1 Corintios 3:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ma' ¿nega'ỹo' ca Pablo? chaqai ¿nega'ỹo' ca Apolos? Qomi' chaqaidaata qomi' lelaatqa ñi qota'a, qomi' chigoqchiỹauguilo quiyim viilec qamiri ñi qara'gaxala' Jesús. Qam quiñi 'óna coqomi' ỹo'uet cá'maq qaỹamaxalec quiñi qara'gaxala'.

1 Corintios 3:5 Iomraidhean Croise

Mateo 25:15

Ca' so 'óna quesaua'maxare ỹaanem aso cinco mil, ca' so liỹa ỹaanem aso dos mil, chaqai so liỹa ỹaanem aso mil. So'maxare ỹaanem acá'maq naloote'e' quiñi 'óna. Ime, ca' eec.

Lucas 1:2

Ca saua'maxare ỹichiñi chaqaida dá'maq qarapaxaguinegue sauá'maq ỹauanchirigui da no'ueenataxanaxac na' llaqatachiguiñi, chaqai rotaanaxandegue quiyim ỹa'xate' da na'qaatec.

Juan 3:27

Ca' so Juan 'naapegalo': —Qaica ca qom quiyim chi nanoiquentac 'ue ca ỹo'uet, no'm sqo ỹaanem quiñi qota'olec cá'maq ỹo'uet.

Hechos 18:24

Ca' quesaua na'xata' ỹovito' yi Efeso so judío le'ec leenaxat Apolos, chicqota'gue da na'a' Alejandría dá'maq chi ne'xaỹoqsoqo'. So'maxare ỹaatqajam ỹa'den yi na'qaatec naneresalec naua ñaua'pe nerecse' la'qaatqa ñi qota'a. Quiyim ỹa'xate', qaica ca npatan.

Hechos 19:1

Ca co'na' so Apolos hueeta'ñi yi Corinto, ca so Pablo naquetagui na no'ueenaxanaxaquiripi neetalgoto naua 'lauari qoỹoqoshi'meguelo, ca chi ỹoviretau'o' yi Efeso. Ca 'vio' saua natenalgoto mashic ỹaconchiguit da na'qaatec.

Romanos 15:16

quiyim aỹim lelaatec nqai'en so Jesucristo quená'maq sqai judioipi, quiyim so'ueenataxanougui. Ca dá'maq so'ueetetac 'neetasa' quiyim sa'xatetapeguem da na'qaatec chicqaugui da nca'laxa ỹachaxantac ñi qota'a, qaiyi saanot ñi'maxare ná'maq sqai judioipi, 'nejem aca nachitaxanataxanqate qaỹa'maxarenta quiñi qota'a, ma' mashic qaỹoỹoota'oga na'maxare queso Espíritu Santo.

1 Corintios 12:28

Ca 'eda da 'ne'tegue ñi qota'a quena' 'ue ñi ỹaconeu'a quená'maq mashic huelec ñi'maxare quena' ỹo'uet da lo'ueenataxanaxac. Ỹa'maxachichiguiñi da 'ne'tegue quiyim ỹa'auaxan na lelaatec so Jesús, ime lotqai na ỹa'xat da la'qaatec ñi qota'a, ime lotqai na napaxaguinataxanaq, ime lotqai na re'oq nqai'en na nquesaxanaxa se qaiuanapega, ime lotqai na nataren na ralolaxaic chaqai na ỹotauan ca liỹa, chaqai na na'gaxala', chaqai 'ue na ỹa'xate' naua na'qaatqa se qaiuanapegalo.

1 Corintios 16:12

Qam so qarqaỹa Apolos ỹaatqajam yipaca'a quiyim queguelo saua liỹa' qarqaỹa' quepegueto qamiri, qam sqai eec nagui. Qam eeco' ma' 'ue ca ledaaqa'.

1 Corintios 3:10

Ca aỹim shintam ca nashi queca 'imec lo'ollipi, ma' ñi qota'a ỹamaxailec quiyim sa'auaxanñi so no'xonaxala' ca 'imec, ca' na liỹaripi no'xonshiguim so'maxare. Qalaxam quiñi 'óna ỹouen quiyim ra'ijlec ca leloxoỹaxac quiyim no'xonshiguim.

1 Corintios 3:22

quiyim ca Pablo, loqo'm ca Apolos, loqo'm Pedro, loqo'm na 'laua, loqo'm da nca'laxa, loqo'm da nelauaxa, loqo'm naua ñachaatqatauguilo na'xata', loqo'm ca ñaqa naataho, ma' naua'maxare naua'que chi ralamqachiri.

1 Corintios 3:7

Ca quecá'maq danaxan chaqai ca rocoraxantac qaica ca 'netegue. Qaiñiita ñí'maq qota'a maq 'ue ca 'negue, ma' ñi'maxare maq ỹo'uet da lañaqtaxac da no'ueenataxanaxac.

