1 Corintios 4:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Vire'ta nagui sovirqau'a da qare'xoric quena qarqopaaxa, chaqai na qaraquip, chaqai qaica ca sanaxañi nooỹac, chaqai na qomyipi iualaxainta'pe qomi', chaqai qaica ca qara'a'.

1 Corintios 4:11 Iomraidhean Croise

Mateo 8:20

Ca' so Jesús 'naaco' na'le queso'maxare: —Ana nouaxaỹaxallipi 'ue na lauac, chaqai na qo'oollipi 'ue na lpa'gue'. Qam najo ỹale llaalec qaica ca lo'xaỹoqsoqo'.

Hechos 14:19

Ca 'vio' saua ỹovirero judío lase' chicqora'gue da Antioquía chaqai da Iconio, ca 'nerapega so qomyipi, ca qainaq quena qa' so Pablo. Ca' co'na' qohintapega mashic ileu, ca qaỹahoglene'ogue da lahi yi na'a'.

Hechos 16:23

Ca co'na' ime 'xoic da nouaxanaxague', ca qaỹapou'alo cañi ncoñiitaxanaxaqui late'ogue'. Ca' qohinapega so neloxoỹaq quiyim ỹaatqajam reloxoỹa'alo saua'maxare.

Hechos 23:2

Ca' so lashi na netaxaỹaxanqajanqaipi, leenaxat Ananías, 'naapegalo saua huaqase'e' so Pablo quiyim qaỹouaxanougui na lap.

Romanos 8:35

Ca ¿negue' queto' ca ishit ỹoỹoote'ogalo qomi' queda le'xorenataxanaxa so Cristo? ¿Peeta'a ishit qaroỹootec da qare'xoric, loqo'm da qanquepaqataxac, loqo'm da qanocanaxac, loqo'm da qarqopaaxa, loqo'm quiyim qaica ca qotooỹac, loqo'm da lichic, loqo'm da nelauaxa? ¡'E', qaica!

1 Corintios 9:4

Aỹim ỹaatqajam 'chichiguiñi quiyim sacoñiguit canchi qayqui'ỹaxanegue chaqai canchi qayi'taxañigui,

2 Corintios 11:20

Ma' qamiri na'ñaxachiiguit ná'maq ỹo'uet quiyim qamiri lelaatqa, loqo'm que'eetapiguilo qamiri, chaqai 'ec qamiri lalamaxarete', chaqai qaica ca ỹauaapigui qamiri, chaqai ỹouaxantapiguilo naua rashigori.

2 Corintios 4:8

Ca 'eno'm 'xoic hueete'ogalo ná'maq sqalanqatac, se ỹauana quiyim se qaỹa'ue ca la'maqa'. Chaqai 'eno'm 'ue na qarachitachic, qam qaiyiita se neme da qanaquitaxac.

Filipenses 4:12

Ma' mashic seuana da ne'xoric, chaqai sanaỹa'gue quiyim qaica ca souentaque, chaqai sa'den ña'ñaxachiguit canchaqaica 'neeta, quiyim yquema', loqo'm yqopat, loqo'm quiyim qaica ca souen, loqo'm qaica canchaqaica caỹim.

2 Timoteo 3:11

queda ñocanaxac chaqai da i'xoric. Chaqai mashic 'yiiñite' dá'ogue dá'maq qohine'tegue aỹim na' senta'ñi yi Antioquía, Iconio chaqai Listra, chaqai da i'xoric quenaua ñocanaxaco. Qam ñi qara'gaxala' nca'laxatec aỹim quená'ogue.