1 Corintios 4:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca vichiguiño' caqamiri mesqai 'aviỹalec quiyim michii ca riỹahi. Nauaañiỹa'piguit só'maq qara'gaxala' ma' novi', ca re'oq nqai'en ca hueetaugui na napalaxa. So'maxare re'oq nqai'en ma'le na 'neetari' na ne'taxanatallipi. Ca ñi qota'a ỹaanem queca 'óna cá'maq 'neeta ca na'maqataxac.

1 Corintios 4:5 Iomraidhean Croise

Eclesiastés 11:9

Qami' ne'necolec, hualaxai'sac queda nachaalataxaqui' ma' ñaqaqami' nogot. Quiisa'pegue' da ra'deenataxanaxaqui' quená'ogue ná'maq 'ajñisac, qam 'neeto' lotqai 'laxachite quiyim quedá'ogue dajo rimichi' ma'le ñi qota'olec.

Eclesiastés 12:14

Ñi qota'olec qarenat ma'le quená'ogue ná'maq so'ueetqatac lo'yaxanec loqo'm se no'uen, 'eno'm ñañoxotqatañi quiyim so'ueetaq.

Mateo 10:26

Ca' vichiguiño' 'neeto' ro'chiitapega ca qom. Ma' sqaica quet cá'maq 'ueenataxac quiyim se qaichoxotec, chaqai qaica quet cá'maq qoỹo'tetegueñi ỹovireta'a quet quiyim se qaỹa'den.

Mateo 24:30

Ca ma'le, ca' qaiuana quena piguim ca letanec najo ỹale llaalec. Ca ná'ogue na ỹoreta'oguit qomyipi noỹentagui, ma' qaidaana'guit najo ỹale llaalec naquetaugui na naueguelec, ỹaatqajam chalego lquesaxanaxa chaqai na lauaq.

Mateo 24:46

Chalego la'maxa queca nelaatec, quiyim ma' novi' ca na'co', ca iuanejlec ñaq ỹo'ueetetac cá'maq qailarelec.

Mateo 25:21

Ca só'maq a'co' 'naaco': “Ajá'a, ỹa'maqachiguiñi, ỹaatqajam qami' no'uen chaqai qamaxaraic nelaatec. Ma' qami' qamaxaraic quecá'maq sqa looqui', ca' paguec lecaic cá'maq spataqairaxalec. Nagui nenoxoñiro, ca' qami' ñitoonaxaua.”

Mateo 25:23

Ca so na'co' 'naaco': “Ajá'a, ỹa'maqachiguiñi, ỹaatqajam qami' no'uen chaqai qamaxaraic nelaatec. Ma' qami' qamaxaraic quecá'maq sqa looqui', ca' paguec lecaic cá'maq spataqairaxalec. Nagui nenoxoñiro, ca' qami' ñitoonaxaua.”

Lucas 6:37

Sqai michiỹaque ca lasauaxaset ca riỹahi, qaiyi ñi qota'olec se imite' qamiri. Chaqai sqo 'viichii ca nouaxanaxaset ca riỹahi, qaiyi ñi'maxare se ỹa'ue ca nouaxanaxashichii. Qam 'xorenataxaño', qaiyi ñi qota'olec i'xorene' qamiri.

Juan 21:22

Ca' so Jesús 'naaco': —No'm ỹim sahotaque quiyim da'maxare queeta nca'leetauec, chi ỹovireta'a ma' liỹa yapil, qam ¡qami' 'xañisac; ma' qami' sqa 'irapegueu'a! Qam qami' quitegue aỹim.

Juan 21:23

Ca' queugui so nqaỹaripi da na'qaatec quiyim se ileu so napaxaguinaxaua. Qam so Jesús mesqai 'naaco' queso'maxare quiyim se ileu. Ta'ta'a quiyim 'naac: “No'm ỹim sahotaque quiyim da'maxare ñaq nca'leetauec, toco' ma' ỹovita quiyim liỹa yapil, qam ¡qami' mesqa 'irapegueu'a!”

Juan 5:44

¿Negue' cá'maq 'neeto' quiyim 'ue ca viilec qamiri quiyim coñi'chiguit ca lemaqajnataxanaxa quiñi 'óna 'nejemalam, qam sqai michiỹaque cá'maq nemaqajnataxanaxa chicqo'ot ñí'maq qaiñiita qota'olec?

Romanos 14:4

Ca ¿negue' quet qami' quiyim qui'seguelec cá'maq ỹoqa'a nelaatec? No'm ỹa'maqachiguiñi cá'maq ỹo'ueetetac, loqo'm se ỹa'maxañi, qam nanoiquenta'pegue' cá'maq chi na'co'. Qam ỹa'maxañi ma'le, ma' só'maq qara'gaxala' 'ue da lquesaxanaxa quiyim ỹa'maxañi nqai'en ca'maxare.

Romanos 2:1

Vichiguiño' qaica quet cá'maq 'neeta quiyim sqaica quet ca rasauaxashichi', qami' quiyim ra'iisapigui ca lasauaxaset ca liỹa, 'eno'm canchaqai 'ñiite'. Ma' quiyim ra'iisapigui ca nasauaxaset, ca vi'saque cá'maq chi nouaxanaxashichi', ma' dá'maq ra'iisapigui chaqaida dá'maq qami' 'viichi'sac.

