaxat ná'maq se na'xaỹaxana ñi qota'a.

Filipenses 2:15

qaiyi qaica ca 'ue ca lasauaxaset chaqai ca 'ue ca lo'maxac caqamiri. Ta'ta'a quiyim ỹaatqajam qamiri llaalqa ñi qota'a, co'teete' qamiri quiyim lliguitaugui na qomyipi hualoxonyipi chaqai nocqaiquipi. Qam naviguerec qamiri, ca' coỹarilec na'maxare, 'ñiitari' aca huaqajñi naviguec quena' napalñi,

1 Juan 4:5

Najo 'maatqaiquipi lalamaxaret na 'laua, ca vichiguiño' ỹa'xateta'pe nauá'maq huerelec ana 'laua. Ca' qana'xaỹaxana quena qomyipi ỹoiquenta'pe naua se no'viiñi huerelec na 'laua.

1 Juan 4:7

Qamiri ỹaqaỹa', no'uen quiyim ñi'xoresenaqta', ma' da ne'xorenataxanaxa chicqo'ot ñi qota'a. Ná'ogue ná'maq 'ue ca le'xorenataxanaxa ỹaatqajam llaalec ñi qota'a, chaqai iuana ñi'maxare.

1 Juan 5:19

Sa'deenaq quiyim qomi' lalamaxarete' ñi qota'a, chaqai quiyim ná'ogue na qomyipi ná'maq hueetalec ana 'laua qoỹoiquentac queso na'ỹaapec.

Apocalipsis 12:9

Ca' chaqaida dá'maq 'neeto' na'le na' qaỹo'daauec so isecỹac chalego lecaic. Ca so'maxare chaqaiso' só'maq ñaauapec 'ec nanaic leenaxat Satanás chaqai na'ỹaapec, só'maq ỹayintaco' quen ná'ogue na ỹoreta'oguit qomyipi hueetalec ana 'laua. Ca so na'ỹaapec chaqai so lelaatqaipi qaỹo'daauec, taalec nqohin na 'laua.