1 Corintios 4:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qamiri ỹaqaỹa', dá'maq shinapegalo qamiri, da'maxare chi ra'maxahi. Ca saloqojnaxangui so Apolos chaqai aỹim, qaiyi qamiri ishit quiyim chigoxochiỹaugui da qana'maqataxac, qaiyi 'yiiñii qaica ca napaguiteguelec quenaua nerecse' na'qaatqa, chaqai qaiyi qaica ca imaqachintac ca liỹa chaqai ca ỹañijintac ca liỹa.

1 Corintios 4:6 Iomraidhean Croise

Salmos 146:3

Mesqai hueeto'ot nqai'ñii ca naquitaxaguii ca qom 'ue nqai 'negue, quecá'maq chaqai qom se ca'laqataxan,

Salmos 8:4

ca viichigui na iuel quiyim shinacsa': ¿Negue' quet ná'maq chi ỹale? ¿Negue' quet ná'maq chaqai qom? ¿Chi'negue ma' sqa 'laxachite chaqai quelollisapega na'maxare?

Isaías 2:22

Totaxan pi'iitapega na qom, ma' sham qaica quet cá'maq 'negue. Ma' da nachaalataxac na qom 'ec quiyim chi qanauec ca nacat. (3.1—4.6 Nouaxanaxaset na nemaqajnaxairipi chaqai sauaqhuaiquipi. Qaỹachaxantac da na'maxa chaqai quiyim pilchigui nqohin dá'maq 'au 'neetari' yi Israel.)

Hechos 18:24

Ca' quesaua na'xata' ỹovito' yi Efeso so judío le'ec leenaxat Apolos, chicqota'gue da na'a' Alejandría dá'maq chi ne'xaỹoqsoqo'. So'maxare ỹaatqajam ỹa'den yi na'qaatec naneresalec naua ñaua'pe nerecse' la'qaatqa ñi qota'a. Quiyim ỹa'xate', qaica ca npatan.

Hechos 19:1

Ca co'na' so Apolos hueeta'ñi yi Corinto, ca so Pablo naquetagui na no'ueenaxanaxaquiripi neetalgoto naua 'lauari qoỹoqoshi'meguelo, ca chi ỹoviretau'o' yi Efeso. Ca 'vio' saua natenalgoto mashic ỹaconchiguit da na'qaatec.

Romanos 12:3

Ma' quedá'maq lqouagaxa ñi qota'a caỹim, ca yilarelec dajo ỹo'ueenataxanaxac, ca shinac dajo caqamiá'ogue quiyim qaica quet cá'maq ỹoiquentac quiyim napacqajan queca chi la'deenataxanaxac. Ta'ta'a quiyim quiñi 'óna ỹa'maxate'tegue ca la'deenataxanaxac quecá'maq laloqo' ca lpi'ỹaxac qoỹaanem quiñi qota'a.

1 Corintios 1:12

Ma' quedajo re'qoota quiyim se natenta' naua ra'qaataxahi. Ma' 'uo' quen na 'naac: “Aỹim ỹa'gaxala' so Pablo”; chaqai 'uo' quen na 'naac: “Aỹim ỹa'gaxala' so Apolos”; chaqai 'uo' quen na 'naac: “Aỹim ỹa'gaxala' so Pedro”; chaqai 'uo' quen na 'naac: “Aỹim ỹa'gaxala' so Cristo.”

1 Corintios 1:19

Ma' 'naac da naneretañi la'qaatec ñi'maxare: Ña'laxatañi da la'deenaxanaxa na 'deenaxanqachaqaiquipi, chaqai sella'gue da lahi na la'deenataxanaxac na 'deenataxanaxaiquipi.

1 Corintios 1:31

Ca “no'm 'ue ca shim napacqachin, hua' qam no'uen quiyim ỹapacqachin so qara'gaxala'.” Ma' 'eda da 'nerac naua nerecse' la'qaatqa ñi qota'a.

1 Corintios 13:4

Cá'maq 'ue ca le'xorenataxanaxa ỹaatqajam 'ñaaxaic lauel, 'naxanaxaraic, se pa'guenaxanaxaic, se napacqajnaxai, chaqai se nemaqajnaxai.

1 Corintios 3:19

Ma' na na'deenec huelec najo 'nejem ca 'ec mogollishic nqai'en ñi qota'a. Ma' naua nerecse' na'qaatqa 'nerac: “Ñi qota'a ỹo'uet quiyim chi noqoinalta' nqai'en na 'deenaxanqachaqaiquipi queda chi lco'ỹaxaric.”

1 Corintios 3:21

Vichiguiño' qaica ca nemaqajan caqamiri quiyim ỹa'queetalec ca chaqai qom, ma' ná'ogue nanchaqaina huelecna chi ralamaxachii:

1 Corintios 5:2

¡Qam qaiyiita nemaqajñitac qamiri! Qamiri chigoita quet 'ñiitari' ca 'ue ca lasauaxanec, chaqai cajo ỹale ỹo'ueetetac dajo chalego la'aaxa ỹaatqajam o'yiỹauec quet, paguec la'maxa quiyim se ỹalegouguilo qamiri.

1 Corintios 5:6

Qamiri se ỹa'maxañi quiyim nemaqajñii quedá'maq 'viichitac. ¿Sqa 'yiiñio' da na'qaatec ma' 'naac: “Ca cocho'qui' lalegue' na pan ishit pe'taxachigui cá'ogue ca naqaulatec 'aríña”?