Romanos 2:16

quecajo pa'aatec na'xa'a, ma' ỹovita quiyim ñi qota'olec imite' naua se re'xoguilo no'ueenataxaco ná'ogue na qomyipi chicqochigui nqai'en so Jesucristo. Ca' ipaquichigui ma'le dajo sa'xatetac na'qaatec chicqaugui da nca'laxa.

Romanos 2:29

Ta'ta'a quiyim cá'maq ỹaatqajam judío le'ec, qam quená'maq pa'aauo; chaqai quiyim 'ue ca netanec, qam cañi le'taxanata. Qam sqa chicqaugui na naqataxac naneretañi, chicqaugui da se re'xogui 'ueenataxac. Cá'maq 'neetari' dajo, ca qaỹa'maxarenta; qam mesqai quena qomyipi, ta'ta'a quiñi qota'olec.

Romanos 2:7

Ca ñi'maxare ỹaanem da lca'laxa sqaica lqodoc ná'maq idaantaque da lquesaxanaxa chaqai qaimaqachin quená'maq sqaica lqodoc chicqo'ot ñi qota'a quiyim se neme ỹo'ueetetac na ỹa'maqachiguiñi.

1 Corintios 1:7

Ca chaqaida 'neeta quiyim qaica ca viñitaque quená'maq lame ñi qota'a, ca chi nauaañitaque ca na'xa'a quiyim novi' so qara'gaxala' Jesucristo.

1 Corintios 11:16

Qam no'm 'ue ca shim retaxaỹa'guit dajo, ca 'maxaraic quiyim ỹa'deenta quiyim coqomi' chaqai quená'maq mashic huelec ñi qota'a qaica ca liỹa no'ueenataxac.

1 Corintios 11:26

Ca' vichiguiño' quiyim ỹovita a'guii na pan chaqai ni'chiigui ana 'taxaqui, lotqai 'xachitac da lelauaxa so qara'gaxala' Jesús, chi ỹovireta'a cá'maq na'xa'a quiyim rapil.

1 Corintios 15:23

Qam quiñi 'óna ỹaatqata quecá'maq chi lalamaxat noỹaxanaxac. Qam só'maq Cristo só'maq 'au nca'leuec nqohin. Ime, ca lotqai qalam ná'maq lalamqateripi so Cristo, ma' liỹa rapil.

1 Corintios 3:13

Qam ca lo'ueenataxanaxac quiñi 'óna ma'le re'oq ma' ỹovita ca pa'aatec na'xa'a. Ma' queca na'xa'a novi' ma'le ca norec, ca' cajo norec ỹavigaxat ná'maq ỹoreta'oguit no'ueenataxanaxat. Ca' quiyi, ca hua'ñi, ca re'oq cá'maq lo'ueenatec quiñi 'óna.

1 Corintios 3:14

Ca qom no'm no'xonshiguim ca 'imec, ca no'm qaiqalanac queca norec, ca' ca'maxare icoñiguit aca nishiuete.

1 Corintios 3:8

Qam ca danaxan chaqai ca rocoraxantac caua'que qaica ỹapaguec, qam quiñi 'óna ỹacoñiguit da nishiuetenaxac da lo'ueenataxanaxac, ma' qaishiueten quiñi qota'a.

2 Corintios 10:18

Ma' cá'maq qom quiyim qaỹa'maxarenta, qam mesqaica ca chi na'xateteguelta'; ta'ta'a cá'maq qaimaqachin quiñí'maq qara'gaxala'.

2 Corintios 10:9

Se yqo'ta quiyim 'ec sqo'ỹoqochiteta'pe qamiri quiyim sahota'ahi naua ilaata.

2 Corintios 4:2

Ná'maq qaỹo'uet, qam qoỹoxotetañi, ca' se seconaxaguit, chaqai ná'maq ỹo'uet ca nayiloxo. Se sayinaxanqatac, chaqai se saỹoxosoxonqasapeguec naua la'qaatqa ñi qota'a. Ta'ta'a quiyim qaidaata dá'maq lliqueta dá'maq sa'xatqatac, ca' canchaqaica quená'ogue na qomyipi qara'deenta, ca' dajo ỹa'ajantac ñi qota'a.

2 Corintios 5:10

Ma' qomá'ogue ñachaataxau'a ma'le cá'maq hua'ñi so Cristo quiyim imit na nasauaxaseteripi, ca' quiñi 'óna icoñiguit ca laseue' ca lo'ueenatec na' ñaq ỹouootegueri', 'maxaraic, loqo'm se ỹa'maxañi.

1 Tesalonicenses 5:2

Ma' qamiri mashic 'yiiñita ca na'xa'a ma' novi' rapil so qara'gaxala'. Novi' so'maxare, ma' sqaica ca qaỹahotaque, 'nejem ca cuataxai quiyi pe.

