1 Corintios 4:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ma' no'm ỹovi' ca diez mil ca ỹapaxaguinque qamiri so Cristo, qam se ishit quiyim 'xoic ca qataa'illipi. Ma' ỹim ná'maq leta'a da rpi'ỹaxaguii queso Cristo Jesús. Ma' ỹim ná'maq sa'xatema qamiri na'le dá'maq na'qaatec chicqaugui da nca'laxa.

1 Corintios 4:15 Iomraidhean Croise

Romanos 15:20

Ca' ñquipita'pegue' sa'xat da nca'laxa quená'maq saqa' iuanapega 'xaỹa da leenaxat so Cristo, qaiyi sqai shinta cá'maq no'xonshiguim ca 'imec quiyim ỹoqa'a cá'maq ỹo'viijñi cá'maq no'xonaxala'.

1 Corintios 1:30

Ma' chaqaiñi ñí'maq qota'a ỹo'uet quiyim na'yiitau'a so Cristo Jesús; chaqai ỹo'uet quiyim chaqaiso so'maxare qara'deenec, chaqai chaqaiso chigoxochichigui quiyim qaỹa'maxarente' qomi' quiñi qota'a, chaqai qomi' lalamaxarete', chaqai quiyim qomi' yca'laxauec.

1 Corintios 15:1

Nagui qamiri ỹaqaỹa', sahotaque quiyim sqa 'laxachihe da na'qaatec chicqaugui da nca'laxa dá'maq saanema qamiri. Ma' dajo na'qaatec dá'maq coñiguit na'le, ca' ñaqaida lo'xoitañi.

1 Corintios 3:10

Ca aỹim shintam ca nashi queca 'imec lo'ollipi, ma' ñi qota'a ỹamaxailec quiyim sa'auaxanñi so no'xonaxala' ca 'imec, ca' na liỹaripi no'xonshiguim so'maxare. Qalaxam quiñi 'óna ỹouen quiyim ra'ijlec ca leloxoỹaxac quiyim no'xonshiguim.

1 Corintios 3:6

Aỹim na'le sanñi da no'ueenataxanaxac, ca' na'le lotqai anac so Apolos, ca ỹocorelec, qam ñí'maq qota'a maq ỹo'uet da lañaqtaxac.

1 Corintios 3:8

Qam ca danaxan chaqai ca rocoraxantac caua'que qaica ỹapaguec, qam quiñi 'óna ỹacoñiguit da nishiuetenaxac da lo'ueenataxanaxac, ma' qaishiueten quiñi qota'a.

1 Corintios 9:12

Ma' quiyim quená'maq liỹaripi 'neete'm qomi', ca' qamiri shivichiñii da lo'ueenataxanaxac, ca' ¿huose'queto' quiyim se ỹapacauec quiyim qarishivichiñii qomi'? Qam qomi' se seshitaq quiyim souenaq dajo quiyim qomi' 'ue ca shinqac. Chaqaidaata qomi' ña'ñaxataxaguit ná'ogue nanchaqaina, qaiyi qaica ca ỹanaxat dá'maq na'qaataxanaxac dá'maq na'qaataxac queso Cristo.

1 Corintios 9:14

Ca' qaican ỹapaguec da laqataxac so qara'gaxala' quiyim quecá'maq ỹodootac da na'qaatec chicqaugui da nca'laxa, ca'maxare ishit que'eetapigui da la'qaataxanaxac.

1 Corintios 9:16

Caỹim mesqai 'ec ñimaqajan quiyim sa'xatetac da na'qaatec chicqaugui da nca'laxa, ma' chaqai qaỹamaxailec quiyim so'uet. Ma' ¡'xoraicolec aỹim no'm se sa'xat da'maxare!

1 Corintios 9:18

Ca' chaqaida da ñishiue' dá'maq ñitoonaxac quiyim sa'xatetac da na'qaatec chicqaugui da nca'laxa, se sahotaque aca ñishiuete. Dá'maq 'neeta quiyim mesqai shiqueteguelec da ñilaataxac quiyim sque'eetapigui da quiyim aỹim na'qaataxanqajnec.

1 Corintios 9:23

Ca' quená'ogue sadenaxat, ma' sahotaque quiyim ñouanau'a na chicqaugui dajo na'qaatec chicqaugui da nca'laxa.

2 Corintios 4:5

Ca' quena' sa'xatqatac dajo na'qaatec, se ña'xatqateguelta' qomi'. Ta'ta'a quiyim sa'xatqatac so Jesucristo quiyim chaqaiso só'maq qara'gaxala'. Qam coqomi', ca shinqac qomi' relaataxahi, quedá'maq le'xorenataxanaxa so Jesús.

Gálatas 3:24

Ca ná'maq naqataxaquipi pa'aalgoto qomi' quiyim reloxoỹa'alo qomi', 'neeta'guelo qomi' ca ñaaqolqai'. Ca' qarapaxaguin, toco' ma' novi' so Cristo, ca' ma' seuaxalec so'maxare, ca' qaỹa'maxarente' qomi' quiñi qota'a.

Gálatas 3:25

Ca' nagui mashic novi' da npi'ỹaxac, ca tot reloxaỹa'alo qomi' na naqataxaquipi ma' 'ec ca napaxaguinataxanaq.

Gálatas 4:19

Qamiri ỹaalqolqa, lotqai liỹa sovirau'a da nqui'ic caqamiri, shintari' aca 'aalo quena' shim ne'qaañi ca llaalec; qam shiquetalco' da i'xoric, vire'to' ma' nalogoñi quiyim 'ñiitari' so Cristo.

2 Timoteo 4:3

Ma' 'uo' ma'le ca na'xa'a quiyim na qomyipi tot ishit na'ñaxachiguit cá'maq no'uen napaxaguinataxanaxac. Ta'ta'a quiyim quelec da chi lqo'itaxanqachic, ca' ỹahotaque quiyim 'xoic ca napaxaguinatqo' quiyim qaỹapaxaguinegue qaicaata cá'maq nqo'ta 'xaỹa.

Tito 1:4

Qami' Tito, shinta'gue quiyim 'ec qami' ỹaalec, ma' ỹim chicqo'ot quiyim 'ue da rpi'ỹaxaqui' dá'maq hueeto'oto qomi'. Selata qami' ana ỹerecse, ma' sahotaque quiyim coñichiguit ca qouagaxa, chaqai da ne'xorenataxanaxa, chaqai da na'maxa chicqo'ot ñi qota'olec chaqai so qara'gaxala' Jesucristo só'maq qarca'laxaqui.

Filemón 1:19

Ca' ỹim Pablo shiriñi da ỹa'qaatec quiyim seshivichiñi' ma'le. Sha'apiguito' viichigui qavilli' quiyim ñaqa 'ue aca ra'ualli'i' caỹim queda chi nachaalataxaqui'.

Santiago 1:18

Nañaanoxorom da qarca'laxa chicqochigui nqai'en da na'qaatec ỹaatqajam llic, ma' ỹahotaque quiyim qomi' la'auaxanqa la' quená'ogue na lo'ueenatec. Ma' chaqaida dá'maq ỹahotaque.

1 Pedro 1:23

Ma' qamiri mashic dalaxaic ne'xaiñi, qam da ne'xaỹoqsoxoguii sqai chicqochiguilo caua re'qoochiguilo qata'allii, ma' ileue' caua'maxare. Ta'ta'a quiyim da ne'xaỹoqsoxoguii chicqochigui da la'qaatec ñi qota'a dá'maq nca'leesauec chaqai se imero.