1 Corintios 4:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Chaqai qomi' qaỹamata'que quiyim qaica ca sa'deenaq, sauaxat qolqata'pegue' so Cristo, qam na' qamiri, ca nomachiỹalta' quiyim 'deenaxanqachaqaiqa queso Cristo. Chaqai qomi' qaica ca qarquesaxanaxa, ca' qamiri nomachiỹalta' quiyim qamiri quesaxanaxaiqa. Na qomyipi coqomi' qarenaqaterec, qam qamiri ỹaatqajam 'ue nqohin ca 'ñiigue.

1 Corintios 4:10 Iomraidhean Croise

Isaías 53:3

na ỹalliripi se icoñiguit chaqai ỹo'da'guit. Queso ỹale ỹaatqajam 'xoic na nqui'ic chaqai da le'xoric. Mashic 'ec cá'maq se sa'maxarenaq seuanaxa, qomi' lliỹoxosqa'piguit, qaica ca sauaqaque.

Mateo 24:9

Ca ma' ime, ca' qoỹaando qamiri ma'le quiyim qarouaxañitac, chaqai ná'ogue na qomyipi noquii'alo qamiri sovitapigui ma' viilec aỹim.

Mateo 5:11

Ỹaatqajam chalego la'maxa caqamiri, ma' qaishiuenta'pe, chaqai se qaỹa'maxata'que qamiri quena qomyipi, chaqai ma' qaiỹoxolgoto qamiri quena se no'uen qaro'maqajñitac, sovitapigui quiyim viilec aỹim.

Lucas 10:16

Qam ca na'xaỹaxanalo qamiri, ca' chaqaỹim na'xaỹaxana. Qam ca se ỹacoñiguita qamiri, ca' chaqaỹim se ỹacoñiguit. Qam ca se ỹacoñiguit aỹim, ca' chaqaiñi ñí'maq yila' ñi se ỹacoñiguit.

Lucas 18:9

Sauaxat ná'maq 'neetapega quiyim 'maxaraic qomyipi, ca se ỹacoñiguit na liỹaripi, ca' so Jesús ỹa'uo' so liỹa raloqojnaxana, 'naaco':

Lucas 6:22

Chaqai qai'neeta ra'maxaichiguiñi ma' qamiri qanoquii'alo quena qomyipi, chaqai ma' qaro'yia'oguiyi, chaqai ma' qoyiga'alo qamiri, chaqai ma' tot qanqo'ta da qadeenaxachii, 'ec chalego la'aaxa, sovitapigui najo ỹale llaalec.

Hechos 17:18

Qam 'vio' saua ỹale' napaxaguinsapega da lapaxaguinataxanaxac na leenaxat epicúreo, chaqai na liỹaripi napaxaguintapega da lapaxaguinataxanaxac na leenaxat estoico, ca' chaqaina na retaqata'pegue' so Pablo. 'Uo' na 'naac: —¿Negue' ca ỹa'xatetapeguema qomi' da ỹale? Ma' 'xoic da letaxaỹaxac. Ca 'uo' na naashiguim, 'naac: —'Ec talaxanteguelec ca ỹoqa'a qota'olqaipi. Ỹa'xat dajo so qomyipi, ma' qana'xaỹaxantapega quiyim ỹa'xatetac so Jesús chaqai quecá'maq ileu, ishit liỹa nca'leuec.

Hechos 17:32

Ca' sojo qomyipi co'na' 'xaỹa dajo quiyim na leuaxaic liỹa nca'leuec, ca 'uo' na i'neetac. Qam na liỹaripi 'naaco': —Ma' liỹa, ca ña'xaỹaxanaxa qami' quedajo, ma' liỹa 'xachi' dajo.

Hechos 26:24

Ca co'na' ñaq retaqatac so Pablo ỹa'xatetac dajo, ca naualqashiguim so Festo: —Qami' lecmaxaic nagui, Pablo, paguelec da napaxaguinaxaqui', ca releguemaxachi'.

Hechos 9:16

Ỹim sachaxanem ma'le ñi'maxare quiyim ỹovirau'a 'xoic ca le'xoric souetapigui aỹim.

1 Corintios 1:21

Ca ma' ñi'maxare ỹa'deentalec cá'maq ỹo'uet, ca ỹo'uet quiyim se qaỹa'den quená'maq na'deenaxanaxa huelecna. Chaqaidaata quiyim ỹahotaque nca'laxatec ná'maq huelec ñi'maxare, chicqochigui nqai'en da la'qaatec, 'eno' 'ec mogollishic quená'maq liỹa qomyipi.

1 Corintios 1:23

Qam qomi' sa'xatqatac da na'qaatec na' so Cristo qaipateno. Na judioipi quena' 'xaỹa da na'qaataxanaxac, ca ỹaatqajam npocoxolec, chaqai quena mesqai judío laseripi quena' 'xaỹa, 'eco' 'nejem ca chaqai mogollishic nqai'en.

