1 Corintios 3:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam ca danaxan chaqai ca rocoraxantac caua'que qaica ỹapaguec, qam quiñi 'óna ỹacoñiguit da nishiuetenaxac da lo'ueenataxanaxac, ma' qaishiueten quiñi qota'a.

1 Corintios 3:8 Iomraidhean Croise

Mateo 16:27

Ma' najo ỹale llaalec ma' novi', ca' naquetaugui da lauaq ñi leta'a chaqai liỹaatac na lelaatqaipi piguim laseripi. Ca' ma'le, ca ishiueten quiñi 'óna quecá'maq lo'ueenatec.

Lucas 19:19

Ca' qai'neeta qohinapega so'maxare: “Qami' qai'neeta qami' sanagui nagui quiyim qami' nashi, ra'irelgoto caua cinco na'aate'.”

Romanos 2:6

ma' ñi'maxare ỹa'ue ca laseue' cá'maq lo'ueenatec quiñi 'óna.

1 Corintios 15:58

Ca' vichiguiño' qamiri ñauochaxaua' ỹaqaỹa', sqaico' ca nqovilliguiỹaque, ỹaatqajam quiito'ot 'viichitac da lo'ueenataxanaxac so qara'gaxala'. Ma' qamiri 'yiiñita da ro'ueenataxanaxaguii quiyim 'ueenataxañitacot so'maxare, ma'le ỹaatqajam 'ue ca 'negue.

1 Corintios 3:14

Ca qom no'm no'xonshiguim ca 'imec, ca no'm qaiqalanac queca norec, ca' ca'maxare icoñiguit aca nishiuete.

1 Corintios 3:7

Ca quecá'maq danaxan chaqai ca rocoraxantac qaica ca 'netegue. Qaiñiita ñí'maq qota'a maq 'ue ca 'negue, ma' ñi'maxare maq ỹo'uet da lañaqtaxac da no'ueenataxanaxac.

1 Corintios 3:9

Ma' qomi' no'ueenataxanaxauaripi queda lo'ueenataxanaxac ñi qota'a. Ca' qamiri 'ec qamiri lanaxanqa' ñi'maxare. Loqo'm 'nejem qamiri ca 'imec no'xontegueshiguim ñi qota'a.

1 Corintios 4:15

Ma' no'm ỹovi' ca diez mil ca ỹapaxaguinque qamiri so Cristo, qam se ishit quiyim 'xoic ca qataa'illipi. Ma' ỹim ná'maq leta'a da rpi'ỹaxaguii queso Cristo Jesús. Ma' ỹim ná'maq sa'xatema qamiri na'le dá'maq na'qaatec chicqaugui da nca'laxa.

1 Corintios 9:7

¿Negue' ca ishit quiyim taho nouaataxanaq quiyim ishiuetentac ná'ogue na louenec? Chaqai ¿negue' ca ishit ỹanñi aca uva, ca' se ỹa'ic aca la? Chaqai ¿negue' ca ishit reloqota'a aca qagreta, qam se ni'chiguilo caua lo'i' lelamecse'?

Gálatas 6:4

Ca' quiñi 'óna chi nimitalta' quedá'maq chi no'ueenataxac, ca' quiyi, ca nauata'guit no'm ỹa'maqachiguiñi, qam quiyim queda chi no'ueenataxac, qam mesqai queca liỹa.

Gálatas 6:5

Ma' quiñi 'óna i'xatetegueri' cá'maq chi li'ỹaac.

Hebreos 6:10

Ma' ñi qota'a ỹaatqajam ipaquichigui nqai'en da la'qaatec, chaqai se coua'e dá'maq 'ñiitari' ma' chaxañita da re'xorenataxanaxahi quiñi'maxare quena' tauañii na qarqaỹaripi qarpi'ỹaxauaripi, dá'maq ñaqaida quiitalec 'viichitac.

1 Pedro 5:4

qaiyi ma' ỹovita quiyim novi' só'maq reloqota'a ná'ogue na la'gaxalateripi ná'maq mashic icoñiguit da na'qaatec, ca' coñiguit cá'maq nishivichii 'ue lauaq, sqai 'nejem aca lishiuetenaxanqate ca chaqai qom, ma' ishit ỹaso 'nejem aca qo'paq laue.

2 Juan 1:8

Ca' rovichiỹari'o' quedá'maq 'ñiitari', 'neeto' na'laañi ná'maq ro'ueenachiguii. Ta'ta'a quiyim coñiguit cá'ogue ca lashivichaxac.

Apocalipsis 2:23

Chaqai salauat ma'le ná'ogue na llaalqaipi, qaiyi ỹa'den ma'le ná'ogue ná'maq mashic icoñiguit da na'qaatec quiyim ỹim sa'den ná'maq qoỹoqochi'ña na'deenataxanaxac chaqai da namaanaxanqachic, chaqai quiñi 'óna caqamiri icoñiguit ma'le cá'maq laseue' cá'maq ỹo'ueetetac.

Apocalipsis 22:12

—Ajá'a, ỹim sqaỹaloq ñanac. Ca' ñi'xateta cá'maq ishiuetenaxanaxat quiñi 'óna quecá'maq 'neeta ca lo'ueenataxanaxac.