1 Corintios 8:1

Ca' nagui sa'xatema qamiri ca leloxoỹaxac ca na'ic mashic qanqouagaxainlec quiyim qoỹaanot ca nashiilec nqolac. 'Nesa ma' llic quiyim qomá'ogue sa'deenqachigui dajo, qam da qara'deenaxanaxa tai'a nqai'ne' qomi' da nque'guenataxanaxac. Qaidaata da ne'xorenataxanaxa ỹo'uet da qarañaqtaxac.

1 Corintios 9:23

Ca' quená'ogue sadenaxat, ma' sahotaque quiyim ñouanau'a na chicqaugui dajo na'qaatec chicqaugui da nca'laxa.

2 Corintios 10:12

Ma' qomi' se sahoqotaque quiyim shinqajam malam, loqo'm quiyim ñaloqojnaxaguit ca nachaalataxac ca qom no'uen ca ỹa'xatetac, qam chi na'xateteguelta'. Ma' dajo chi lo'maxac ca'maxare, ma' chi neguemaxateteguelta' chaqai quiñi 'óna chi naloqojonta'piguit da nachaalataxac ca liỹa.

2 Corintios 10:15

Chaqai se spa'axalec cá'maq shi'gue lo'ueenatec ca liỹa qom quiyim 'ec qaralamaxat. Ta'ta'a quiyim sahoqotaque nqo'neuec ca rpi'ỹaxaguii, ca nqo'neuec ca qaro'ueenataxanaxac caqamiri. Qam se ñapacqalec cá'maq lqodoc ná'maq qaro'ueenataxanqa'.

2 Corintios 10:7

Qamiri ra'iitapigui na chaqai qom. Ca no'm 'ue ca 'neetapega ỹaatqajam queeta'pegue' so Cristo, ca qai'neeta retanta quiyim qomi' qai'neeta qolqata'pegue' so Cristo.

2 Corintios 11:4

Ma' qamiri ỹaatqajam na'ñaxachiiguit ná'maq ỹoviretape'ogalo qamiri ỹa'xatetac ca liỹa Jesús sqai 'nejem só'maq sa'xatqatac qomi', chaqai livillii'chiguit só'maq ỹoqa'a espíritu quesó'maq shi'gue coñiguit, chaqai da na'qaatec ỹoqa'a quedá'maq na'qaatec chicqaugui da nca'laxa shi'gue 'xaitapega.

2 Corintios 12:19

Loqo'm ¿'neetapigui qavillii quiyim ca 'óna qoshiiteguelec ca liỹa coqomi'? Qam mesqaida. Ta'ta'a quiyim dá'maq sa'xatqatac ỹa'deenta ñi qota'a, chaqai quiichigui nqaishinaq da leenaxat so Cristo. Qam qamiri ñauochaxaua' ỹaqaỹa', dá'ogue dajo taỹaugui quiyim nqo'ñishiguim ca llaxataxague' qamiri quena se re'xogui.

2 Corintios 12:20

Ma' ỹim 'ue da itelaxa quiyim ma' sovitalo qamiri 'neeto' lotqai sqai 'ñiitari' dá'maq sahotaque quiyim 'ñiitari' quet, chaqai 'neeto' ỹoqa'a ca shintari' ma' huañiua'. Ma' 'ue da ỹoqolonaxa quiyim ñaqai hueetauguilo qamiri quiyim se na'yiiñiỹata', npa'guiñita'ta', 'ohita'ta', na'aavitegueshiguim, la'axaqa lo'o', novirqataxanaxac, maqajnaxac, chaqai sqaica ca 'maqataxac.

2 Corintios 12:6

Ma' quetqai chaqaỹim seshit quiyim lo'yaxanec ca sa'xatetac, qam chi ña'xateteguelta', ca' dajo mesqai 'ec chaqai hualoxonqaishic, ma' lliqueta quet dá'maq sa'xatetac. Qam sqai shine'tegue dajo, qaiyi qaica ca ỹapacqajnauec dá'maq la'ajnaxanaxac caỹim, loqo'm quecá'maq 'qaachigui ỹa'qaatec.

2 Corintios 4:15

Dá'ogue dajo mashic re'oq, ma' qaỹahotaque ca re'maxahi, qaiyi ma' 'xoic ca icoñiguit ca lqouagaxa ñi qota'a, ca qai'neeta 'xoic ca ỹaanshiguim ca na'aachic ma'le, ma' dajo taỹaugui quiyim qaimaqachin ñi qota'a.

Colosenses 2:18

Mesqai 'xañiigue quiyim rouootaxana'gue cá'maq raviguiguii ná'maq 'ec nañoxojñi neneequesenta chaqai nqouagaxaintacot na nelaatqaipi piguim laseripi. Ma' na'maxare tau'a quiyim ỹo'uet ná'maq se iuanapega chaqai pi'chigui queda nemaqajnaxac quená'maq chi la'deenataxanaxac.

1 Tesalonicenses 1:5

Ma' na' qomi' sa'xataq caqamiri da na'qaatec chicqaugui da nca'laxa, mese nodaachiriñi naua chi qara'qaatqa, ma' qai'neeta da lquesaxanaxa so Espíritu Santo, chaqai ỹaatqajam sa'deenqata quiyim dá'maq sa'xatqatac ỹaatqajam lliqueta. Qamiri 'yiiñita dá'maq qana'maqataxac na' salecqatauguilo qamiri, ma' sahoqotaque quiyim ra'maxaiñi.

2 Timoteo 2:10

Vichiguiño' ña'ñaxachiguit ná'ogue nanchaqaina, ma' sahotaque quiyim na qota'a lca'acseripi ỹovira'oga da nca'laxa chalego loyac chaqai sqaica lqodoc. Dajo nca'laxa taỹoto qomi', ma' mashic ña'daqatau'a so Cristo Jesús.