1 Corintios 1:25

Ma' dá'maq quena qomyipi 'neetapega chaqai mogollishic chicqo'ot ñi qota'a, da'maxare napacalec ná'ogue na na'deenec huelecna; chaqai dá'maq 'neetapega quiyim 'eco' qaica ca lquesaxanaxa chicqo'ot ñi qota'a, da'maxare napacalec ná'ogue na nquesaxanaxa hueetalecna.

1 Corintios 10:12

Ca' vichiguiño' quiyim 'ue ca 'neetapega ra'ñichiguiñi, ca' no'uen quiyim netelañi, qaiyi sqai huaañi.

1 Corintios 2:14

Ca qom sqai neetagui so Espíritu Santo, se ishit icoñiguit da lo'ueenataxanaxac so ne'Espíritu ñi qota'a, ma' ca'maxare quiyim na'xaỹaxantapega, 'ec nqai'en chaqai mogollishic. Ma' se ỹa'den da'maxare. Ma' quena' qaimitaque ca leloxoỹaxac dajo, ca ipaquetaque quiyim qaỹotauan queso Espíritu Santo.

1 Corintios 2:3

Ca na' sentauguilo qamiri, sqaica ca iquesaxanaxa chaqai yi'loxolqachit da ỹoqolonaxa.

1 Corintios 3:18

Qam qaica ca nayinteguelta'. Quiyim 'ue ca ipeeta'a quiyim ỹa'den da llicyaxac da na'deenec huelecna, ca'maxare no'uen quiyim naconaque quiyim 'ec qaica ca ỹa'den, qaiyi ỹaatqajam llic 'ue ca ỹa'den.

1 Corintios 3:2

Saanema qamiri da napaxaguinataxanaxac isoteta, 'neetam nqaishin ca noctoqui' ñaqai llipetac qoỹaante'ema caua no'i', se qoỹaanem ca na'ic quesaxan. Ma' se ishit qoỹaanem ca na'ic quesaxan. Chaqai nagui qaiyiita saqa' shichii a'guii ca na'ic quesaxan,

1 Corintios 4:8

Ca mashic 'eco' qamiri mashic nesallaxanqa, chaqai ná'ogue ná'maq viñitaque mashic viitaxauot. 'Ñiitari' qamiri nashillipi, ca' nauá'maq qomi' ca qarenaxaitec. Ca ¡no'uen quiyim ỹaatqajam qamiri nashil, qaiyi qamiri ñouanqau'a quiyim qomi' nashil qai'neeta!

2 Corintios 10:10

Ma' qohinaco' quen quiyim naua ỹerecse ilaata se nesatete' chaqai 'xoic da lquesaxanqa', qam quiyim aỹim salequetauo, ca se squesaxan chaqai da itaxaỹaxac sqaica nqo'ta.

2 Corintios 11:19

Ma' 'neetapigui qavillii ỹaatqajam qamiri 'deenaxanqachaqaqa, ca na'ñaxachiiguit ná'maq hualoxonyipi.

2 Corintios 11:29

Ma' no'm 'ue cá'maq ra'lliiñi, 'ec aỹim ná'maq sa'lliita. Chaqai no'm 'ue ca huaañi nqohin, ca' ỹim 'ue i'xoric queda ỹayiloxo, chaqai 'ue da iuel.

2 Corintios 13:9

Vichiguiño' ñitoonaq quena' qaica ca qarquesaxanaxa, qam qamiri quesaxanaxaqa. Chaqai qolqatalec quiyim ñqouagaxainqatalgoto qamiri, qaiyi vire'to' ma' ralohichiguiñi.

2 Corintios 4:12

Ca, ma' da nelauaxa ỹo'ueetetac dá'maq chi lo'ueenataxanaxac coqomi', qam da nca'laxa ỹo'ueetetac da chi lo'ueenataxanaxac caqamiri.

2 Corintios 6:8

'Ue quen yi na'xa'a qaimaqachinta'pe qomi', chaqai 'ue quen yi na'xa'a se qaichira'pe qomi', chaqai 'ue quen yi na'xa'a 'maxaraic da qana'qaataxac, chaqai 'ue quen yi na'xa'a se no'uen da qohinac coqomi'. 'Ue quen 'ec qomi' 'maatqaqa nqohine', chaqai 'ue quen quiyim 'ec lliqueta nqohin dá'maq sa'xatqatac.

1 Tesalonicenses 4:8

Ca' vichiguiño' quiyim 'ue ca se ỹacoñiguit dá'maq napaxaguinataxanaxac, ca ca'maxare mesqaica ca chaqai qom ca se icoñiguit, ma' chaqaiñi ñí'maq qota'a ñi se icoñiguit, ñí'maq ỹaanema qomi' so Espíritu Santo.

1 Pedro 4:14

Ca no'm 'ue ca nelaxalo qamiri sovitapigui so Cristo, ca' chalego la'maxa caqamiri, ma' ñí'maq chalego lauaq ne'Espíritu ñi qota'a hueetalgoto qamiri. Saua'maxare se no'uen da ỹa'xatesac queso Cristo, qam qamiri maqachiñitac so'maxare.