Hebreos 4:13

Qaica quet cá'maq ishit nañoxotetegueñi quiñi qota'a quená'maq lo'ueenatqaipi ñi'maxare. Ma' ná'ogue na'maxare re'qoota chaqai ỹanetec nqai'en ñí'maq ra'iitalec na'maxare, ñí'maq 'ue ca na'xa'a, ca ñachaataxau'a quiyim sa'xataq ca qaro'ueenataxanaxac.

Santiago 4:11

Qamiri ỹaqaỹa', 'neeto' 'ue ca ỹa'xat ca se no'uen queeteguelec ca liỹa. Ma' ca se no'uen ca ỹa'xat queca lqaỹa, loqo'm ỹiquetapigui ca lasauaxaset, ca'maxare se no'uen da ỹa'xat quena naqataxaquipi chaqai napaqueteguelec. Chaqai no'm qami' michi'sac na naqataxaquipi, ca 'nejem qami' cá'maq imitac na nasauaxaset, qam se na'xaỹaxañita na naqataxaquipi.

Santiago 5:7

Vichiguiño' qamiri ỹaqaỹa', ỹaatqajam coñiỹa da neualaxauenaxaguii quiyim nauaañitaque ca loviraxac so qara'gaxala' Jesús. Ma' ca no'ueenaxasec quiyim ỹahotaque ỹacoñiguit ca loyac ca laỹaxac ca lanecsec, ca ỹaatqajam 'ue da leualaxavic, nauaanta'alo caua loviraxaqui' naua ỹaaqate'.

Santiago 5:9

Caqamiri ỹaqaỹarolqa, 'neeto' 'ue ca queeteguelec ca liỹa caqamiri, qaiyi qaica ca qaỹa'ue ca lasauaxaset. Ma' ñi qota'a ñí'maq imit ma'le na nasauaxaseteripi, tot qaỹaloq novi'.

1 Pedro 1:7

Ma' da rpi'ỹaxaguii 'neetari' ca 'oro, ca' ỹouen quiyim qai'guen, qaỹahote'e ca norec, qaiyi re'oq cá'maq ỹaatqajam loyac. Da npi'ỹaxac quiyim ca'laxatauec ca ne'guenaxac, ca' paguec loyac queca 'oro, ma' ca'maxare tai'a quiyim imeuo. Ca' vichiguiño' da rpi'ỹaxaguii qamiri quiyim qai'guen, ca re'oq quiyim qaỹa'maxarenta chaqai qaimaqachin da loyac ma' ỹovita quiyim liỹa re'oq so Jesucristo.

1 Pedro 5:4

qaiyi ma' ỹovita quiyim novi' só'maq reloqota'a ná'ogue na la'gaxalateripi ná'maq mashic icoñiguit da na'qaatec, ca' coñiguit cá'maq nishivichii 'ue lauaq, sqai 'nejem aca lishiuetenaxanqate ca chaqai qom, ma' ishit ỹaso 'nejem aca qo'paq laue.

2 Pedro 3:12

Ca nauaañita'guit ca na'xa'a loviraxaqui ñi qota'a quiyim imit ná'ogue najo, 'ec sqoỹoxoguit nqai'ñii. Cajo na'xa'a sogui nqohin ma'le na piguim, qaỹahote'e ca norec, chaqai na hueeto'ot na piguim quiguiñi ma'le nqai'en ca norec lauaq.

2 Pedro 3:4

Ca inate' qamiri ma'le: “¿Negue' cá'maq 'neeto' cá'maq qaỹachaxantac caqamiri quiyim liỹa novi' ca Cristo? Ma' shi'gue na' ileu so 'auaxaic qareta'allipi, ná'ogue chaqaidaata dá'maq 'neetari' shi'gue na' ñaqai chita'gue qaỹo'uet na 'laua.”

Judas 1:14

Qai'neeta so Enoc só'maq hueetougui só'maq pa'aatec na' siete nqo'neuec nqohin so llaalqaipi so Adán, so'maxare ỹa'xat dajo na'le na' ra'qaataxan nqohin quiñi qota'a, co'na' 'naac: “Seuañi'chiguit ñi qara'gaxala' nauequeta'pegue' ná'maq canchaqa ỹoto'o' mil ná'maq lalamqateripi,

Apocalipsis 1:7

¡Ñaq ra'iiguit, na Cristo naquetaugui na naueguelec! Ca ná'ogue iuañi'chiguit ma'le, vire'ta ná'maq coñirqachit iuana ma'le. Chaqai ná'ogue na ỹoreta'oguit qomyipi hueetalec ana 'laua ỹaatqajam noỹentagui ma' idaana'guit. Ajá'a, ca' chaqaida 'neeta ma'le.

Apocalipsis 20:12

Chaqai seuane'ta na leuaxaiquipi cocho'qui' chaqai na lodegaxat nachaatetañi, reloqoto'ot ñi qota'a. Ca qaỹauachiguilo saua lerel chaqai aso liỹa lere asó'maq lere naneretalec ná'maq qanca'laxatec. Ca ná'maq leuaxaiquipi qaimit, ca' qaishiueten quiñi 'óna quecá'maq ỹo'uet quená'maq qoỹeresalec saua lerel.