1 Corintios 4:12 - La'qaatqa ñi qota'olec Qota'olec & Qota'olec Novita Na Qomyipi

¹² Qaresot sauaxat na re'qoochigui qaro'ueenataxanaxac. Na qomyipi ishiuentalgoto qomi', qam qomi' sa'xatqata'pe naua no'viiñi na'qaatqa. Qarocanta'pe, qam qomi' ña'ñaxataxaguit da qanocanaxac.

1 Corintios 4:12 Iomraidhean Croise

Mateo 5:11

Ỹaatqajam chalego la'maxa caqamiri, ma' qaishiuenta'pe, chaqai se qaỹa'maxata'que qamiri quena qomyipi, chaqai ma' qaiỹoxolgoto qamiri quena se no'uen qaro'maqajñitac, sovitapigui quiyim viilec aỹim.

Mateo 5:44

Qam ỹim shinac caqamiri, 'xoriñii ca npa'guenaxauahi, chaqai no'uen cá'maq naxailec cá'maq ishiuenta'pe qamiri, 'maxachii'tegue cá'maq qamiri loquiiqate', nqouagaxaiñitalec cá'maq ishiuenta'pe chaqai se ỹa'maxata'que qamiri.

Lucas 23:34

Ca co'na' ñaq qaipatentapego, ca' so Jesús 'naaco': —Qami' qota'olec, 'xoriñi' na qomyipi, ma' se ỹa'den da ỹo'ueetetac. Ca' so nouaataxanyipi nallitetapiguilo saua loho so Jesús quiyim negue' ca taalgoto saua'maxare.

Lucas 6:28

chaqai shiilaxañilec queca no'uen quecá'maq rashiilaxantalec qamiri queca se no'uen, chaqai nqouagaxaiñitalec ná'maq rishiviñitac.

Juan 15:20

Se couahi'e dá'maq shinac na'le caqamiri: “Quiyim ca nelaatec se ỹapacauec queca na'co'.” Ca no'm ỹim qayocantac, ca' qamiri qai'neeta qarocañiỹac ma'le; chaqai no'm qana'xaỹaxana da ỹapaxaguinataxanaxac, qai'neeta qana'xaỹaxana ma'le ca rapaxaguinataxanaxaguii.

Hechos 18:3

Qam ma' dá'ogue da lo'ueenategue' ỹo'ueeterac na nopele', loqo'm na 'imec na'daañi, ca no'ueenañi lo'ueenataxanaxaua'.

Hechos 20:34

qam qamiri 'yiiñita quiyim so'ueenataxanalo na'le naua ỹaqai'laqate', ca 'ue ca souentaque chaqai caua ñauegaxaua'.

Hechos 7:60

Co'na' ime, ca ỹa'yi'iñi naua le'cootal, ca ỹaualaq, nelamaxaren, 'naaco': —Qami' ỹa'gaxala', mesqo 'lliinchirapega da lasauaxaset na qomyipi. Ca co'na' copaachigui 'naac dajo, ca ileu.

Romanos 12:14

'Xoriñitac ná'maq se ỹa'maxata'que qamiri. Chaqai shiilahi ñi qota'a quiyim no'ueenaxat ca llicyaxac na'maxare, mesqai shiilaxañilec queca se no'uen.

Romanos 12:20

Chaqai qai'neeta 'naac: “No'm qopat ca npa'guenaxaua'e', ca qui'ỹaxañi'. Chaqai no'm 'xoic ca laquip, ca ne'taxañi'. Ma' quena' qaỹo'uet dajo, ca ỹo'uet quiyim ỹoqa'a na lashic quena layiloxo.”

Romanos 8:35

Ca ¿negue' queto' ca ishit ỹoỹoote'ogalo qomi' queda le'xorenataxanaxa so Cristo? ¿Peeta'a ishit qaroỹootec da qare'xoric, loqo'm da qanquepaqataxac, loqo'm da qanocanaxac, loqo'm da qarqopaaxa, loqo'm quiyim qaica ca qotooỹac, loqo'm da lichic, loqo'm da nelauaxa? ¡'E', qaica!