1 Corintios 9:17

Ca' vichiguiño' quiyim chaqaỹim chicqochigui da ỹa'deenataxanaxac quiyim so'uet da'maxare, ca' ma'le ishit 'ue ca ñishiue'. Qam quiyim yipacalec so'uet, qaiyiita ma' chi qaỹamaxailec quiñi qota'a quiyim so'uet da'maxare.

2 Corintios 11:23

¿Na'maxare peeta'a lelaatqaipi so Cristo? Qam ỹim sapacauec quena'maxare, 'eno'm 'ec ỹim hualoxonaq quiyim shinac dajo. Ma' paguec da ỹo'ueenataxanaxac quena'maxare, paguec da ñouaxanaxac quena'maxare, chaqai paguec da ñcoñiitaxac, chaqai 'xoic seuetaugui da lichic da nelauaxa.

2 Corintios 3:3

Ma' qamiri nauá'maq 'ec qamiri nelaata lerecse so Cristo quiyim qomi' sanaxauec. Ca' qamiri nelaata, qam se qoderaxana ca chaqai neraxanaxat, ta'ta'a só'maq ne'Espíritu ñi qota'a maq nca'leetauec. Najo nelaata se qoỹerelec ca qa', ma' qoỹerelgoto naua le'taxanata na qomyipi.

2 Corintios 3:6

Ma' ñi'maxare ñí'maq chicqo'ot quiyim qomi' seshitaq sovirqau'a quiyim so'ueenataxanaq queda dalaxaic 'maqataxac. Da'maxare sqai 'nejem ca qoyiuelec chi naneretañi, ma' da'maxare chaqaida dá'maq dalaxaic chaalataxac chicqo'ot so Espíritu Santo. Na naqataxaquipi qoỹeretañi ỹo'uet ca lelauaxa ca qom, qam so Espíritu Santo ỹo'uet da nca'laxa.

2 Corintios 4:1

Vichiguiño' se ỹauanapega quiyim qareualtegueñi, ma' ñi qota'a quedá'maq chi lqouagaxa, ca ỹaanema qomi' dajo no'ueenataxanaxac.

2 Corintios 4:5

Ca' quena' sa'xatqatac dajo na'qaatec, se ña'xatqateguelta' qomi'. Ta'ta'a quiyim sa'xatqatac so Jesucristo quiyim chaqaiso só'maq qara'gaxala'. Qam coqomi', ca shinqac qomi' relaataxahi, quedá'maq le'xorenataxanaxa so Jesús.

2 Corintios 4:7

Qam dá'maq paguec lesega'a hueetagui na qaroshicmaxa, ná'maq 'ec aca chaqai 'ueena 'laua, qaiyi re'oq dá'maq chalego lecaic nquesaxanaxa chicqo'ot ñi qota'a, mesqai chaqai chicqauguilo qomi'.

2 Corintios 5:18

Ca' dá'ogue dajo chi ỹo'uet ñi qota'a ñí'maq chicqochigui nqai'en so Cristo quiyim seuacqa'chiguit ñi'maxare, chaqai ỹa'ue da laqataxac coqomi' quiyim ná'ogue na qomyipi huaqui'chiguit nqaishinaq ñi'maxare.

2 Corintios 6:1

Ca ma' qomi' lotaua' ñi qota'a queda lo'ueenataxanaxac, ca ñi'xoresenqa'toto qamiri sqa taiguit quiyim se nquipichiỹa'pegue' da lqouagaxa ñi qota'a dá'maq mashic ỹachaxanema qamiri.

2 Corintios 6:4

Ta'ta'a quiyim sahoqotaque quená'ogue ná'maq so'ueetaq re'oq nqai'ne' qomi' quiyim qomi' lelaatqa ñi qota'a, queda qareualaxavic quena' ña'ñaxatqata'piguit da qare'xoric, chaqai qarouenaxanaxa, chaqai na qananaqataxaquipi.

Efesios 3:7

Ca' ỹaatqajam qaica ca sahotaque chi yi'laqac, qa' mashic qailarilec da na'qaatec. Qam da'maxare chicqochigui da lquesaxanaxa ñi qota'a.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.

Colosenses 1:25

Ca sovirau'a quiyim sedaanlec ná'maq mashic icoñiguit da na'qaatec quedá'maq laqataxac ñi qota'a, ma' ỹahotaque quiyim ra'maxaiñi chaqai quiyim sa'xat dá'ogue dá'maq la'qaatec ñi'maxare,

1 Timoteo 1:12

Saanot da ña'aachic ñi qara'gaxala' Jesucristo, ñí'maq nañaañim da ña'ñaaqataxac quedajo, ma' ỹa'den quiyim yaqamqata, ca' pataxailec da lo'ueenataxanaxac.

1 Pedro 4:10

Chaqai quiñi 'óna ro'ueenataxana cá'maq qoỹaanem quiñi qota'a, ỹa'maxate'tegue da lo'ueenataxanaxac quecá'maq reloqo'tegue ca lqouagaxa ñi qota'a.