1 Corintios 4:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Qam dajo shiriñi se sahotaque quiyim qamiri sayilqochichii, qaidaata sahotaque quiyim saqatalo qamiri, ma' shiñitaxaric caua ỹauochaqate' ỹaalqa.

1 Corintios 4:14 Iomraidhean Croise

Hechos 20:31

Vichiguiño' ỹaatqajam rovichiỹari'o'; no'viñita'gue quecaua tres ñaxari, quiyi na'xa'a chaqai yi pe, qaica lqodoc quiyim sapaxaguinta'pe qamiri, saqatetapegalo qamiri, ñoỹentalec quiñi 'óna caqamiri.

1 Corintios 15:34

Pilliu'a dá'maq chaalataxac co'teeta, se raỹaacotac, chaqai 'xañiñi da reualoxonqaishiguii, ma' 'ue na saqa' iuanapega ñi qota'a caqamiri. Ca' dajo shinac, qaiyi 'ue ca rayiloxohi.

1 Corintios 4:15

Ma' no'm ỹovi' ca diez mil ca ỹapaxaguinque qamiri so Cristo, qam se ishit quiyim 'xoic ca qataa'illipi. Ma' ỹim ná'maq leta'a da rpi'ỹaxaguii queso Cristo Jesús. Ma' ỹim ná'maq sa'xatema qamiri na'le dá'maq na'qaatec chicqaugui da nca'laxa.

1 Corintios 4:17

Vichiguiño' selatalo qamiri ca Timoteo shinta'gue ca ỹaalec, ma' ỹim chicqochigui quiyim queetalec so qara'gaxala'. So'maxare no'uenaxanaxanque qamiri da ỹicyaxac ma' seuelec so Cristo, dá'maq sapaxaguinataxanta'pegue quená'ogue na no'ueenaxanaxaquiripi ná'maq neesalec naua 'lauari.

1 Corintios 6:5

Ca' dajo shinac, qaiyi 'ue ca rayiloxohi. Ma' 'eco' qaico' ca 'oonoqui' ishit imitaque ca leloxoỹaxac cajo quená'maq nqaỹaripi.

1 Corintios 9:15

Qam aỹim se ỹauanapega souen da ñañinlataxac, chaqai sqai shiriñi quiyim sahotaque quiyim 'ue ca qanañan. Ma' ¡paguec la'maxa quiyim yileu, qaiyi qaica ca ishit naqat da ñitoonaxac hueetaỹot!

2 Corintios 11:11

¿Chi'neco' ma' shi'ntegue dajo da ỹa'qaatec? ¿Loqo'm dá'maq quiyim se yqo'talo qamiri? Ñi qota'a ỹa'deenta quiyim ỹaatqajam yqo'talo qamiri.

2 Corintios 12:19

Loqo'm ¿'neetapigui qavillii quiyim ca 'óna qoshiiteguelec ca liỹa coqomi'? Qam mesqaida. Ta'ta'a quiyim dá'maq sa'xatqatac ỹa'deenta ñi qota'a, chaqai quiichigui nqaishinaq da leenaxat so Cristo. Qam qamiri ñauochaxaua' ỹaqaỹa', dá'ogue dajo taỹaugui quiyim nqo'ñishiguim ca llaxataxague' qamiri quena se re'xogui.

2 Corintios 7:3

Qam sqai shinac dajo, ca' sahotaque ca rasauaxashichii. Ma' shi'gue shinac caqamiri quiyim silliitaguilo qamiri añi i'taxanata, qamiá'ogue ica'laxaua' chaqai qamiri ilauaxaua'.

Colosenses 1:28

Qomi' sa'xatqatac so Cristo. Ca' 'ue da qaraqataxac quená'ogue, chaqai ná'ogue sapaxaguinqatac, qaiyi ỹaatqajam ỹa'deenta ca leloxoỹaxac, qaiyi quiñi 'óna ỹaatqajam noquiiquetashiguim ma' na'deetau'a so Cristo.

1 Tesalonicenses 2:11

Chaqai qai'neeta 'yiiñii da qara'ñaaqataxanaxac chaqai quiyim lo'yigui lauel nqaishinaq quiñi 'óna caqamiri, 'nejem da 'neeta'gue ca neta'a queca llaalqaipi.

1 Tesalonicenses 5:14

Qai'neeta saqataxalo qamiri qarqaỹa' quiyim ỹaatqajam 'ñiỹapega ná'maq se nqo'ta ro'ueenataxan, chaqai 'ñaxachii ná'maq se ra'ñiigui na lauel, chaqai tauañii na se ra'ñi da lpi'ỹaxac, chaqai quiyim neualaxaviñi'te' ná'ogue na qomyipi.

2 Tesalonicenses 3:14

No'm 'ue ca se na'xaỹaxana da qara'qaatec hueetalec najo qoderecse lere, ca ỹaatqajam na'ijñii'tegue ca'maxare. Ca' ime, ca se naqachiiguit, qaiyi nayiloxon ca'maxare ma'le.

Filemón 1:10

sashiila'e' quiyim qouaquitegue na Onésimo, ma' mashic llaalec da ipi'ỹaxac quenajo ncoñiitaxanaxaqui.

1 Juan 2:1

Qamiri ỹaalqolqa, ỹim shiriñi dajo, ca' selatalo qamiri, qaiyi qaica ca ỹo'uet ca lasauaxaset. Chaqai no'm 'ue ca 'ue ca lasauaxaset, qam 'ue só'maq ishit retaqalgoto qomi' quiñi qota'olec. So'maxare chaqaiso so Jesucristo só'maq ishit ỹo'uet ca ỹa'maqachiguiñi.

3 Juan 1:4

Qaica quet cá'maq paguec ỹo'uet ca ñitoonaxac, ta'ta'a quiyim sa'den quiyim na ỹaalqaipi queetalec dá'maq ỹaatqajam lliqueta.