1 Corintios 9:6

Loqo'm ¿'neetapigui qavillii quiyim so Bernabé chaqai aỹim quiyim qoqometa se seshitaq quiyim saxanaxañi da re'qoochigui qaro'ueenataxanaxac, ca qaralamqajlec sa'xataq da na'qaatec?

2 Corintios 11:8

Ca' ỹim 'ec souootaxana'gue ana lam ná'maq liỹaripi shi'gue icoñiguit da na'qaatec na' secoñiguit aca ñishiuete, ca' souen na' sentauguilo qamiri.

Efesios 4:28

Cá'maq rocachitaco' quen, ca' 'maxaraic ỹaxanñi da locataxac; ta'ta'a quiyim ro'ueenataxan, qaiyi ishit ỹotauan cá'maq 'ue ca louenaxanaxa.

1 Tesalonicenses 2:9

Qamiri qarqaỹa', no'viñita'gue quiyim ỹaatqajam 'ue da qaro'ueenataxanaxac chaqai ña'ñaxataq, ma' sahoqotaque quiyim ñauegaq ca qarepetaxanaxat. So'ueenataxanqatac quenaua na'xatari chaqai naua piri, ma' sahoqotaque quiyim qaica ca nesallaxantegueto qomi' na' senqatauguilo qamiri sa'xatqatac da la'qaatec ñi qota'a.

2 Tesalonicenses 3:8

chaqai sqaica ca sa'guinaq ca loq quiyim se seshiuetenaq. Ta'ta'a quiyim ỹaatqajam so'ueenataxanaq, 'xoic na qaresoochi quenaua na'xata' chaqai quenaua piri. Ma' sahoqotaque quiyim sqaica ca 'ec nesallaxainta'pegueto qomi' caqamiri.

1 Timoteo 4:10

Ca' chaqaida dá'maq 'em so'ueenataxanqatac chaqai ña'ñaxataxaguit da qanishiuenaxac, ma' mashic selloqo'ot da qanaquitaxac ñi qota'a ñí'maq nca'leetauec, ma' chaqaiñi ñí'maq ỹahotaque quiyim nca'laxatec ná'ogue na qomyipi. Qam cá'maq ỹaatqajam huelec ñi'maxare, ca' chaqaica cá'maq qanca'laxatec.

1 Pedro 2:23

Co'na' qaishiuentac so'maxare, se rishiuenaxan; co'na' qaỹahotaque da le'xoric, qam so'maxare se ra'xalenataxan. Ta'ta'a quiyim nañaantacot ñi qota'a ñí'maq se ỹo'maac quiyim nimit ca nasauaxaset.

1 Pedro 3:14

Qam 'eno'm 'ue ca re'xoriguii, qam quiyim 'maxachii'tegue da nachaalataxaguii, ca' 'ue ca ra'maxahi. Qaica ca ro'chiỹaque, chaqai sqaica ca rqo'ỹoqochichii.

1 Pedro 3:9

Cá'maq se no'uen sqai pilaxachilec ca se no'uen, chaqai no'm qarishiviñii, qam sqai shiuenaxañii. Ta'ta'a quiyim 'ỹaañim ca no'uen ra'qaachiguii ca qom, ma' ñi qota'a roỹaxanalo qamiri quiyim coñiguit ca qouagaxa.

1 Pedro 4:19

Ca quená'maq 'ue da le'xoric quiyim ỹo'ueetetac dá'maq ỹahotaque ñi qota'a, ca' no'uen quiyim queetalec ỹo'ueetetac dá'maq ỹa'maqachiguiñi. Ca' ỹaañiguilo naua napoquena ñi qota'a da nachaalataxac, ma' chaqaiñi ñí'maq lo'ueenatec. Ca' ñi'maxare ipacqajanchigui ma'le da la'qaatec.

Judas 1:9

Qam só'maq lashi na nelaatqaipi piguim laseripi, leenaxat Miguel, co'na' reloquita'pegue' so na'ỹaapec, ro'ootaxanteguelec so loshicmaxa so Moisés, se ishit quiyim inaxalec ca nouaxanaxaset ỹahota'ahi naua la'qaatqa. Ta'ta'a quiyim 'naac: “Ñí'maq qara'gaxala' nelaxa qami' ma'le.”